تۇزعا تالاسۋدىڭ قاجەتى جوق! جۇڭگو تۇز توبى مالىمدەمە جاريالادى
2023.08.25 13:39 كەلۋ قاينارى : حالىق تورابى
ءىشىنارا بازارلاردا تۋىلعان اس تۇزىن تالاسا - تارماسا ساتىپ الۋ قۇبىلىسىنا قاراتا، جۇڭگو تۇز توبى شەكتى سەرىكتەستىگى 4 - ايدىڭ 24 - كۇنى مىناداي مالىمدەمە جاريالادى:
جاپونيانىڭ يادرولىق لاس سۋدى تەڭىزگە ىعىستىرۋىنىڭ ىقپالىنان، ەلىمىزدىڭ ءىشىنارا بازارلارىندا اس تۇزىن تالاسا - تارماسا ساتىپ الۋ قۇبىلىسى جارىققا شىقتى. جۇڭگو تۇز توبى ەلىمىزدىڭ تۇز سالاسىنداعى بىردەن - ءبىر ورتالىققا قاراستى كاسىپورىن رەتىندە اس تۇزىمەن بازاردى قامداۋدى جانە ساپا حاۋىپسىزدىگىن قامتاماسىز ەتۋدى ماڭداي الدى جاۋاپكەرشىلىگى دەپ بىلەدى. وسى رەتكى بازار تولقۋىنا قاراتا مىناداي مالىمدەمە جاريالايمىز:
ەلىمىز اس تۇزىن تۇيىندە ءوندىرىپ باسقارادى، ەلىمىزدە اس تۇزىنىڭ كەلۋ قاينارى نەگىزىنەن مىناداي ءۇش تۇرگە بولىنەدى: قۇدىق تۇزى، كول تۇزى، تەڭىز تۇزى. قازىر ەلىمىزدىڭ اس تۇزى ونىمدەرىنىڭ قۇرىلىمدىق سالىستىرماسى قۇدىق تۇزى %87 ىن، تەڭىز تۇزى %10 ىن، كول تۇزى %3ىن ۇستايدى، قۇدىق تۇزى مەن كول تۇزى ءوندىرىسى جاپونيانىڭ يادرولىق لاستانۋىنىڭ ىقپالىنا ۇشىرامايدى.
جۇڭگو تۇز توبى — دۇنيە جۇزىندەگى ەڭ ۇلكەن اس تۇزىن وندىرەتىن كاسىپورىن، اس تۇزىنىڭ ءوندىرىس قۋاتى جىلىنا 10 ميلليون توننادان اسادى، مۇنىڭ ىشىندە قۇدىق تۇزىنىڭ سالىستىرماسى %95، كول تۇزىنىڭ سالىستىرماسى %4، تەڭىز تۇزىنىڭ سالىستىرماسى %1 تى ۇستايدى. جۇڭگو تۇز توبى بۇكىل ەل بويىنشا كەمەلدى ءوندىرۋ، ساتۋ كاسىپورىندارىن ورنالاستىرعان، اس تۇزىن زاپاس ساقتاۋ مەن قامداۋى جەتكىلىكتى. جۇڭگو تۇز توبىنىڭ كەمەلدى ءونىم ساپاسىن باسقارۋ جۇيەسى مەن اس تۇزىنىڭ حاۋىپسىزدىك حاۋىپ ـ قاتەرىن باعالاۋ جۇيەسى بار، اس تۇزى ونىمدەرىن تۋ باستان قۋزاستىرۋعا، ساپا حاۋىپسىزدىگىن قامتاماسىز ەتۋگە بولادى.
جۇڭگو تۇز توبى 2003 – جىلعى تۋىلعان سارس وكپە قابىنۋى، 2008 - جىلعى ۋىنچۋاندا تۋىلعان جەر سىلكىنىسى، 2011 - جىلعى جاپونياداعى زور جەر سىلكىنىسى جانە جاڭا تيپتى ايدارشا ۆيرۋس وكپە قابىنۋ ىندەتى تۋىلعانداعى بازار تولقۋى بارىسىندا، بازاردى اس تۇزىمەن قامداۋدى ويداعىداي قامتاماسىزداندىرىپ، ورنىقتىرعىشتىق جانە تىرەكتىك رولىن اتقاردى.
تاياۋدا ءىشىنارا وڭىرلىك بازارلاردا اس تۇزىن تالاسا - تارماسا ساتىپ الىپ، ەلەكتروندىق ساۋدادا جانە ءبىر ءبولىم ساۋدا ەرەن بازارلارىندا قىسقا ۋاقىت تۇز تاپشى بولۋ قۇبىلىسى تۋىلدى، ءبىز ۇستەمەلەپ ءوندىرىپ، جەتكىزىپ، بازاردى قامداۋدى بار كۇشپەن قامتاماسىزداندىرۋدامىز. قوعامداعى ءار سالانىڭ سانالىقپەن ساتىپ الۋىن، كوزسىزدىكپەن تالاسا - تارماسا ساتىپ الماۋىن ەسكەرتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
