شي جينپيڭ بريكس ەلدەرى باسشىلارىنىڭ 15 - رەتكى ديدارلاسۋىنىڭ تىلشىلەردى قابىلداۋ ارنايى ماجىلىسىنە قاتىناستى
بريكستىڭ مۇشەلەرىن كوبەيتۋى — بريكس ەلدەرى سەلبەستىگىنىڭ جاڭا باستاماسى، بريكس ەلدەرىنىڭ سەلبەستىك مەحانيزمىنە تىڭ ومىرشەڭدىك كۇش قوسادى دەپ دارىپتەدى
2023.08.25 16:16 كەلۋ قاينارى : حالىق تورابى
سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ 15 – رەتكى ديدارلاسۋىنىڭ تىلشىلەردى قابىلداۋ ارنايى ماجىلىسىنە قاتىناستى. ماجىلىستە ساۋد ارابياسى، ەگيپەت، اراب بىرىككەن امىرلىگى، ارگەنتينا، يران، ەفيوپيا ەلدەرىنىڭ رەسمي ۇسىنىس بويىنشا بريكس ەلدەرى شاڭىراعىنىڭ مۇشەلەرى بولعانى جاريالاندى. شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 8 - ايدىڭ 24 – كۇنى، يوحاننەسبۋرگ (تىلشىلەر دۋ شاڭزى، ليۋ شاۋحۋا). سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ 15 - رەتكى ديدارلاسۋىنىڭ تىلشىلەردى قابىلداۋ ارنايى ماجىلىسىنە قاتىناستى.
ماجىلىستە ساۋد ارابياسى، ەگيپەت، اراب بىرىككەن امىرلىگى، ارگەنتينا، يران، ەفيوپيا ەلدەرىنىڭ رەسمي ۇسىنىس بويىنشا بريكس ەلدەرى شاڭىراعىنىڭ مۇشەلەرى بولعانى جاريالاندى.
شي جينپيڭ ماڭىزدى ءسوز سويلەدى. شي جينپيڭ بىلاي دەپ اتاپ كورسەتتى: بريكس ەلدەرى − تۇگەلدەي ماڭىزدى ىقپالعا يە ەلدەر، دۇنيە ءجۇزىنىڭ بەيبىتشىلىگى مەن دامۋى جونىنەن ماڭىزدى جاۋاپكەرلىك ارقالايدى. وسى رەتكى ديدارلاسۋدا ءبىز قازىرگى حالىقارالىق جاعداي، بريكس ەلدەرى سەلبەستىگى سياقتى ماسەلەلەر توڭىرەگىندە ىشكەرىلەي پىكىر اۋىستىرىپ، كەڭ كولەمدى ورتاق تانىمعا كەلىپ، باسشىلار باس قوسۋى جارناماسىن جاريالاپ، سۇبەلى تابىستارعا قول جەتكىزدىك.
شي جينپيڭ بىلاي دەپ اتاپ كورسەتتى: 5 ەلدىڭ باسشىلارى ساۋد ارابياسى، ەگيپەت، اراب بىرىككەن امىرلىگى، ارگەنتينا، يران، ەفيوپيا ەلدەرىن بريكس ۇلى شاڭىراعىنىڭ مۇشەلىگىنە ۇسىنىس ەتۋگە ءبىر اۋىزدان ماقۇل بولدى. جۇڭگو جاق وسى ەلدەردى قۇتتىقتايدى، ءتوراعا ەل وڭتۇستىك افريكا مەن راماپوسا زۇڭتۇڭنىڭ قۇلشىنىسىن بارىنشا القايدى.
شي جينپيڭ بىلاي دەپ دارىپتەدى: بۇل رەتكى مۇشە كوبەيتۋ تاريحي سيپاتقا يە بولىپ، بريكس ەلدەرىنىڭ وركەندەپ كەلە جاتقان ەلدەرمەن ىنتىماقتاسىپ سەلبەسۋ بەكىمىن ايگىلەدى، حالىقارالىق قوعامنىڭ تىلەگىنە ۇيلەسەدى، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ورتاق مۇددەسىنە ۇيلەسەدى. بۇل رەتكى مۇشە كوبەيتۋ − بريكس ەلدەرى سەلبەستىگىنىڭ جاڭا باستاماسى، الدا بريكس ەلدەرىنىڭ سەلبەستىك مەحانيزمىنە تىڭ ومىرشەڭدىك كۇش قوسىپ، دۇنيە ءجۇزىنىڭ بەيبىتشىلىگى مەن دامۋ كۇشىن ونان ارى ۇلعايتادى. مەن تەك ءبىر نيەتپەن سەلبەسسەك بولعانى، بريكس ەلدەرى سەلبەستىگىنىڭ بولاشاعىنان زور ءۇمىت كۇتۋگە، بريكس ەلدەرىنىڭ بولاشاعىنىڭ نۇرلى بولاتىنىنا سەنەمىن. بىرگە قۇلشىنىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتاسا وتىرىپ دامۋعا تالپىنۋىنىڭ تىڭ داستانىن جازايىق!
ءماجىلىستى وڭتۇستىك افريكانىڭ زۇڭتۇڭى راماپوسا باسقاردى، برازيليانىڭ زۇڭتۇڭى لۋلا، ءۇندىستاننىڭ زۇڭليى مودي جانە رەسەيدىڭ زۇڭتۇڭى پۋتين (ينتەرنەت جەلىسىندە) قاتىناستى.
ماجىلىستە «بريكس ەلدەرى باسشىلارىنىڭ 15 - رەتكى ديدارلاسۋىنىڭ يوحاننەسبۋرگ جارناماسى» ماقۇلداندى ءارى جاريالاندى.
ساي چي، ۋاڭ ي قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
