شي جينپيڭ تانزانيانىڭ زۇڭتۇڭى حاسانمەن كەزدەستى
2023.08.25 16:21 كەلۋ قاينارى : حالىق تورابى
سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ كەزدەسۋىنە قاتىناسقان كەزىندە تانزانيانىڭ زۇڭتۇڭى حاسانمەن كەزدەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 8 - ايدىڭ 24 – كۇنى، يوحاننەسبۋرگ (تىلشىلەر ليۋ شاۋحۋا، زوۋ سۇڭ). سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ كەزدەسۋىنە قاتىناسقان كەزىندە تانزانيانىڭ زۇڭتۇڭى حاسانمەن كەزدەستى.
شي جينپيڭ بىلاي دەپ اتاپ كورسەتتى: زۇڭتۇڭ حانىمنىڭ بىلتىر 11 - ايدا جۇڭگودا ءساتتى ساپاردا بولۋى − جۇڭگو - تانزانيا قارىم - قاتىناسىنداعى شۇعىلالى ءسات. ءبىز كەلىسكەن ءتۇرلى ورتاق تانىمدار بەلسەندى، ءونىمدى تياناقتانۋدا. جۇڭگو - تانزانيا سەلبەستىگى باستان - اياق جۇڭگو - افريكا سەلبەستىگىنىڭ الدىڭعى لەگىندە ءجۇردى، تانزانيا تەمىر جولى − ەكى ەل حالىقتارىنىڭ ورتاق تاماشا ەستەمەسى. كەلەر جىل − جۇڭگو - تانزانيا ديپلوماتيالىق قارىم - قاتىناس ورناتقانىنىڭ 60 جىلدىعى، جۇڭگو جاق ديپلوماتيالىق قارىم - قاتىناس ورناتۋدىڭ 60 جىلدىعىن بىرگە قۇتتىقتاۋدى وراي ەتىپ، تانزانيامەن بىرگە ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن ۇزدىكسىز تاباندىلىقپەن قولداپ، ستراتەگيالىق سەلبەستىكتى تەرەڭدەتۋدى قالايدى. قازىرگى حالىقارالىق جاعدايدا جۇڭگو مەن افريكانىڭ سەلبەستىگىن كۇشەيتۋ وركەندەپ كەلە جاتقان ەلدەردىڭ ىنتىماعى مەن ورىندى دامۋ مۇددەسىن قورعاۋعا ءتيىمدى.
حاسان مىنالاردى ءبىلدىردى: بىلتىر جۇڭگوعا ءساتتى ساپارلاي بارعانىما ءارى ءتوراعا شي جينپيڭمەن ەكى ەلدىڭ قارىم - قاتىناسىن جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرگەنىمە وتە قۋانىشتىمىن. تانزانيا، جۇڭگو ەكى ەل ءار ساتىدا تىعىز بارىس - كەلىستى ساقتاپ، سەلبەستىك نىساندارىن ءساتتى ىلگەرىلەتتى. تانزانيا جۇڭگونىڭ وركەندەپ كەلە جاتقان ەلدەردىڭ دامۋىنا قاستەلرى قولداۋ جانە كومەك كورسەتكەنىن القايدى، تانزانيا قاتارلى وركەندەپ كەلە جاتقان ەلدەر ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ سياقتى كەلەلى دارىپتەمەلەردەن كوپ يگىلىككە كەنەلدى. تانزانيا جۇڭگومەن كەلەر جىلى ديپلوماتيالىق قارىم - قاتىناس ورناتۋدىڭ 60 جىلدىعىن بىرگە قۇتتىقتاپ، تانزانيا - جۇڭگو قارىم - قاتىناسىنىڭ دامۋ دەڭگەيىن اناعۇرلىم جوعارىلاتۋدى ءۇمىت ەتەدى.
ساي چي، ۋاڭ ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
