شي جينپيڭ ناميبيانىڭ زۇڭتۇڭى گەينگوبپەن كەزدەستى
2023.08.25 16:22 كەلۋ قاينارى : حالىق تورابى
سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ ديدارلاسۋىنا قاتىناسقان كەزىندە ناميبيانىڭ زۇڭتۇڭى گەينگوبپەن كەزدەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 8 - ايدىڭ 24 - كۇنى، يوحاننەسبۋرگ (تىلشىلەر ياڭ ي، شى يۋانحاۋ). سول جەر ۋاقىتى 8 - ايدىڭ 24 - كۇنى تۇستەن بۇرىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ كەزدەسۋىنە قاتىناسقان كەزىندە ناميبيانىڭ زۇڭتۇڭى گەينگوبپەن كەزدەستى.
شي جينپيڭ بىلاي دەپ اتاپ كورسەتتى: زۇڭتۇڭ مىرزا − جۇڭگو حالقىنىڭ كونە دوسى، جۇڭگوعا تەرەڭ سۇيىسپەنشىلىك ورناتقان، جۇڭگو جاقتىڭ وزەكتى مۇددە ماسەلەسىندەگى تۇرعىسىن باتىل قولدايدى، حالىقارالىق ىستەردە ادىلدىكتى جاقتايدى، ادىلدىكتەن تايمايدى، ءبىز مۇنى ەرەكشە القايمىز. جۇڭگو جاق ناميبيا جاقپەن ءار سالادا، سونىڭ ىشىندە تازا ەنەرگيا سەلبەستىگىن كۇشەيتۋدى قالايدى، جۇڭگو كاسىپورىندارىن ناميبياعا بارىپ قارجى قوسىپ، كاسىپتى گۇلدەندىرۋگە شابىتتاندىرىپ، ناميبيامەن ءجيى قارىم - قاتىناس جاساپ، ەكى ەل قارىم - قاتىناسىن جاپپاي تەرەڭدەتەدى.
شي جينپيڭ بىلاي دەپ اتاپ كورسەتتى: ۇقساس تاريحي كەشۋلەر مەن كۇرەس كەشىرمەلەرى جۇڭگو مەن افريكانىڭ تىلەگىن توعىستىردى. جۇڭگو ۇلكەندى - كىشىلى ەلدەردىڭ تەرەزەسى تەڭ بولۋدا، ءبىرىن - ءبىرى قۇرمەتتەۋىندە تاباندى بولادى. جۇڭگو كوممۋنيستىك پارتياسى جۇڭگو حالقىنا باسشىلىق ەتىپ، جۇڭگوشا سوتسياليزم جولىمەن ءجۇردى، سونىمەن بىرگە، ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋ سياقتى ءبىرقىدىرۋ باستامانى العا قويۋ ارقىلى وركەندەپ كەلە جاتقان ەلدەردىڭ بىرگە دامۋدى، گۇلدەنۋدى جۇزەگە اسىرۋىنا مۇمكىندىك جاساپ، وركەندەپ كەلە جاتقان ەلدەر ءۇشىن اناعۇرلىم زور تەڭدىك ۇقىعىن قولعا كەلتىردى.
گەينگوبپ مىنالاردى ءبىلدىردى: ناميبيا مەن جۇڭگونىڭ دوستىعى ارىدان باستاۋ الادى. جۇڭگو − بارلىق جاعدايدا بىردەي دوسىمىز، ونان دا ماڭىزدىسى، ءبىز قيىنشىلىققا جولىققاندا سۇيەنەتىن دوسىمىز. ناميبيا جاق جۇڭگو جاقتىڭ ناميبيا جاقتىڭ ۇلتتىڭ تاۋەلسىزدىگىنە، ازاتتىعىنا قول جەتكىزۋ، مەملەكەتتىڭ ءتۇرلى ىستەرىن دامىتۋ بارىسىندا باتىل قولداۋ كورسەتكەنىنە شىن جۇرەكتەن العىس ايتادى. ءتوراعا شي جينپيڭ − دۇنيە جۇزىندەگى ءىرى ەلدىڭ كوسەمى، جۇڭگو حالقىنا باسشىلىق ەتىپ، ەرەكشە تابىستارعا قول جەتكىزدى، سونىمەن بىرگە، افريكا ەلدەرى باسشىلارىنا ەرەكشە بارابار مامىلە جاساپ، كىشى پەيىلدىك تانىتتى، بۇل ادامدى اسەرلەندىرەدى. ناميبيا جۇڭگوشا سوتسياليزم يدەياسىنان تەرەڭ شابىت الىپ، ناميبيا ەرەكشەلىگىنە يە وسىزامانداندىرۋ جولىن قاراستىرۋدا. ناميبيا جاق جۇڭگونى باتىل قولدايدى، جۇڭگو كاسىپورىندارىنىڭ ناميبياعا بارىپ قارجى قوسۋىن، سەلبەستىك جاساسۋىن قارسى الادى، جۇڭگو جاقپەن بىرگە ناميبيا - جۇڭگو قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايمىز.
ساي چي، ۋاڭ ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
