3 تاراۋ زاڭسىز ورگانداردىڭ باسقالاردىڭ اتىن جامىلىپ جالعان قازىنالىق باقىلاۋ دوكلاتىن بەرۋىنە سوققى بەرەدى
2023.10.09 16:03 كەلۋ قاينارى : حالىق تورابى
10 – ايدىڭ 8 – كۇنى قازىنا مينيسترلىگى، مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى، مەملەكەتتىك فينانستى باقىلاۋ ـ باسقارۋ باس مەكەمەسى بىرلەسىپ سىرتقا «قازىنالىق باقىلاۋ مالىمەتىن تەكسەرۋ قىزمەتىن كۇشەيتۋ جونىندەگى ۇقتىرۋدى» جاريالاپ، ينفورماتسيالاندىرۋ تاسىلىنەن پايدالانىپ زاڭسىز ورگانداردىڭ بۇعالتىرلىق ىستەرى ورنىنىڭ اتىن جالعاننان جامىلىپ قازىنالىق باقىلاۋ دوكلاتىن شىعارۋى، ءىشىنارا بۇعالتىرلىق ورىندارىنىڭ ۇقساس ءبىر ەكونوميكالىق باقىلاۋ ىستەرى ءۇشىن بەلگىلەمەگە قايشى فورمامەن كوپ رەت ەكونوميكالىق باقىلاۋ دوكلاتىن شىعارۋى قاتارلى زاڭ، بەلگىلەمەگە قايشى قىلمىستارعا سوققى بەرۋىن ورتاعا قويدى، مۇنداعى ماقسات بۇعالتىرلىققا تىركەلۋ سالاسىنىڭ ينفورماتسيالانعان باقىلاۋ – باسقارۋىن كۇشەيتۋ، قازىنالىق باقىلاۋ دوكلاتىن تەكسەرۋدى كۇشەيتۋ.
«ۇقتىرۋدا» مىنالار تالاپ ەتىلدى: تىركەلگەن بۇعالتىرلاردى باقىلاپ باسقارۋ جانە كاسىپكە جەتەكشىلىك ىستەۋىن جالعاستى كۇشەيتىپ، بۇكىل مەملەكەت اۋماعىندا ەكونوميكالىق باقىلاۋ دوكلاتىنىڭ دالەلدەۋ ءنومىرىن قولدانۋدى ىلگەرى باستىرىپ، ينفورماتسيالاندىرۋ تاسىلىنەن پايدالانىپ، زاڭسىز ورگانداردىڭ بۇعالتىرلىق ورنىنىڭ اتىن جامىلىپ جالعان ەكونوميكالىق باقىلاۋ دوكلاتىن شىعارۋى، ءىشىنارا بۇعالتىرلىق ورىندارىنىڭ ۇقساس ءبىر ەكونوميكالىق باقىلاۋ ىستەرى ءۇشىن بەلگىلەمەگە قايشى فورمامەن كوپ رەت ەكونوميكالىق باقىلاۋ دوكلاتى شىعارۋى قاتارلى زاڭعا، بەلگىلەمەگە قايشى ارەكەتتەرگە سوققى بەرىپ، قازىنالىق باقىلاۋ ساپاسى مەن بۇعالتىرلىق ينفورماتسيا ساپاسىن جوعارىلاتۋدى جەبەپ، تىركەلگەن بۇعالتىرلار كاسىبىنىڭ بازار ءتارتىبىن قورعاۋداعى، مەملەكەت قۇرىلىسىنا قىزمەت وتەۋدەگى ماڭىزدى رولىن اناعۇرلىم ءونىمدى ساۋلەلەندىرۋ كەرەك.
«ۇقتىرۋدا» مىنالار ايقىن بەلگىلەندى: بۇعالتىرلىق ىستەر باسقارماسى بەلگىلەمە بويىنشا ءوزىنىڭ «جۇڭحۋا حالىق رەسپۋبليكاسىنىڭ بۇعالتىرلاردى تىركەۋ زاڭىنىڭ» 14 – تارماعىنداعى بەلگىلەمە بويىنشا قازىنالىق باقىلاۋ كاسىبى جونىندە بەرگەن مالىمەتىن تىركەلگەن بۇعالتىرلار كاسىبىن ءبىرتۇتاس باقىلاۋ – باسقارۋ تەكشەسىنە جولداۋى ءارى ءنومىر بەرۋدى ءوتىنىش ەتۋى كەرەك. قازىنالىق باقىلاناتىن ورىن، بانكە، قوعامدىق قاۋىم، باقىلاۋ - باسقارۋ قۇرىلىمى سياقتى قازىنالىق باقىلاۋ مالىمەتىن پايدالانۋشىلاردىڭ ءبىرتۇتاس باقىلاۋ - باسقارۋ تەكشەسى ارقىلى قازىنالىق باقىلاۋ مالىمەتىن زاڭ بويىنشا كاسىپ جۇرگىزۋ رۇقساتىن العان بۇعالتىرلىق ىستەرى كەڭسەسى بەرگەن – بەرمەگەندىگىن، ءبىرتۇتاس باقىلاۋ - باسقارۋ تەكشەسىندە ەستەلىككە الدىرعان – الدىرماعاندىعىن ءارى مەملەكەت بويىنشا بىرلىككە كەلگەن تەكسەرۋ كۋالىگىن سايكەستى العان - الماعاندىعىن تەكسەرۋىنە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
