شي جينپيڭ ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەرىپ، بىلاي دەپ دارىپتەدى
مادەنيەت سەنىمىن بەكەمدەپ، اشىق، سيىسىمدى بولىپ، تۋراشىلدىقتان جازباي، جاڭالىق اشۋدا تاباندى بولىپ، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى يدەيالىق كەپىلدىك، مىعىم رۋحاني كۇش – قۋات، ءتيىمدى مادەنيەت شارت - جاعدايىن ازىرلەۋ كەرەك
ساي چي مەملەكەتتىك ۇگىت، يدەيا، مادەنيەت قىزمەتى ماجىلىسىنە قاتىناستى ءارى ءسوز سويلەدى
2023.10.09 16:29 كەلۋ قاينارى : حالىق تورابى
«حالىق گازەتى»، 10 - ايدىڭ 8 - كۇنى، بەيجيڭ (ءتىلشى جاڭ شو). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەرىپ مىنانى اتاپ كورسەتتى: ۇگىت، يدەيا، مادەنيەت قىزمەتى _ پارتيانىڭ بولاشاعى مەن تاعدىرىنا، مەملەكەتتىڭ باياندى تىنىشتىعىنا، ۇلتتىڭ ۇيىسقىشتىعى مەن ورتالىققا بەيىمدەلۋ قۋاتىنا ساياتىن توتەنشە ماڭىزدى قىزمەت. پارتيانىڭ 18 - قۇرىلتايىنان بەرى پارتيا ورتالىق كوميتەتى جالپى جاعداي جانە ستراتەگيالىق تۇرعىدان ۇگىت، يدەيا، مادەنيەت قىزمەتىنە جۇيەلى جوبا جانە ورنالاستىرۋ جاساپ، جاڭا داۋىردەگى ۇگىت، يدەيا، مادەنيەت ىستەرىندە تاريحي تابىسقا قول جەتكىزۋدى ىلگەرىلەتتى، يدەولوگيا سالاسىنىڭ جاعدايىندا جالپى جاعدايلىق، ءتۇبىرلى بۇرىلىس تۋىلىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيىپ، رۋحاني بەت - بەينەسى اناعۇرلىم تاسقىندادى.
شي جينپيڭ مىنالاردى دارىپتەدى: جاڭا ءداۋىر، جاڭا جورىقتا دۇنيە جۇزىندە 100 جىلدا بولماعان زور وزگەرىس جەدەل قۇبىللىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ستراتەگيالىق وراي مەن حاۋىپ - قاتەر، سىن - سايىس قاتار ءومىر ءسۇرىپ، ۇگىت، يدەيا، مادەنيەت قىزمەتى جاڭا جاعدايعا، جاڭا مىندەتكە ءدوپ كەلدى، ءسوز جوق، جاڭا بەينە، جاڭا ىسكەرلىك بولۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، نازاردى پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ سىندى ماڭداي الدى ساياسي مىندەتكە شوعىرلاندىرىپ، جاڭا تاريحي باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن قۇرۋ سىندى جاڭا مادەنيەت بورىشىن ارقاۋ ەتىپ، مادەنيەت سەنىمىن بەكەمدەپ، اشىق، سيىسىمدى بولۋدان جازباي، دۇرىس جولدان تايماي، جاڭالىق اشۋدا تاباندى بولىپ، پارتيانىڭ ۇگىت، يدەيا، مادەنيەت قىزمەتىنە باسشىلىعىن كۇش سالا نىعايتىپ، قۇدىرەتتى ۇيىستىرۋ قۋاتى مەن جەتەكشىلىك قۋاتقا يە سوتسياليستىك يدەولوگيانى كۇش سالا قۇرىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، اقپاراتتىق قوعامدىق پىكىردىڭ تاراتۋ قۋاتىن، جەتەكتەۋ قۋاتىن، ىقپال قۋاتىن، الەۋمەتتىك سەنىمدىلىگىن كۇش سالا جوعارىلاتىپ، جۇڭحۋا مادەنيەتىنىڭ تامىرىن جالعاستىرۋعا كۇش سالىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى جانە جاسامپازدىقپەن دامىتۋدى ىلگەرىلەتىپ، مادەنيەت ىستەرى مەن مادەنيەت كاسىبىنىڭ گۇلدەنۋىن، دامۋىن كۇش سالا ىلگەرىلەتىپ، حالىقارالىق تاراتۋ قابىلەتى قۇرىلىسىن كۇش سالا كۇشەيتىپ، وركەنيەتتەردىڭ اۋىس - كۇيىسىن، ءوزارا ۇلگى الۋىن جەبەپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تولىق قاۋلاتىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ ورتاق يدەيالىق نەگىزىن ۇزدىكسىز بەكەمدەپ، مەملەكەتتىڭ مادەنيەت جۇمساق كۇشى مەن جۇڭحۋا مادەنيەتىنىڭ ىقپالىن ۇزدىكسىز جوعارىلاتىپ، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى يدەيالىق كەپىلدىك، مىعىم رۋحاني كۇش – قۋات، ءتيىمدى مادەنيەت شارت - جاعدايىن ازىرلەۋ كەرەك.
شي جينپيڭ بىلاي دەپ دارىپتەدى: ءار دارەجەلى پارتكومدار (پارتيا باسشىلىق گرۋپپالارى) ۇگىت، يدەيا، مادەنيەت قىزمەتىن ويداعىداي ىستەۋدى كەلەلى ساياسي جاۋاپكەرلىك رەتىندە ارقالاپ، پارتيا ورتالىق كوميتەتىنىڭ مادەنيەت قۇرىلىسى جونىندەگى شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتۋى كەرەك. ءار دارەجەلى ۇگىت، مادەنيەت تاراۋلارى ساياسي جاۋاپكەرلىكتى كۇشەيتىپ، رەفورما جاساۋعا، جاڭالىق اشۋعا باتىل بولىپ، كۇرەس جۇرگىزۋگە باتىل بولىپ، جاڭا داۋىردەگى ۇگىت، يدەيا، مادەنيەت قىزمەتىنىڭ جاڭا جاعدايىن ۇزدىكسىز اشۋى كەرەك.
مەملەكەتتىك ۇگىت، يدەيا، مادەنيەت قىزمەتى ءماجىلىسى 10 - ايدىڭ 7 – كۇنىنەن 8 – كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ەگجەي - تەگجەيلى، تەرەڭ ءارى كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، ۇگىت، يدەيا، مادەنيەت قىزمەتىن اناعۇرلىم جاقسى ىستەۋگە ايقىن بەتالىس كورسەتىپ بەردى، ءسوز جوق، ىشكەرىلەي ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك.
ءماجىلىس بىلاي دەپ قارادى: پارتيانىڭ 18 - قۇرىلتايىنان بەرى ۇگىت، يدەيا، مادەنيەت قىزمەتىندە قول جەتكەن تاريحي تابىستار، تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. باس شۋجي شي جينپيڭنىڭ جاڭا داۋىردەگى مادەنيەت قۇرىلىسى جاعىنداعى جاڭا يدەيا، جاڭا كوزقاراس، جاڭا تۇجىرىمىنىڭ مازمۇنى توتەنشە باي، پايىمداۋى توتەنشە تەرەڭ، جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى امالياتتىق تاجىريبەلەرىنىڭ نازاريالىق قورىتىندىسى بولىپپ، ماركسيزمدىك مادەنيەت نازارياسىن بايىتىپ جانە دامىتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مادەنيەت تاراۋىن سومداپ، شي جينپيڭ مادەنيەت يدەياسىن قالىپتاستىردى.
ماجىلىستە مىنالار العا قويىلدى: شي جينپيڭ مادەنيەت يدەياسىندا مادەنيەت نازارياسى مەن كوزقاراسى جاعىنداعى جاڭالىق اشۋ جانە قامال الۋ بولۋمەن بىرگە، مادەنيەت قىزمەتىن ورنالاستىرۋ جاعىندا دا ورنالاستىرۋ تالابى بار، تۇلعاسى ايقىن، قولدانىسى كەمەلدى بولىپ، جاڭا داۋىردەگى مادەنيەت قۇرىلىسىنىڭ جول كارتاسى مەن مىندەتناماسى ايقىندالدى، بۇل _ پارتيامىزدىڭ جۇڭگوشا سوتسياليستىك مادەنيەت قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە كوتەرىلگەنىنىڭ بەلگىسى، پارتيامىزدىڭ تاريحي سەنىمىنىڭ، مادەنيەت سەنىمىنىڭ تىڭ بەلەسكە كوتەرىلگەنىن ءارى ەلىمىزدىڭ سوتسياليستىك مادەنيەت قۇرىلىسىندا قۇدىرەتتى ۇلى كۇش كورسەتىپ، جاڭا ءداۋىردىڭ جاڭا ساپارىنداعى ۇگىت، يدەيا، مادەنيەت قىزمەتىن ويداعىداي ىستەۋگە، جاڭا مادەنيەت بورىشىن ارقالاۋعا قۇدىرەتتى يدەيالىق قارۋ جانە عىلمي ارەكەت باعدارناماسىن ازىرلەگەنىن ايگىلەدى. شي جينپيڭ مادەنيەت يدەياسى _ ۇزدىكسىز ورىستەگەن، اشىق يدەيالىق جۇيە، ول، ءسوز جوق، امالياتقا ىلەسە ىشكەرىلەي بايىپ، دامىپ وتىرادى. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ مادەنيەت يدەياسىن ۇيرەنۋدى، زەرتتەۋدى، ءتۇسىندىرۋدى ۇزدىكسىز كۇشەيتۋ ءارى ۇگىت، يدەيا، مادەنيەت قىزمەتىنىڭ بارلىق جاعىندا جانە جالپى بارىسىندا سانالى دايەكتىلەندىرۋ، تياناقتاندىرۋ كەرەك.
ءماجىلىس مىنالاردى دارىپتەدى: شي جينپيڭ مادەنيەت يدەياسىن ۇيرەنۋدى، دايەكتىلەندىرۋدى، پارتيا 20 - قۇرىلتايىنىڭ مادەنيەت قۇرىلىسى جونىندەگى ستراتەگيالىق ورنالاستىرۋىن دايەكتىلەندىرۋدى مىقتاپ ارقاۋ ەتىپ، جاڭا ءداۋىردىڭ جاڭا جورىعىنداعى ۇگىت، يدەيا، مادەنيەت قىزمەتىن ويداعىداي ىستەۋدىڭ جاۋاپكەرلىك سەزىمىن، بورىشتىلىق سەزىمىن شىنايى كۇشەيتىپ، ءتۇرلى قىزمەتتەردىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى، رۋحتى سومداۋدا تاباندى بولىپ، شىنايى ۇيرەنۋگە، شىنايى سەنۋگە، شىنايى قولدانۋعا كۇش سالۋ كەرەك. جاڭا داۋىردە ەكپىندەي ىلگەرىلەيتىن نەگىزگى يدەيالىق قوعامدىق پىكىردى بەكەمدەپ جانە زورايتىپ، سەنىمدى بەكەمدەۋدى ءتۇيىن ەتىپ، ۇنامدى ۇگىتتى كۇشەيتىپ، قوعامدىق پىكىرگە جەتەكشىلىك ەتۋ قابىلەتىن جوعارىلاتۋ كەرەك. سوتسياليستىك وزەكتى قۇن كوزقاراسىن كەڭىنەن امالياتتا ايگىلەپ، رۋحاني وركەنيەت قۇرىلىسى قىزمەتىن جاقسارتۋ جانە وندا جاڭالىق اشۋ كەرەك. مادەنيەت ىستەرى مەن مادەنيەت شارۋاشىلىعىنىڭ گۇلدەنىپ - كوركەيۋىن جەبەپ، جۇڭحۋانىڭ تاڭداۋلى ءداستۇرلى مادەنيەتىن قورعاۋدى، وعان مۇراگەرلىك ەتۋدى ىلگەرىلەتۋ كەرەك. سىرتقا باعىتتالعان ۇگىت قىزمەتىن كۇشەيتىپ جانە جاقسارتىپ، جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ كەرەك. يدەولوگيالىق حاۋىپ - قاتەردەن باتىل، ءونىمدى ساقتانىپ جانە ونى شەشىپ، باتىلدىقپەن ايقىن پوزيتسيا ءبىلدىرىپ، باتىلدىقپەن كۇرەس جۇرگىزۋ كەرەك. پارتيانىڭ ۇگىت، يدەيا، مادەنيەت قىزمەتىنە جاپپاي باسشىلىعىن كۇشەيتىپ، ساياسي جاۋاپكەرلىكتى تياناقتاندىرىپ، باتىلدىقپەن رەفورما جاساپ، جاڭالىق اشىپ، زاڭمەن جونگە سالۋدى قامتاماسىز ەتۋدى كۇشەيتىپ، كادر، دارىندىلار قوسىنىن كۇشەيتىپ، جاڭا مادەنيەت بورىشىن ارقالاۋعا پارمەندى ساياسي كەپىلدىك ازىرلەۋ كەرەك. شەگە قاعۋ رۋحىمەن ءتۇرلى مىندەتتەر مەن تالاپتاردى ناقتاپ تياناقتاندىرىپ، قىزمەت قابىلەتى مەن ونەرىن ۇزدىكسىز كۇشەيتىپ، قىزمەت ساپاسى مەن ونىمدىلىگىن جوعارىلاتىپ، سوتسياليستىك مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن قۇرۋ كۇرەسى مەن امالياتى بارىسىندا جاڭا بەينە، جاڭا ىسكەرلىك كورسەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي قىزمەت ورنالاستىرۋىن جاسادى.
ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى، حالىق گازەتى مەكەمەسىندەگى، ورتالىق راديو - تەلەۆيزيا باس ستانسياسىنداعى، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىندەگى، بەيجيڭ قالالىق پارتكومنىڭ ۇگىت بولىمىندەگى، سىچۋان ولكەلىك پارتكومنىڭ ۇگىت بولىمىندەگى جاۋاپتى جولداستار پىكىر اۋىستىرىپ، ءسوز سويلەدى.
تيە نيڭ، چىن ي - چين ماجىلىسكە قاتىناستى.
ورتالىقتىڭ ۇگىت، يدەيا، مادەنيەت قىزمەتىنە باسشىلىق ەتۋ گرۋپپاسىنىڭ مۇشەلەرى، ولكەلەردىڭ، اۆتونوميالى رايونداردىڭ، قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىقتاعى ۇگىت، مادەنيەت جۇيەسىندەگى ورىنداردىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، ورتالىق باسقاراتىن فينانس قۇرىلىمدارىنىڭ، ءىشىنارا كاسىپورىنداردىڭ، جوعارى مەكتەپتەردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنىڭ جاۋاپتى جولداستارى قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
