19 - كەزەكتى ازيا سپورت جارىسى حاڭجوۋدا تابىسپەن جابىلدى
لي چياڭ جابىلۋ سالتىنا قاتىناستى
2023.10.09 16:36 كەلۋ قاينارى : حالىق تورابى
«حالىق گازەتى»، 10 - ايدىڭ 8 – كۇنى، حاڭجوۋ. ازيا سپورت جارىسى سالتانات تولقىنىندا شۇعىلا شاشتى. 19 - كەزەكتى ازيا سپورت جارىسى 10 - ايدىڭ 8 - كۇنى كەشتە حاڭجوۋدا تابىسپەن جابىلدى. مەملەكەتتىك كەڭەستىڭ زۇڭليى لي چياڭ جابىلۋ سالتىنا قاتىناستى.
وتكەن 16 كۇندە ازياداعى 45 مەملەكەت پەن رايوننان كەلگەن 10 مىڭنان استام سپورتشى وسى ارادا ىنتىماقتاسا وتىرىپ اۋىس - كۇيىس جاساپ، دوستىقتىڭ جىرىن جىرلاپ، ەرلىكپەن كۇرەس جۇرگىزىپ، وزىنەن وزىپ، جيىنى 15 رەت دۇنيە جۇزىلىك رەكوردتى، 37 رەت ازيا رەكوردىن، 170 رەت ازيا سپورت جارىسىنىڭ رەكوردىن جاڭالاپ، ازيا دەنە تاربيەسىنىڭ تىڭ شۇعىلاسى مەن داڭقىن بىرگە جاراتتى. جۇڭگو ”جاسىل، زەردەلى، ۇنەمشىل، وركەنيەتتى“ جارىس وتكىزۋ ۇستانىمىن ۇستانىپ، بىرەگەي الاڭ - ساراي قۇرىلعىلارىمەن، ۇزدىك ۇيىمدىق قىزمەت وتەۋمەن ازيا وليمپيادا القالار كەڭەسى ۇلكەن شاڭىراعىنىڭ جانە حالىقارالىق قوعامنىڭ جاپپاي جاقسى باعاسىنا يە بولدى. جۇڭگو دەنە تاربيە ۋاكىلدەر ۇيىرمەسى 201 التىن مەدال، 383 مەدال الىپ، ازيا دەنە تاربيە جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزدى، ازيا دەنە تاربيە جارىسىنىڭ التىن مەدال تاقتاسىندا 11 - رەت الدىڭعى ورىندى يەلەدى.
چيانتاڭ وزەنىنىڭ بويى، ءتۇن شىمىلدىعى جابىلعان حاڭجوۋ وليمپيادا دەنە تاربيە ورتالىعىنىڭ دەنە تاربيە الاڭى الۋان تۇسكە ەنىپ، بەينە ءبىر شوق اسەم ”شامگۇلگە“ ۇقسايدى. الاڭدا شاتتىق كۇلكىسى ەسىپ، ءان - ءبي اسقاقتادى. ازيانىڭ ءارقايسى ەلىنەن، ءارقايسى رايونىنان كەلگەن سپورتشىلار وسى ارادا باس قوسىپ، وزدەرىنە ءتان دەنە تاربيە مادەنيەت سالتاناتىن ءبولىستى.
ويناقى مۋزىكا ءۇنى ىشىندە لي چياڭ ازيا وليمپيادا القالار كەڭەسىنىڭ ۋاقىتتىق ءتوراعاسى سينگىمەن بىرگە ءتوراعالار مىنبەسىنە شىعىپ، كورەرمەندەرگە قول بۇلعاپ قۇرمەت ءبىلدىردى.
ساعات 20 دا ”ەستەن كەتپەس حاڭجوۋ“ تاقىرىبىنداعى جابىلۋ سالتى باستالدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى نارت قىزىل تۋ باياۋ كوتەرىلدى.
ۇلكەن ەكراندا قويىلىپ جاتقان قىسقا فيلم «ازيا سپورت جارىسىنىڭ شاتتىق تولقىنىمەن» دۋماندى كەش باستالدى. باعدارلاما «جاقۇتتاي جارقىراعان ساتتە» ”Asia “بەلگىسى وزەن بەتىنەن اتىلىپ شىعىپ، چيانتاڭ وزەنىنىڭ كوگىندە تۇردى، ونىمەن قوسا ”بۋىرقانعان سۋ“ كوكتەن كەلىپ، ناق مايدانداعى كورىنىسپەن توعىستى. سيفرلى مەڭگەرىلەتىن كوگالدا 19 شوق الىپ ءدارشىن گۇلى، توڭىرەكتەگى جارقىراعان گۇلدەر، ”Asia“ ۇلگىسىندەگى اۆتوموبيل تەكشەسى قاۋلاي وسكەن ”ازيا باۋ-باقشاسىن“ قالىپتاستىردى. جاس وسپىرىمدەر كوشە ءبيىن بيلەپ، اۆتوموبيل تەكشەسىندەگى ارتيستەر ءان ايتىپ، ءبي بيلەپ، دەنە تاربيە سپورتى ارتيستەرى ءتۇرلى سپورت بەينەلەرىن كورسەتتى، قۇت بەلگىسى ”جياڭنانعا ساعىنىش“ شاتتانا بيگە باسىپ، بۇكىل الاڭدى تولقىتتى.
ۋاكىلدەر ۇيىرمەلەرىنىڭ تۋلارى مەن سپورتشىلاردىڭ ۋاكىلدەرى الاڭعا كىردى. بۇكىل الاڭداعى كورەرمەندەر قىزۋ شاپالاق سوعىپ، الاقايلاپ، دەنە تاربيە ساڭلاقتارىن قۇتتىقتادى جانە ولارعا قۇرمەت ءبىلدىردى.
قىسقا فيلم «ازيا سپورت جارىسىنىڭ تاماشا ساتتەرى» ازيا سپورت جارىسىنىڭ جارىس الاڭىنداعى مەرەيلى كورىنىستەردى قايتا ەلەستەتتى. باعدارلاما «شامگۇل جايناعان شۇعىلا» قويىلىپ، وعان ارپالىسقان جانە شۇعىلا شاشقان ”ازيا سپورت جارىسىنىڭ ەستەمە گۇلى“ قوسىلىپ، ”گۇلدەي شەشەك اتقان دوستىق“ سىندى تەرەڭ ماعىنالى دوستىق سۇيىسپەنشىلىك پەن جاراسىمدى قاتار ءومىر ءسۇرۋ تاماشا ارمان - تىلەگى ۇيىستى. «ازيا سپورت جارىسىنىڭ اسەرلى ساتتەرى» اتتى قىسقا فيلم جەڭىس پەن جەڭىلىس، تەبىرەنىس پەن وكىنىش، ىنتىماق پەن دوستىق، شاتتىق پەن كوز جاسى سياقتى اسەرلى كورىنىستەردى ءبىر - بىرلەپ كورسەتتى.
حاڭجوۋ ازيا سپورت جارىسى ۇيىمداستىرۋ كوميسسياسىنىڭ ءتوراعاسى، جۇڭگو وليمپيادا كوميتەتىنىڭ ءتوراعاسى گاۋ جىدان ارناۋ سوزىندە بىلاي دەدى: ءتوراعا شي جينپيڭ جارىستى ءساتتى وتكىزۋ جونىندە شىنايى ءۇمىت ارتىپ، ايقىن تالاپتار قويدى. تىنباي قۇلشىنۋدىڭ ناتيجەسىندە، ءبىز ءبىر كەزەك ”جۇڭگوشا ەرەكشەلىككە يە بولۋ، ازيا كەلبەتىن بەينەلەۋ، تارتىمدىلىعى جوعارى بولۋ“سىندى ازيا سپورت جارىسىنىڭ سالتاناتتى ۋادەسىن ورىندادىق. ءبىز دەنە تاربيە ارقىلى بەيبىتشىلىكتى، ىنتىماقتى، سيىسىمدىلىقتى جەبەپ، ازيا تاعدىرلاس ورتاق تۇلعاسىنىڭ شىت جاڭا داستانىن جازايىق.
ازيا وليمپيادا القالار كەڭەسىنىڭ ۋاقىتتىق ءتوراعاسى سينگى ارناۋ سوزىندە بىلاي دەدى: وسى كەزەكتى ازيا سپورت جارىسىنىڭ تارتىمدىلىعى ەستەن كەتپەستەي بولدى، بۇرىن بولىپ كورمەگەن تابىستارعا قول جەتكىزدى. جۇڭگو ۇكىمەتىنىڭ، جۇڭگو وليمپيادا كوميتەتىنىڭ، حاڭجوۋ قالا تۇرعىندارىنىڭ جانە حاڭجوۋ ازيا سپورت جارىسىن ۇيىمداستىرۋ كوميسسياسىنىڭ دەن قويا دايىندىق كورگەنىنە العىس ايتامىن. سينگى حاڭجوۋ 19 - كەزەكتى ازيا سپورت جارىسىنىڭ جابىلعانىن جاريالادى ءارى 3 جىلدان كەيىن ايتي . ناگويا 20 - كەزەكتى ازيا سپورت جارىسىنا قاتىناسۋدى ۇسىنىس ەتتى.
ازيا وليمپيادا القالار كەڭەسىنىڭ انىمەن بىرگە ازيا وليمپيادا القالار كەڭەسىنىڭ تۋى باياۋ ءتۇسىرىلدى.
وسىدان كەيىن وتكىزىپ بەرۋ – وتكىزىپ الۋ سالتى وتكىزىلدى. حاڭجوۋ ازيا سپورت جارىسىن ۇيىمداستىرۋ كوميسسياسى ءتوراعاسىنىڭ ورىنباسارى، قوسىمشا باس حاتشىسى، حاڭجوۋ قالاسىنىڭ باستىعى ياۋ گاۋرىن 1 - كەزەكتى ازيا سپورت جارىسىنىڭ الاۋى مەن تۋىن، ازيا وليمپيادا القالار كەڭەسىنىڭ تۋىن ازيا وليمپيادا القالار كەڭەسىنىڭ ۋاقىتتىق ءتوراعاسى سينگىگە تاپسىردى.
سينگى 1 - كەزەكتى ازيا سپورت جارىسىنىڭ الاۋى مەن تۋىن، ازيا وليمپيادا القالار كەڭەسىنىڭ تۋىن كەلەسى كەزەكتى ازيا سپورت جارىسىن وتكىزەتىن قالا − جاپونيانىڭ ايتي اۋدانىنىڭ گۋبەرناتورى داسۇن شيۋجاڭعا جانە ناگويا قالاسى باستىعىنىڭ ورىنباسارى جۇڭتيان يىڭشيۇڭعا تاپسىردى.
جاپونيانىڭ مەملەكەت تۋى شىعارىلىپ، جاپونيانىڭ مەملەكەت ءانى ورىندالعاننان كەيىن ايتي اۋدانى مەن ناگويا قالاسى 8 مينۋتتىق تارتىمدى ادەبيەت - كوركەمونەر ويىندارىن قويدى.
چاڭجياڭنىڭ وڭتۇستىگى قوناقتارعا جاقسى اسەر قالدىردى، سۇيىسپەنشىلىك ۇزاق ۋاقىت جالعاسادى. «ەستەن كەتپەس حاڭجوۋ» اتتى قىسقا فيلم ”قوشتاسۋدى“ نەگىزگى جەلى ەتىپ، شەتەلدىك ساياحاتشىلاردى، ازيا سپورت جارىسىنىڭ ەرىكتىلەرىن، حاڭجوۋداعى قالا تۇرعىندارىن نەگىزگى كەيىپكەرلەر ەتىپ، ولاردىڭ وسى ساتتەگى قيماستىعىن بەينەلەدى، جۇرتشىلىق قول بۇلعاپ قوشتاسىپ، ءبىر - بىرىنە باقىت تىلەدى.
ساعات 21 دەن 16 مينۋت وتكەندە، اشىلۋ سالتىندا جارىققا شىققان ”سيفرلى الاۋشىلار“ جۇگىرىپ الاڭعا كىردى. ازيا سپورت جارىسىنىڭ ەرىكتىلەرى ”كىشكەنە شامگۇل“ ۋاكىلدەرى، ءار سالا، ءار كاسىپتەگى ازيا سپورت جارىسىنا قاتىناسۋشىلاردىڭ ۋاكىلدەرى كەلىپ، ”سيفرلى الاۋشىلارمەن“ بىرگە نەگىزگى الاۋدى سوندىرۋگە كۋا بولدى. جالىننىڭ باياۋ سونۋىنە ىلەسە، ”سيفرلى الاۋشى“ الىسقا قاراي بەتتەپ، اسپانداعى جۇلدىزدارمەن ۇندەستى، ازياعا شاشىلدى، سان مىڭداعان وتباسىنا نۇر قۇيدى...
سامالاداي سامسىعان شىراقتار تۇنگى اسپاندى جارقىراتتى. حاڭجوۋ، نيڭبو، ۋىنجوۋ، حۋجوۋ، شاۋشيڭ، جينحۋا سىندى جارىس وتكىزگەن 6 قالانىڭ ەرەكشە فاكتورىن ايگىلەيتىن اشەكەيلى اۆتوموبيل الاڭدا سەرۋەن قۇردى. ءان اۋەنى، شاپالاق ءۇنى، شاتتىق ءۇنى اسپان اياسىن جاڭعىرتتى، تۇتاس الاڭنىڭ دۋمانى تىڭ ورلەۋگە كوتەرىلدى. شاتتىق تەڭىزىندە ادامداردىڭ كوڭىلى توعىسىپ، قايتا كەزدەسۋ تىلەكتەرىن ءبىلدىردى.جابىلۋ سالتىنا وزبەكستاننىڭ زۇڭليى اريپوۆ، شىعىس تيمور زۇڭليىىنىڭ ورىنباسارى لي فافاڭ قاتىناستى.
ۋ جىڭلۇڭ، چىن ي - چين جابىلۋ سالتىنا قاتىناستى.
ازيا وليمپيادا القالار كەڭەسىنىڭ ءمانساپتىلارى جابىلۋ سالتىنا قاتىناستى.
كەلۋقاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
