سۋ يگىلىگى مينيسترلىگى: 2035 - جىلعا بارعاندا اۋىل – قىستاقتى سۋمەن قامداۋدى وسىزامانداندىرۋدى نەگىزىنەن جۇزەگە اسىرۋعا كۇش سالىنادى
2023.10.17 15:03 كەلۋ قاينارى : حالىق تورابى
شينحۋا اگەنتتىگىنىڭ 10 – ايدىڭ 13 – كۇنى بەيجيڭنەن بەرگەن حابارى. ءتىلشىنىڭ 10 - ايدىڭ 13 - كۇنى سۋ يگىلىگى مينيسترلىگىنەن ۇعىسۋىنشا، سۋ يگىلىگى مينيسترلىگى تاياۋدا «اۋىل - قىستاقتى سۋمەن قامداۋدىڭ جوعارى ساپالى دامۋىن جەدەل ىلگەرىلەتۋ جونىندەگى جەتەكشى پىكىردى» شىعارعان. جەتەكشى پىكىردە مىنالار ايقىن بەلگىلەندى: 3 تە 5 جىل ۋاقىت جۇمساپ، جۇيەسى، ورنالاسىمى كەمەلدى، قۇرىلعىلارى شوعىرلى دا حاۋىپسىز، باسقارۋ، قورعاۋ ارناعا تۇسكەن ٴارى ماماندانعان، قىزمەت وتەۋى ساپالى دا جوعارى ءونىمدى اۋىل - قىستاقتى سۋمەن قامداۋدىڭ جوعارى ساپالى دامۋ جاعدايىن العاشقى ادىمدا قالىپتاستىرۋعا كۇش سالۋ كەرەك. 2035 - جىلعا بارعاندا، اۋىل - قىستاقتى سۋمەن قامداۋ ينجەنەرياسى جۇيەسىن، ءتيىمدى اينالىمدى باسقارۋ - قورعاۋ مەحانيزمىن ونان ارى كەمەلدەندىرىپ، اۋىل - قىستاقتى سۋمەن قامداۋدى وسىزامانداندىرۋدى نەگىزىنەن جۇزەگە اسىرۋ كەرەك.
جەتەكشى پىكىردە مىناداي 5 ءتۇرلى ءتۇيىندى مىندەت ايقىندالدى؛ ءبىرىنشى، ولكە دارەجەلى اۋىل - قىستاقتى سۋمەن قامداۋدى جوعارى ساپالى دامىتۋ جوباسىن عىلىمي جاساپ، سۋ قاينارى، سۋ زاۆودى، قۇبىر تورابى ينجەنەرياسىن عىلىمي جوبالاپ جانە قۇرىپ، نىسانا، مىندەتتەردى جانە جىلدىق اتقارۋ جوسپارىن ۇيلەسىمدى بەلگىلەۋ؛ ەكىنشى، اۋىل - قىستاقتى سۋمەن قامداۋ ينجەنەرياسى جۇيەسىن كۇش سالا كەمەلدەندىرىپ، قالا مەن اۋىلدى سۋمەن قامداۋدى ءبىر تۇلعالاندىرۋدى الدىمەن ىلگەرىلەتۋ؛ ءۇشىنشى، اۋىل - قىستاقتى سۋمەن قامداۋ ساپاسىن جوعارىلاتۋ ارناۋلى ارەكەتىن ىشكەرىلەي اتقارۋ؛ ءتورتىنشى، اۋىل - قىستاقتى سۋمەن قامداۋ ينجەنەرياسىنىڭ باياندى اينالىمىن باسقارۋ ءتۇزىلىسى مەحانيزمىن اقاۋسىزداندىرۋ جانە ساپالىلاندىرۋ؛ بەسىنشى، شۇعىل جاعدايعا توتەپ بەرىپ سۋمەن قامداۋدى قامتاماسىزداندىرۋدى كۇشەيتىپ، تاسقىن، قۋاڭشىلىق اپاتتارىنا توتەپ بەرۋ، تۇيىقسىز– تۋىلاتىن سۋ بىلعانۋ وقيعاسىنا قارسى تۇرۋ قىزمەتىن جاقسى ىستەپ، قىستاق بۇقاراسىنىڭ اۋىز سۋ حاۋىپسىزدىگىنە كەپىلدىك ەتۋ كەرەك.
جەتەكشى پىكىردە مىنالار باسا دارىپتەلدى: اۋداندى بىرلىك ەتىپ، شىعىس بولەك، ورتا بولەك، باتىس سولتۇستىك، باتىس وڭتۇستىك، شىعىس سولتۇستىك رايونداردىڭ پارقىن ايىرىپ، جەر ـ جەردەگى اۋىل ـ قىستاقتاردى سۋمەن قامداۋدى جوعارى ساپالى دامىتۋدىڭ ءتۇيىندى مىندەتتەرىن ءبىرتۇتاس ويلاستىرىپ، اۋىل ـ قىستاقتىڭ اۋىز سۋ حاۋىپسىزدىگى جاعىنداعى ولقىلىقتاردى تولىقتاۋدى مىقتى يگەرىپ، شارت ـ جاعدايى بار جەرلەردى الدىمەن جۇرگىزىپ، ٴتۇيىن ارقىلى كولەمدى جاتەكتەپ، اۋىل – قىستاقتى سۋمەن قامداۋ قىزمەتىنىڭ ساپاسى مەن ونىمدىلىگىنىڭ جوعارىلاۋىن جالپى بەتتىك ىلگەرىلەتۋ كەرەك. سۋ يگىلىگى مينيسترلىگى ولشەم ـ ەرەجە بەلگىلەپ، ولشەمگە تۋرالانۋدى، ولشەمگە جەتۋدى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
