«شي جينپيڭ: ”ءبىر بەلدەۋ، ءبىر جول“ جونىندە» اتتى كىتاپتىڭ كوپ تىلدەگى باسىلىمىن تۇڭعىش تاراتۋ سالتى بەيجيڭدە وتكىزىلدى
2023.10.17 16:27 كەلۋ قاينارى : حالىق تورابى
«حالىق گازەتى»، 10 - ايدىڭ 16 - كۇنى، بەيجيڭ. 10 - ايدىڭ 16 - كۇنى «شي جينپيڭ: ”ءبىر بەلدەۋ، ءبىر جول“ جونىندە» اتتى كىتاپتىڭ كوپ تىلدەگى باسىلىمىنىڭ تۇڭعىش تاراتىلۋ سالتى بەيجيڭدە وتكىزىلدى، ارابشا، يسپانشا، پورتۋگالشا، نەمىسشە، جاپونشا 5 تىلدەگى جاڭا كىتاپ رەسمي باسپادان شىعىپ، ەل ءىشى - سىرتىندا تاراتىلدى. تۇڭعىش تاراتۋ سالتىن مەملەكەتتىك كەڭەستىڭ اقپارات كەڭسەسى، جۇڭگو شەتەل تىلدەرى مەكەمەسى ۇيىمداستىردى، شەتەل تىلدەرى باسپاسى ۇستىنە الدى، ”ءبىر بەلدەۋ، ءبىر جولدى“ بىرگە قۇرۋشى ەلدەردىڭ جۇڭگودا تۇراتىن ەلشىلەرىنەن، مامان - وقىمىستىلاردان، سونداي - اق اۋدارما - باسپا ءسوز سالاسىنان 100 نەشە ۋاكىل قيمىلعا قاتىناستى.
ماجىلىسكە قاتىناسقان سيلى قوناقتار بىلاي دەپ قارادى: بيىل ”ءبىر بەلدەۋ، ءبىر جول“ باستاماسىنىڭ ورتاعا قويىلعانىنا 10 جىل تولدى. 10 جىلدان بەرى ءتوراعا شي جينپيڭنىڭ تىكەلەي جوبالاۋىندا، تىكەلەي ورنالاستىرۋىندا، تىكەلەي ىلگەرىلەتۋىندە، ءار جاقتىڭ بىرگە قۇلشىنۋىندا، ”ءبىر بەلدەۋ، ءبىر جولدى“ بىرگە قۇرۋ جۇڭگو باستاماسىنان حالىقارالىق امالياتقا، ۇستانىمنان ارەكەتكە، ارماننان رەالدىققا، جوبالاعان، ورنالاستىرعان ”ۇلكەن ءمان - ماعىنادان“ ەگجەي - تەگجەيلى ”تىڭعىلىقتى جوباعا وزگەرىپ، ناقتى، ەگجەي - تەگجەيلى تابىستارعا قول جەتكىزدى. 10 جىلدان بەرى ”ءبىر بەلدەۋ، ءبىر جولدى“ بىرگە قۇرۋ دۇنيە ءجۇزى ەكونوميكاسىنىڭ ارتۋىنا جاڭا ءورىس اشىپ، ەكونوميكانىڭ جاھاندانۋىنىڭ اقاۋسىز دامۋىن ىلگەرىلەتۋگە، دۇنيە جۇزىلىك دامۋداعى قيىن ماسەلەلەردى شەشۋگە بەلسەندى ۇلەس قوسىپ، بارىنشا قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالدى.
«شي جينپيڭ: ”ءبىر بەلدەۋ، ءبىر جول“ جونىندە» اتتى كىتاپقا ءتوراعا شي جينپيڭنىڭ 2013 - جىلى 9 - ايدان 2018 - جىلى 7 - ايعا دەيىنگى ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋ جونىندەگى 42 ماقالاسى ەنگىزىلىپ، ”ءبىر بەلدەۋ، ءبىر جول“ باستاماسىنىڭ العا قويىلۋ، بايۋ جانە دامۋ بارىسى ەگجەي - تەگجەيلى ەستەلىككە الىنىپ، ”ءبىر بەلدەۋ، ءبىر جول“ قۇرىلىسىنىڭ پرينسيپتىك ۇستانىمى، باي مازمۇنى، نىساناسى مەن جولى جاندى بەينەلەنىپ، ەل ءىشى - سىرتىنداعى وقىرمانداردىڭ ”ءبىر بەلدەۋ، ءبىر جولدى“ بىرگە قۇرۋدىڭ كەلەلى ءمانىن، يدەيالىق قاينارىن جانە امالياتتىق قۇنىن اناعۇرلىم جاقسى تانۋىنا، تۇسىنۋىنە بەدەلدى وقۋلىق ازىرلەدى.
تۇڭعىش تاراتۋ سالتىندا جۇڭگولىق، شەتەلدىك سيلى قوناقتاردىڭ ۋاكىلدەرى «شي جينپيڭ: ”ءبىر بەلدەۋ، ءبىر جول“ جونىندە» اتتى كوپ تىلدەگى كىتاپتىڭ جامىلعىسىن اشتى، جۇڭگو جاق شەتەلدىك سيلى قوناقتارعا جاڭا كىتاپ ۇسىندى. «شي جينپيڭ: ”ءبىر بەلدەۋ، ءبىر جول“ جونىندە» كىتابىنىڭ اعىلشىنشا، فرانسۋزشا، ورىسشا نۇسقالارى شەتەل تىلدەرى باسپاسىنان باسىلىپ شىعىپ تاراتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
