ءتوراعا شي جينپيڭ ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتتى
2023.10.17 16:36 كەلۋ قاينارى : حالىق تورابى
2023 – جىل
ءبىز ”ءبىر بەلدەۋ، ءبىر جولدى“ بىرگە قۇرۋ سەلبەستىگى جاعىندا ۇزدىكسىز الدىڭعى لەكتە ءجۇرىپ، دۇنيە جۇزىلىك دامۋ باستاماسىنىڭ تياناقتانۋىن ىلگەرىلەتىپ، ەكونوميكا - ساۋدا، ءوندىرىس قۋاتى، ەنەرگيا، قاتىناس سياقتى ءداستۇرلى سەلبەستىكتىڭ كومەسكى كۇشىن تولىق ىسكە قوسىپ، فينانس، اۋىل شارۋاشىلىعى، كەدەيلىكتى ازايتۋ، جاسىل، تومەن كومىرتەكتى بولۋ، ەمدەۋ - دەنساۋلىق ساقتاۋ، سيفرلى جاڭالىق اشۋ سياقتى جاڭا ارتۋ تۇيىندەرىن قالىپتاستىرىپ، سەلبەسىپ تەڭ يگىلىككە كەنەلەتىن، ءوزارا تابىسقا جەتەتىن ورتاق تۇلعا قۇرۋىمىز كەرەك.
− مەملەكەت ءتوراعاسى شي جينپيڭنىڭ 2023 - جىلى 5 - ايدىڭ 19 - كۇنى جۇڭگو - ورتا ازيا باسشىلار كەڭەسىندە سويلەگەن ارقاۋ ءسوزى
ءبىز ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ءار ەلدىڭ دامۋ ستراتەگياسىمەن جانە وڭىرلىك سەلبەستىك باستاماسىمەن ۇشتاستىرۋدى كۇشەيتىپ، ساۋدانىڭ جانە قارجى قوسۋدىڭ ەركىن، قولايلى بولۋىن ىشكەرىلەي ىلگەرىلەتىپ، شەكارا وتكەلدەرىنىڭ نەگىزدىك قۇرىلعى جانە وڭىرلىك حالىقارالىق زات جەتكىزۋ ۇلكەن ارناسى قۇرىلىسىن جەدەلدەتىپ، وڭىرلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قامتاماسىز ەتۋىمىز كەرەك. بيىل − مەنىڭ ”ءبىر بەلدەۋ، ءبىر جول“ باستاماسىن العا قويعانىمنىڭ 10 جىلدىعى، جۇڭگو 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزەدى، تالقى مىنبەرىنە ءار جاقتىڭ قاتىناسۋىن قارسى الادى، دۇنيە جۇزىنە باقىت جاراتاتىن وسى باقىت جولىن بىرگە ونان ارى كەڭەيتەدى، ونان ارى ۇزارتادى.
− مەملەكەت ءتوراعاسى شي جينپيڭنىڭ شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 23 - رەتكى ماجىلىسىندە سويلەگەن ءسوزى
2022 – جىل
مەن جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمىنىڭ وزگەرمەيتىنىن، جۇڭگونىڭ اشىق ەسىگى بارعان سايىن ايقارا اشىلاتىنىن قايتالاي دارىپتەيمىن. جۇڭگو بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن ۇزدىكسىز قالىپتاستىرىپ، «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىن» جوعارى دەڭگەيدە اتقارىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، دۇنيە ءجۇزىنىڭ ونەركاسىپ - ساۋدا سالاسىنا اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەيدى.
− مەملەكەت ءتوراعاسى شي جينپيڭنىڭ 2022 - جىلى 5 - ايدىڭ 18 - كۇنى جۇڭگو حالىقارالىق ساۋدانى جەبەۋ كوميتەتى قۇرىلعانىنىڭ 70 جىلدىعىن قۇتتىقتاۋ جينالىسىندا جانە دۇنيە جۇزىلىك ساۋداعا قارجى قوسۋدى جەبەۋ باسشىلار باس قوسۋىندا سويلەگەن ءسوزى
جۇڭگو ءار ەلدىڭ جۇڭگونىڭ ءىرى بازار ورايىنان بىرگە يگىلىكتەنۋىن ىلگەرىلەتىپ، قۋاتتى ەل ءىشى بازارىن جەدەل قۇرىپ، زات ساۋداسىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، قىزمەت وتەۋ ساۋداسىنىڭ دامۋ مەحانيزمىندە جاڭالىق اشىپ، ساپالى ونىمدەر يمپورتىن كەڭەيتىپ، ”جىبەك جولى ەلەكتروندىق ساۋداسى“ سەلبەستىگىنىڭ الدىمەن اتقارىلاتىن ءوڭىرىن قۇرىپ، مەملەكەتتىك قىزمەت وتەۋ ساۋداسىنىڭ جاڭالىق اشا دامۋىنان ۇلگى كورسەتەتىن ءوڭىر قۇرىپ، ساۋدانىڭ جاڭالىق اشا دامۋىن ىلگەرىلەتىپ، ”ءبىر بەلدەۋ، ءبىر جولدىى جوعارى ساپامەن بىرگە قۇرۋدى ىلگەرىلەتەدى.
− مەملەكەت ءتوراعاسى شي جينپيڭنىڭ 2022 - جىلى 11 - ايدىڭ 4 - كۇنى 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ءسوزى
2021 – جىل
جۇڭگو جاق تاعى ەكولوگيالىق وركەنيەت سالاسىنداعى سەلبەستىكتى ”ءبىر بەلدەۋ، ءبىر جولدى“ بىرگە قۇرۋدىڭ ءتۇيىندى مازمۇنى ەتىپ، جەلىلەس جاسىل ارەكەت باستاماسىن العا قويىپ، جاسىل نەگىزگى قۇرىلىس، جاسىل ەنەرگيا، جاسىل قاتىناس، جاسىل فينانس سياقتى ءبىرقىدىرۋ شارالاردى قولدانىپ، ”ءبىر بەلدەۋ، ءبىر جولدى“ بىرگە قۇرۋعا ات سالىسقان ءار ەل حالقىن ۇزدىكسىز باقىتقا كەنەلتەدى.
− مەملەكەت ءتوراعاسى شي جينپيڭنىڭ 2021 - جىلى 4 - ايدىڭ 22 – كۇنى ”باسشىلاردىڭ كليمات باس قوسۋىندا“ سويلەگەن ءسوزى
ءبىز حالىقارالىق قوعاممەن ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سەلبەستىگىن كۇشەيتىپ، دۇنيە جۇزىلىك ۇلاستىرۋ - تۇتاستىرۋدى جەبەۋ ءۇشىن ارتۋ مولشەرىن بىرگە ارتتىرىپ، اناعۇرلىم كوپ ەلدىڭ، اناعۇرلىم كوپ حالىقتىڭ دامۋ جەتىستىكتەرىنەن بىرگە يگىلىكتەنۋىنە مۇمكىندىك جاساۋدى قالايمىز.
− ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭنىڭ 2021 - جىلى 7 - ايدىڭ 6 - كۇنى جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالار باسشىلارىنىڭ باس قوسۋىندا سويلەگەن ارقاۋ ءسوزى
2020 – جىل
ءبىز ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ءار ەلدىڭ دامۋ ستراتەگياسىمەن جانە ەۆروپا - ازيا ەكونوميكالىق وداعى سياقتى وڭىرلىك سەلبەستىك باستامالارىمەن ىشكەرىلەي ۇشتاسۋىن ۇزدىكسىز ىلگەرىلەتىپ، ۇلاستىرۋدى، تۇتاستىرۋدى كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ، قۇن تىزبەگىنىڭ ىشكەرىلەي توعىسۋىن جەبەپ، وڭىرلىك ەكونوميكالىق اينالىمدى ىركىلىسسىزدەندىرۋىمىز كەرەك.
− مەملەكەت ءتوراعاسى شي جينپيڭنىڭ شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىندە سويلەگەن ءسوزى
ءبىز اشىق سەلبەستىك تۋىن ۇزدىكسىز بيىك ۇستاپ، كوپ جاقتىلىقتا جانە بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىندە تاباندى بولىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، ءار ەلدىڭ، وڭىرلەردىڭ دامۋ ستراتەگياسىمەن جانە ۇلاستىرۋ، تۇتاستىرۋ جوباسىمەن ۇشتاستىرۋدى ىلگەرىلەتىپ، ساياساتتى، ەرەجەنى، ولشەمدى توعىستىرۋدى كۇشەيتىپ، ءار ەلمەن نەگىزدىك قۇرىلعى قۇرىلىسى، كاسىپ سالاسى، ەكونوميكا - ساۋدا، عىلىم - تەحنيكادا جاڭالىق اشۋ، الەۋمەتتىك دەنساۋلىق ساقتاۋ، گۋمانيتارلىق سياقتى سالالارداعى ناقتى سەلبەستىكتى ۇزدىكسىز تەرەڭدەتىپ، ”ءبىر بەلدەۋ، ءبىر جولدى“ سەلبەستىك جولىنا، سالاماتتىق جولىنا، قالپىنا كەلۋ جولىنا، ارتۋ جولىنا اينالدىرىپ، جاسىل دامۋ سەلبەستىگىن كۇشەيتىپ، دۇنيە ءجۇزىنىڭ بىرگە دامۋىن ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋعا كۇش قوسۋىمىز كەرەك.
− مەملەكەت ءتوراعاسى شي جينپيڭنىڭ 2020 - جىلى 11 - ايدىڭ 19 - كۇنى ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ اڭگىمە ماجىلىسىندە سويلەگەن ارقاۋ ءسوزى
2019 – جىل
وسى كەزەكتى تالقى مىنبەرى سىرتقا ”ءبىر بەلدەۋ، ءبىر جولدى“ بىرگە قۇرۋدىڭ دوستار شەڭبەرىنىڭ بارعان سايىن كەڭەيۋى، جاقسى سەرىكتەرىنىڭ بارعان سايىن كوبەيۋى، سەلبەستىك ساپاسىنىڭ بارعان سايىن جوعارىلاۋى، دامۋ بولاشاعىنىڭ بارعان سايىن جاقسارۋى جونىنەن ايقىن سيگنال بەردى. مەن ”ءبىر بەلدەۋ، ءبىر جولدى“ بىرگە قۇرۋ باستاماسى جۇڭگودان شىققانىن، ورايى مەن جەمىسى دۇنيە جۇزىنە ءتان ەكەنىن تالاي رەت ايتقان ەدىم. ”ءبىر بەلدەۋ، ءبىر جولدى“ بىرگە قۇرۋ − ۇزاق ۋاقىتتىق ينجەنەريا، سەلبەستىك سەرىكتەرىنىڭ ورتاق ءىسى. جۇڭگو ءارقايسى جاقپەن بىرگە وسى كەزەكتى جوعارى دارەجەلىلەر تالقى مىنبەرىنىڭ ءتۇرلى ورتاق تانىمدارىن ويداعىداي تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ تەرەڭدەۋىن، ناقتىلانۋىن، ورنىقتى قاداممەن الىسقا جەتۋىن، ساپالى دامۋىن بىرگە ىلگەرىلەتىپ، اناعۇرلىم كوركەم بولاشاق اشۋدى قالايدى.
− مەملەكەت ءتوراعاسى شي جينپيڭ 2019 - جىلى 4 - ايدىڭ 27 - كۇنى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ تىلشىلەر جينالىسىندا سويلەگەن ءسوزى
جۇڭگو بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە بويسۇنىپ، اشىق، جاسىل، پاك بولۋ ۇستانىمىنان جازباي، ساپالى بولۋ، حالىق تۇرمىسىنا تيىمدىلىك جاساۋ، باياندى بولۋ نىساناسىنا تالپىنىپ، ءار ەلمەن بىرگە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتەدى.
− مەملەكەت ءتوراعاسى شي جينپيڭنىڭ 2019 - جىلى 11 - ايدىڭ 14 - كۇنى بريكس ەلدەرى باسشىلارىنىڭ برازيليا ديدارلاسۋى اشىق ماجىلىسىندە سويلەگەن ءسوزى
2018 – جىل
ءداۋىر سۇراۋى الدىندا، جۇڭگو حالىقارالىق سەلبەستىك سەرىكتەرىمەن ”ءبىر بەلدەۋ، ءبىر جولدى“ بىرگە قۇرۋدى قالايدى. ءبىز وسى حالىقارالىق سەلبەستىكتىڭ جاڭا تۇعىرى ارقىلى بىرگە دامۋعا جاڭا قوزعاۋشى كۇش ۇستەپ، ”ءبىر بەلدەۋ، ءبىر جولدى“ بەيبىتشىلىك جولى، گۇلدەنۋ جولى، ەسىك اشۋ جولى، جاسىل جول، جاڭالىق اشۋ جولى، وركەنيەت جولى ەتىپ قۇرۋىمىز كەرەك.
− مەملەكەت ءتوراعاسى شي جينپيڭنىڭ 2018 - جىلى 9 - ايدىڭ 3 - كۇنى 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ اشىلۋ سالتىندا سويلەگەن ارقاۋ ءسوزى
”ءبىر بەلدەۋ، ءبىر جولدى“ بىرگە قۇرۋ _ اشىق سەلبەستىك تۇعىرى، ول بىرگە اقىلداسۋ، بىرگە قۇرۋ، بىرگە يگىلىكتەنۋ نەگىزگى پرينسيبىن ۇستانادى، وڭىرلىك ساياسي ماقسات جوق، ەشكىمگە باعىتتالمايدى، ەشكىمدى جوققا شىعارمايدى، ەسىكتى تارس جاۋىپ الىپ تار شەڭبەرمەن اينالىسپايدى، بىرەۋلەر ايتىپ وتىرعان اناداي - مىناداي ”تۇزاق“ ەمەس، قايتا جۇڭگونىڭ دۇنيە جۇزىمەن ورايدى ورتاقتاساتىن، دامۋدى بىرگە جوسپارلايتىن جارقىن جولى.
− مەملەكەت ءتوراعاسى شي جينپيڭنىڭ 2018 - جىلى 11 - ايدىڭ 17 - كۇنى ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىندا سويلەگەن ارقاۋ ءسوزى
2017 – جىل
”ءبىر بەلدەۋ، ءبىر جول“ قۇرىلىسى جىبەك جولىنىڭ تاريحي توپىراعىنا تامىر تارتقان، ازيا، ەۆروپا، افريكا ۇلى قۇرلىعىنا ءتۇيىندى تۇردە باعىتتالعان، سونىمەن بىرگە بارلىق دوستارعا اشىق ۇستالعان. مەيلى ازيادان، ەۆروپادان نەمەسە افريكادان، امەريكا قۇرلىعىنان كەلسىن، بارلىعى دا ”ءبىر بەلدەۋ، ءبىر جول“ قۇرىلىسىنداعى حالىقارالىق سەلبەستىك سەرىكتەرى. ”ءبىر بەلدەۋ، ءبىر جول“ قۇرىلىسىن كوپشىلىك بىرگە اقىلداسامىز، ”ءبىر بەلدەۋ، ءبىر جول“ قۇرىلىسىنىڭ تابىسىنان كوپشىلىك بىرگە يگىلىكتەنەدى.
− مەملەكەت ءتوراعاسى شي جينپيڭنىڭ 2017 - جىلى 5 - ايدىڭ 14 - كۇنى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ اشىلۋ سالتىندا سويلەگەن ءسوزى
”ءبىر بەلدەۋ، ءبىر جولدى“ بىرگە قۇرۋ باستاماسى وڭىرلىك ساياسي قۇرال ەمەس، قايتا ناقتى سەلبەستىك تۇعىرى؛ سىرتقا كومەك بەرۋ جوسپارى ەمەس، قايتا بىرگە اقىلداساتىن، بىرگە قۇراتىن، بىرگە يگىلىكتەنەتىن بىرلەسىپ قيمىلدايتىن دامۋ باستاماسى.
_ مەملەكەت ءتوراعاسى شي جينپيڭنىڭ 2017 – جىلى 9 – ايدىڭ 3 - كۇنى بريكس ەلدەرى ونەركاسىپ - ساۋدا تالقى مىنبەرىنىڭ اشىلۋ سالتىندا سويلەگەن ءسوزى
2016 – جىل
”ءبىر بەلدەۋ، ءبىر جول“ قۇرىلىسىندا تۇرلىشە ۇلتتىڭ، تۇرلىشە مادەنيەتتىڭ ءبىر – ءبىرىن ءبۇلدىرۋى ەمەس، ”توعىسۋى“، ءوزارا داۋالدى كوبىرەك بۇزىپ، داۋالدى ازىراق سوعۋى دارىپتەلەدى، تىلدەسۋ ”التىن قاعيدا“ رەتىندە پايدالانىلىپ، كوپشىلىك بارىس - كەلىس جاسايتىن كورشى بولادى.
_ مەملەكەت ءتوراعاسى شي جينپيڭنىڭ 2016 - جىلى 1 - ايدىڭ 21 - كۇنى اراب ەلدەرى وداعىنىڭ باس شتابىندا سويلەگەن ءسوزى
جىبەك جولى _ ءار ەل حالقىنىڭ ورتاق بايلىعى. جۇڭگو جىبەك جولى رۋحىن ساۋلەلەندىرىپ، ”ءبىر بەلدەۋ، ءبىر جول“ باستاماسىن العا قويىپ، بىرگە اقىلداسۋدى، بىرگە قۇرۋدى، بىرگە يگىلىكتەنۋدى پرينسيپ ەتىپ، ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى ىلگەرىلەتىپ، جەلى بويىنداعى ەلدەردىڭ جاپپاي قۇپتاۋىنا يە بولدى.
جۇڭگو جەلى بويىنداعى ەلدەرمەن بىرگە ”ءبىر بەلدەۋ، ءبىر جول“ ءوزارا ءتيىمدى سەلبەستىك تورابىن قۇرىپ، جاڭاشا سەلبەستىك ۇلگىسىن بىرگە جاراتىپ، كوپ نەگىزدى سەلبەستىك تۇعىرىن اشىپ، ءتۇيىندى سالالارداعى نىسانداردى ىلگەرىلەتىپ، ”“اسىل جىبەك جولىن“، ”اقاۋسىز جىبەك جولىن“، ”زەردەلى جىبەك جولىن“ جانە ”بەيبىتشىلىك جىبەك جولىن“ قول ۇستاسا اشىپ، جەلى بويىنداعى ەلدەر مەن حالىقتارعا باقىت جاراتۋدى قالايدى.
− مەملەكەت ءتوراعاسى شي جينپيڭ 2016 - جىلعى ”ءبىر بەلدەۋ، ءبىر جول“ اقپارات قۇرالدارى سەلبەستىك تالقى مىنبەرىنە جولداعان قۇتتىقتاۋ حاتى
2015 – جىل
”ءبىر بەلدەۋ، ءبىر جول“ قۇرىلىسى بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانادى، ول توماعا - تۇيىق ەمەس، قايتا اشىق، سيىسىمدى بولادى؛ ول جۇڭگونىڭ جەكە ءانى ەمەس، قايتا جەلى بويىنداعى ەلدەردىڭ ورتاق ءانى بولادى. ”ءبىر بەلدەۋ، ءبىر جول“ قۇرىلىسى قازىرگى وڭىرلىك سەلبەستىك مەحانيزمى مەن باستاماسىنىڭ ورنىن باسۋ ەمەس، قايتا بۇرىنعى نەگىزدە جەلى بويىنداعى ەلدەردىڭ دامۋ ستراتەگياسىن ءوزارا ۇشتاستىرۋدى، ابزالدىقتارىمەن ءبىرىن - ءبىرى تولىقتاۋدى جۇزەگە اسىرۋىن ىلگەرىلەتەدى.
− مەملەكەت ءتوراعاسى شي جينپيڭنىڭ 2015 – جىلى 3 – ايدىڭ 28 - كۇنى بو - اۋ ازيا تالقى مىنبەرىنىڭ 2015 - جىلعى جىلدىق ماجىلىسىندە سويلەگەن ارقاۋ ءسوزى
جۇڭگو جاقتىڭ ”ءبىر بەلدەۋ، ءبىر جول“ ويى مەن ازيا نەگىزدىك قۇرىلعىلارعا قارجى قوسۋ بانكەسى باستاماسىن العا قويۋى، اتاپ ايتقاندا، تاتۋ - ءتاتتى، ادال، ءتيىمدى، كەشىرىمشىل توڭىرەكتىك ديپلوماتيا ۇستانىمىن نەگىز ەتىپ، ازيا ەلدەرىمەن بىرگە وسى ءوڭىر ءدوپ كەلگەن رەال ماسەلەلەردى شەشىپ، بىرگە دامۋعا كۇش سالۋ ءۇشىن بولىپ تابىلادى. ازيا نەگىزدىك قۇرىلعىلارعا قارجى قوسۋ بانكەسى قازىرگى حالىقارالىق دامۋ فينانس قۇرىلىمدارىمەن ءبىرىن - ءبىرى تولىقتايدى. جۇڭگو ءارقايسى مۇشە ەلدەرمەن بىرگە ازيا نەگىزدىك قۇرىلعىلارعا قارجى قوسۋ بانكەسىن كاسىپتىك، جوعارى ءونىمدى، پاك جاڭاشا كوپ جاقتى وركەندەتۋ بانكەسى ەتىپ قۇرىپ شىعىپ، ازيا مەن دۇنيە ءجۇزى ەكونوميكاسىنىڭ گۇلدەنۋىن جەبەۋگە بىرگە ۇلەس قوسۋدى قالايدى.
− مەملەكەت ءتوراعاسى شي جينپيڭ 2015 – جىلى 6 - ايدىڭ 29 – كۇنى «ازيا نەگىزدىك قۇرىلعىلارعا قارجى قوسۋ بانكەسىنىڭ كەلىسىمىنە» قول قويۋ سالتىنا قاتىناسقان ءار ەل ۋاكىلدەر ۇيىرمەلەرىنىڭ باستىقتارىمەن كەزدەسكەندەگى ءسوزى
2014 - جىل
”تۋىس تۋىستىڭ جاقسى بولۋىن تىلەيدى، كورشى كورشىنىڭ جاقسى بولۋىن تىلەيدى“. جۇڭگو كورشىمەن تاتۋ - ءتاتتى وتۋدە، كورشىنى سەرىك ەتۋدە تاباندى بولىپ، كورشىنى تىنىشتاندىرۋدا، كورشىنى بايىتۋدا تاباندى بولىپ، جاقىن، ادال، ءتيىمدى، كەشىرىمشىل بولۋ ۇستانىمىن امالياتتا ايگىلەپ، ءوزىنىڭ دامۋى ارقىلى ازيا ەلدەرىنە اناعۇرلىم ويداعىداي پايدا جەتكىزۋگە قۇلشىنادى. جۇڭگو ءار ەلمەن بىرگە جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولى قۇرىلىسىن جەدەل ىلگەرىلەتىپ، ازيا نەگىزدىك قۇرىلعىلارعا قارجى قوسۋ بانكەسىن ەرتەرەك ىسكە قوسىپ، وڭىرلىك سەلبەستىكتىڭ اياق الىسىنا اناعۇرلىم ىشكەرىلەي ات سالىسىپ، ازيانىڭ دامۋى مەن حاۋىپسىزدىگىنىڭ ءبىرىن - ءبىرى جەبەۋىن، ءبىر - بىرىنە ساي كەلۋىن ىلگەرىلەتەدى.
− مەملەكەت ءتوراعاسى شي جينپيڭنىڭ 2014 - جىلى 5 - ايدىڭ 21 - كۇنى ازيا ءوزارا ىقپالداستىق جانە سەنىم شارالارى ءماجىلىسىنىڭ 4 - رەتكى باسشىلار ماجىلىسىندە سويلەگەن ءسوزى
”ءبىر بەلدەۋ، ءبىر جول“ مەن ۇلاستىرۋ، تۇتاستىرۋ ءبىر - بىرىمەن توعىسىپ، ءبىرىن - ءبىرى تولىقتايدى. ەگەر ”ءبىر بەلدەۋ، ءبىر جولدى“ ازيانىڭ شارىقتاعان قوس قاناتى دەسەك، وندا ۇلاستىرۋ - تۇتاستىرۋ ەكى قاناتتىڭ قان تامىرى.
− مەملەكەت ءتوراعاسى شي جينپيڭنىڭ 2014 - جىلى 11 - ايدىڭ 8 - كۇنى ”ۇلاستىرۋ - تۇتاستىرۋ سەرىكتەستىك قاتىناسىن كۇشەيتۋ“ بويىنشا داياشى ەل مەن ارىپتەستەردىڭ ديالوگ ماجىلىسىندە سويلەگەن ءسوزى
2013 – جىل
ەۆروپا - ازيا ەلدەرىنىڭ ەكونوميكالىق بايلانىسىن ونان ارى قويۋلاتۋ، ءوزارا سەلبەستىگىن ونان ارى تەرەڭدەتۋ، دامۋ ءورىسىن ونان ارى كەڭەيتۋ ءۇشىن، جاڭالىق اشۋ سىندى سەلبەستىك ۇلگىسى ارقىلى ”جىبەك جولى ەكونوميكالىق بەلدەۋىن“ بىرگە قۇرۋىمىزعا بولادى. بۇل _ جول بويىنداعى ءار ەل حالقىن باقىتقا كەنەلتەتىن ۇلى ءىس.
_ مەملەكەت ءتوراعاسى شي جينپيڭنىڭ 2013 – جىلى 9 - ايدىڭ 7 – كۇنى نازاربايەۆ داشۋەسىندە جاساعان لەكسياسىنان
شىعىس وڭتۇستىك ازيا ءوڭىرى ەجەلدەن بەرى ”تەڭىزدەگى جىبەك جولىنىڭ“ ماڭىزدى تورابى بولىپ كەلەدى، جۇڭگو شىعىس وڭتۇستىك ازيا وداعىنداعى ەلدەرمەن تەڭىزدەگى سەلبەستىكتى كۇشەيتىپ، جۇڭگو ۇكىمەتى قۇرعان جۇڭگو - شىعىس وڭتۇستىك ازيا وداعى تەڭىز سەلبەستىك قورىنان ويداعىداي پايدالانىپ، تەڭىز - مۇحيت سەلبەستىك سەرىكتەستىك قاتىناسىن ويداعىداي دامىتىپ، 21 - عاسىرداعى ”تەڭىزدەگى جىبەك جولىن“ بىرگە اشۋدى قالايدى.
− مەملەكەت ءتوراعاسى شي جينپيڭ 2013 – جىلى 10 - ايدىڭ 3 – كۇنى يندونەزيا پارلامەنتىندە جاساعان لەكسياسىنان
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
