شي جينپيڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى

2023.10.19 16:50 كەلۋ قاينارى : حالىق تورابى

　　وتكەن 10 جىلدا قول جەتكەن تابىستار اسا باعالى، تاجىريبەلەر قورىتىندىلاۋعا تاتيدى. ءبىز ادامزاتتىڭ ءبىر - بىرىنە سۇيەنىپ ءومىر سۇرەتىن تاعدىرلاس ورتاق تۇلعا ەكەنىن تەرەڭ تانىپ جەتتىك. دۇنيە ءجۇزى جاقسى بولسا، جۇڭگو دا جاقسى بولادى؛ جۇڭگو جاقسى بولسا، دۇنيە ءجۇزى ءتىپتى دە جاقسى بولادى. ”ءبىر بەلدەۋ، ءبىر جولدى“ بىرگە قۇرۋ ارقىلى جۇڭگونىڭ سىرتقا اشىق ۇستالعان ەسىگى بارعان سايىن ايقارا اشىلىپ، جۇڭگو بازارىنىڭ دۇنيە جۇزىلىك بازارمەن بايلانىسى اناعۇرلىم قويۋلادى. ءبىز سەلبەسىپ تەڭ يگىلىككە كەنەلگەندە عانا ءىس تىندىرۋعا، جاقسى ءىس ىستەۋگە، ءىرى ءىس تىندىرۋعا بولاتىنىن تەرەڭ تانىپ جەتتىك. ءار قايسى مەملەكەتتىڭ سەلبەسۋ تىلەگى، سايكەستىرۋ ارەكەتى بولسا عانا، تابيعي كەدەرگى داڭعىل جولعا اينالادى، ”قۇرلىقتا تۇيىقتالعان ەلدەر“ ”تۇتاسقان ەلدەرگە“ ، دامۋ ويپاڭى گۇلدەنۋ بيىگىنە اينالادى. ءبىز بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىنىڭ ”ءبىر بەلدەۋ، ءبىر جولدى“ بىرگە قۇرۋدىڭ ەڭ ماڭىزدى كۇش قاينارى ەكەنىن تەرەڭ تانىپ جەتتىك. ”ءبىر بەلدەۋ، ءبىر جولدى“ بىرگە قۇرۋدا كوپ بولىپ تەرگەن وتىننىڭ جالىنى قاۋلاپ، ءوزارا كومەكتەسىپ، ءوزارا قارايلاسىپ الىسقا بارۋعا باسا ءمان بەرىلدى، ءوزىمىزدىڭ جاقسى تۇرمىس كەشىرۋىمىزدى ءارى باسقالاردىڭ جاقسى تۇرمىس كەشىرۋىنە مۇمكىندىك جاساۋدى قاستەرلەدىك، ۇلاستىرۋ، تۇتاستىرۋدى، ءوزارا پايدا جەتكىزۋدى، ءوزارا تيىمدىلىك جاساۋدى امالياتتا ايگىلەدىك، بىرگە دامۋعا، سەلبەسىپ تەڭ يگىلىككە كەنەلۋگە ۇمتىلدىق. يدەيالوگيالىق قاراما - قارسىلىقپەن، وڭىرلىك ساياسي سايىسپەن شۇعىلدانبادىق، توپتاردىڭ ساياسي قارسىلاسۋىمەن دە شۇعىلدانبادىق، سىڭار جاقتى جازالاۋعا، ەكونوميكالىق قوقانلوقى جاساۋعا قارسى تۇردىق، سونداي - اق ”قول ءۇزىپ، تىزبەكتى ۇزۋگە“ دە قارسى تۇردىق. 10 جىلدىق بارىس ”ءبىر بەلدەۋ، ءبىر جولدى“ بىرگە قۇرۋدىڭ تاريحتىڭ دۇرىس جاعىندا تۇرعانىن، ءداۋىردىڭ العا باسۋ لوگيكاسىنا ۇيلەسەتىنىن، دۇرىس جولمەن جۇرگەنىن دالەلدەدى. ءبىز اسپاندى قارا بۇلت تورلاسا دا، ۇستامدى بولۋىمىز، تاريحقا، حالىققا، دۇنيە جۇزىنە جاۋاپتى بولۋ پوزيتسياسىمەن ءتۇرلى دۇنيە جۇزىلىك حاۋىپ - قاتەر مەن سىن - سايىسقا قول ۇستاسا توتەپ بەرىپ، ۇرپاقتارعا بەيبىت، دامىعان، سەلبەسكەن، تەڭ يگىلىككە كەنەلەتىن كوركەم بولاشاق جاراتۋىمىز كەرەك.

　　■ بيىل — مەنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعانىمنىڭ 10 جىلدىعى. بۇل باستامانى العا قويۋداعى اۋەلگى ماقساتىم بايىرعى جىبەك جولىنان ۇلگى الىپ، ۇلاستىرۋ - تۇتاستىرۋدى نەگىزگى جەلى ەتىپ، ءار ەلمەن ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى كۇشەيتىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى كۇش قوسىپ، دۇنيە ءجۇزىنىڭ دامۋىنا جاڭا ءورىس اشىپ، حالىقارالىق ەكونوميكالىق سەلبەستىككە جاڭا تۇعىر ازىرلەۋ بولىپ تابىلادى

　　■ جۇڭگو قازىر جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. ءبىزدىڭ تالپىناتىنىمىز جۇڭگونىڭ ءوز باسىن عانا كۇيتتەيتىن وسىزاماندانۋى ەمەس، قايتا قالىڭ وركەندەپ كەلە جاتقان ەلدەردى قامتىعان ءار ەلمەن وسىزامانداندىرۋدى بىرگە جۇزەگە اسىرۋدى ءۇمىت ەتەمىز. دۇنيە ءجۇزىنىڭ وسىزاماندانۋى بەيبىت دامۋدىڭ وسىزاماندانۋى، ءوزارا ءتيىمدى سەلبەستىكتىڭ وسىزاماندانۋى، بىرگە گۇلدەنۋدىڭ وسىزاماندانۋى بولۋعا ءتيىس. جۇڭگو جاق ءار جاقپەن ”ءبىر بەلدەۋ، ءبىر جول“ سەلبەستىك سەرىكتەستىك قارىم - قاتىناسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن قاجىماي - تالماي قۇلشىنۋدى قالايدى

　　■ جۇڭگونىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋداعى 8 ءتۇرلى ارەكەتىن جاريالادى:

　　ءبىرىنشى، ”ءبىر بەلدەۋ، ءبىر جول“ ستەرەولى ءوزارا بايلانىس تورابىن قۇرۋ. ەكىنشى، اشىق دۇنيە ءجۇزى ەكونوميكاسىن قۇرۋدى قولداۋ. ءۇشىنشى، ناقتى سەلبەستىكتى ورىستەتۋ. ءتورتىنشى، جاسىل دامۋدى جەبەۋ. بەسىنشى، عىلىم - تەحنيكادا جاڭالىق جاراتۋدى ىلگەرىلەتۋ. التىنشى، حالىقتىق بارىس - كەلىستى قولداۋ. جەتىنشى، پاكتىك جولىن سالۋ. سەگىزىنشى، ”ءبىر بەلدەۋ، ءبىر جول“ حالىقارالىق سەلبەستىك مەحانيزمىن كەمەلدەندىرۋ.

　　■ ”ءبىر بەلدەۋ، ءبىر جولدى“ بىرگە قۇرۋ جۇڭگودان باستاۋ العان، جەتىستىك پەن وراي دۇنيە جۇزىنە ءتان. ءبىز حالىقتىڭ ءۇمىتىن ەستە بەرىك ساقتاپ، تاريحتىڭ اۋىر جۇگىن باتىلدىقپەن ارقالاپ، ءداۋىر اۋقىمىن ءداپ باسىپ يگەرىپ، بۇرىنعىعا مۇراگەر بولىپ، كەيىنگىگە جول اشىپ، ەرلىكپەن العا باسىپ، ”ءبىر بەلدەۋ، ءبىر جول“ حالىقارالىق سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم ساپالى، اناعۇرلىم جوعارى دەڭگەيدەگى جاڭا دامۋىن قارسى الىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋدى ىلگەرىلەتىپ، اشىق، سيىسىمدى، ۇلاسقان، تۇتاسقان، بىرگە داميتىن دۇنيە ءجۇزىن قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك

　　«حالىق گازەتى»، 10 - ايدىڭ 18 - كۇنى، بەيجيڭ (تىلشىلەر ۋاڭ حايلين، جاڭ ۋ - جۇن، جۋ يىڭچي). 10 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «اشىق، سيىسىمدى، ۇلاسقان، تۇتاسقان، بىرگە داميتىن دۇنيە ءجۇزىن قۇرايىق» دەگەن تاقىرىپتا ارقاۋ ءسوز سويلەدى.

　　شي جينپيڭ جۇڭگونىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولدايتىن 8 ءتۇرلى ارەكەتىن جاريالادى، جۇڭگو جاقتىڭ ءار جاقپەن ”ءبىر بەلدەۋ، ءبىر جول“ سەلبەستىك سەرىكتەستىك قارىم - قاتىناسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن قاجىماي - تالماي قۇلشىنۋدى قالايتىنىن دارىپتەدى.

　　التىن كۇز مەزگىلى، اسپان شايداي اشىق، مايدا سامال ەسىپ، كۇن شۇلەن شۇعىلاسىن شاشۋدا. تيان - انمىن الاڭىندا ”ءبىر بەلدەۋ، ءبىر جولدى“ بىرگە قۇرۋشى ەلدەردىڭ مەملەكەت تۋلارى جەلبىرەپ، ءبىر - بىرىنە ءار بەرۋدە.

　　جوعارى دارەجەلىلەر تالقى مىنبەرىنە قاتىناسقان شەتەلدىڭ مەملەكەت باسشىلارى، ۇكىمەت باسشىلارى جانە حالىقارالىق ۇيىمداردىڭ جاۋاپتىلارى قاتارلى حالىقارالىق سيلى قوناقتار ىركەس - تىركەس كەلدى. حالىق سارايىنىڭ شىعىس قاقپاسىنداعى زالدىڭ ەكى جاعىنداعى ۇلكەن ەكراننان ”ءبىر بەلدەۋ، ءبىر جولدى“ بىرگە قۇرۋ نىسانىنىڭ 10 جىلداعى سۇبەلى تابىستارى كورسەتىلۋدە.

　　شي جينپيڭ اشىلۋ سالتىنا قاتىناسقان شەتەل باسشىلارىمەن توپتىق سۋرەتكە ءتۇستى.

　　«بەيبىتشىلىك - تاعدىرلاس ورتاق تۇلعا» مۋزىكاسىنىڭ ءۇنى ىشىندە شي جينپيڭ شەتەل باسشىلارىمەن بىرگە ءماجىلىس زالىنا كىردى. بۇكىل زالداعىلار ورىندارىنان تۇرىپ قىزۋ قارسى الدى.

　　ءتوراعا شي جينپيڭ «اشىق، سيىسىمدى، ۇلاسقان، تۇتاسقان، بىرگە داميتىن دۇنيە ءجۇزىن قۇرايىق» دەگەن تاقىرىپتا ارقاۋ ءسوز سويلەدى (لەكسيانىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

　　شي جينپيڭ مىنالاردى اتاپ كورسەتتى: بيىل — مەنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعانىمنىڭ 10 جىلدىعى. بۇل باستامانى العا قويۋداعى اۋەلگى ماقساتىم بايىرعى جىبەك جولىنان ۇلگى الىپ، ۇلاستىرۋ - تۇتاستىرۋدى نەگىزگى جەلى ەتىپ، ءار ەلمەن ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، حالىق تىلەگىن توعىستىرۋدى كۇشەيتىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى كۇش قوسىپ، دۇنيە ءجۇزىنىڭ دامۋىنا جاڭا ءورىس اشىپ، حالىقارالىق ەكونوميكالىق سەلبەستىككە جاڭا تۇعىر ازىرلەۋ بولىپ تابىلادى.

　　10 جىلدان بەرى ءبىز اۋەلگى ماقساتتان اينىماي، قول ۇستاسا بىرگە ىلگەرىلەپ، ”ءبىر بەلدەۋ، ءبىر جول“ حالىقارالىق سەلبەستىگىنىڭ جوقتان بار بولىپ، قارىشتاپ دامىپ، سۇبەلى تابىستارعا قول جەتكىزۋىن ىلگەرىلەتتىك. ”ءبىر بەلدەۋ، ءبىر جول“ سەلبەستىگى ازيا - ەۆروپا قۇرلىعىنان افريكا مەن لاتىن امەريكاسىنا دەيىن كەڭەيدى، 150 نەشە مەملەكەت، 30 نەشە حالىقارالىق ۇيىم ”ءبىر بەلدەۋ، ءبىر جولدى“ بىرگە قۇرۋ سەلبەستىك قۇجاتىنا قول قويىپ، 20 نەشە كاسىپتىك سالاداعى كوپ جاقتى سەلبەستىك تۇعىرىن قۇردى؛ ءبىر توپ بوگەنايلىق نىساندار مەن حالىق تۇرمىسىنا تيىمدىلىك جەتكىزەتىن ”شاعىن ءارى كوركەم“ نىساندار تياناقتانىپ، تامىر تارتتى؛ بىرگە اقىلداسۋ، بىرگە قۇرۋ، بىرگە يگىلىكتەنۋ، اشىق، جاسىل، پاك بولۋ، جوعارى ولشەممەن حالىق تۇرمىسىنا تيىمدىلىك جاساۋ باياندى جالعاسىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ ماڭىزدى جەتەكشى پرينسيبىنە اينالدى. 10 جىلدان بەرى ءبىز ەكونوميكالىق ءدالىزدى جەتەكشى، ۇلكەن ارنا مەن ينفورماتسيا جوعارى قارقىندىق تاس جولىن قاڭقا، تەمىر جول، تاس جول، اۋەجاي، پورت، قۇبىر تورابىن سۇيەنىش ەتكەن، قۇرلىق، تەڭىز، اسپان، توراپتى قامتىعان دۇنيە جۇزىلىك ۇلاستىرۋ - تۇتاستىرۋ تورابىن قۇرۋعا كۇش سالىپ، ءار ەلدىڭ تاۋار، قارجى، تەحنيكا، قىزمەتكەرلەرىنىڭ ءىرى اينالىمىن ءونىمدى جەبەپ، مىڭ جىلدان بەرى جالعاسىپ كەلە جاتقان بايىرعى جىبەك جولىنىڭ جاڭا داۋىردە تىڭ ومىرشەڭدىك كۇشكە يە بولۋىن ىلگەرىلەتتىك. ”ءبىر بەلدەۋ، ءبىر جولدى“ بىرگە قۇرۋ بىرگە اقىلداسۋدا، بىرگە قۇرۋدا، بىرگە يگىلىكتەنۋدە تاباندى بولىپ، تۇرلىشە وركەنيەت، مادەنيەت، قوعامدىق ءتۇزىم، دامۋ ساتىسىنداعى پارىقتاردان اتتاپ ءوتىپ، ءار ەلدىڭ بارىس - كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن ورناتىپ، ادامزاتتىڭ بىرگە دامۋىنىڭ ەڭ ۇلكەن ورتاق بولگىشىن جيناقتادى.

　　شي جينپيڭ بىلاي دەپ دارىپتەدى: وتكەن 10 جىلدا قول جەتكەن تابىستار اسا باعالى، تاجىريبەلەر قورىتىندىلاۋعا تاتيدى. ءبىز ادامزاتتىڭ ءبىر - بىرىنە سۇيەنىپ ءومىر سۇرەتىن تاعدىرلاس ورتاق تۇلعا ەكەنىن تەرەڭ تانىپ جەتتىك. دۇنيە ءجۇزى جاقسى بولسا، جۇڭگو دا جاقسى بولادى؛ جۇڭگو جاقسى بولسا، دۇنيە ءجۇزى ءتىپتى دە جاقسى بولادى. ”ءبىر بەلدەۋ، ءبىر جولدى“ بىرگە قۇرۋ ارقىلى جۇڭگونىڭ سىرتقا اشىق ۇستالعان ەسىگى بارعان سايىن ايقارا اشىلىپ، جۇڭگو بازارىنىڭ دۇنيە جۇزىلىك بازارمەن بايلانىسى اناعۇرلىم قويۋلادى. ءبىز سەلبەسىپ تەڭ يگىلىككە كەنەلگەندە عانا ءىس تىندىرۋعا، جاقسى ءىس ىستەۋگە، ءىرى ءىس تىندىرۋعا بولاتىنىن تەرەڭ تانىپ جەتتىك. ءار قايسى مەملەكەتتىڭ سەلبەسۋ تىلەگى، سايكەستىرۋ ارەكەتى بولسا عانا، تابيعي كەدەرگى داڭعىل جولعا اينالادى، ”قۇرلىقتا تۇيىقتالعان ەلدەر“ ”تۇتاسقان ەلدەرگە“ ، دامۋ ويپاڭى گۇلدەنۋ بيىگىنە اينالادى. ءبىز بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىنىڭ ”ءبىر بەلدەۋ، ءبىر جولدى“ بىرگە قۇرۋدىڭ ەڭ ماڭىزدى كۇش قاينارى ەكەنىن تەرەڭ تانىپ جەتتىك. ”ءبىر بەلدەۋ، ءبىر جولدى“ بىرگە قۇرۋدا كوپ بولىپ تەرگەن وتىننىڭ جالىنى قاۋلاپ، ءوزارا كومەكتەسىپ، ءوزارا قارايلاسىپ الىسقا بارۋعا باسا ءمان بەرىلدى، ءوزىمىزدىڭ جاقسى تۇرمىس كەشىرۋىمىزدى ءارى باسقالاردىڭ جاقسى تۇرمىس كەشىرۋىنە مۇمكىندىك جاساۋدى قاستەرلەدىك، ۇلاستىرۋ، تۇتاستىرۋدى، ءوزارا پايدا جەتكىزۋدى، ءوزارا تيىمدىلىك جاساۋدى امالياتتا ايگىلەدىك، بىرگە دامۋعا، سەلبەسىپ تەڭ يگىلىككە كەنەلۋگە ۇمتىلدىق. يدەيالوگيالىق قاراما - قارسىلىقپەن، وڭىرلىك ساياسي سايىسپەن شۇعىلدانبادىق، توپتاردىڭ ساياسي قارسىلاسۋىمەن دە شۇعىلدانبادىق، سىڭار جاقتى جازالاۋعا، ەكونوميكالىق قوقانلوقى جاساۋعا قارسى تۇردىق، سونداي - اق ”قول ءۇزىپ، تىزبەكتى ۇزۋگە“ دە قارسى تۇردىق. 10 جىلدىق بارىس ”ءبىر بەلدەۋ، ءبىر جولدى“ بىرگە قۇرۋدىڭ تاريحتىڭ دۇرىس جاعىندا تۇرعانىن، ءداۋىردىڭ العا باسۋ لوگيكاسىنا ۇيلەسەتىنىن، دۇرىس جولمەن جۇرگەنىن دالەلدەدى. ءبىز اسپاندى قارا بۇلت تورلاسا دا، ۇستامدى بولۋىمىز، تاريحقا، حالىققا، دۇنيە جۇزىنە جاۋاپتى بولۋ پوزيتسياسىمەن ءتۇرلى دۇنيە جۇزىلىك حاۋىپ - قاتەر مەن سىن - سايىسقا قول ۇستاسا توتەپ بەرىپ، ۇرپاقتارعا بەيبىت، دامىعان، سەلبەسكەن، تەڭ يگىلىككە كەنەلەتىن كوركەم بولاشاق جاراتۋىمىز كەرەك.

　　شي جينپيڭ مىنالاردى اتاپ كورسەتتى: جۇڭگو قازىر جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. ءبىزدىڭ تالپىناتىنىمىز جۇڭگونىڭ ءوز باسىن عانا كۇيتتەيتىن وسىزاماندانۋى ەمەس، قايتا قالىڭ وركەندەپ كەلە جاتقان ەلدەردى قامتىعان ءار ەلمەن وسىزامانداندىرۋدى بىرگە جۇزەگە اسىرۋدى ءۇمىت ەتەمىز. دۇنيە ءجۇزىنىڭ وسىزاماندانۋى بەيبىت دامۋدىڭ وسىزاماندانۋى، ءوزارا ءتيىمدى سەلبەستىكتىڭ وسىزاماندانۋى، بىرگە گۇلدەنۋدىڭ وسىزاماندانۋى بولۋعا ءتيىس. جۇڭگو جاق ءار جاقپەن ”ءبىر بەلدەۋ، ءبىر جول“ سەلبەستىك سەرىكتەستىك قارىم - قاتىناسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن قاجىماي - تالماي قۇلشىنۋدى قالايدى.

　　شي جينپيڭ جۇڭگونىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋداعى 8 ءتۇرلى ارەكەتىن جاريالادى:

　　ءبىرىنشى، ”ءبىر بەلدەۋ، ءبىر جول“ ستەرەولى ءوزارا بايلانىس تورابىن قۇرۋ. جۇڭگو جۇڭگو - ەۆروپا كەزەكشى پويەزدەرىنىڭ ساپالى دامۋىن جەدەل ىلگەرىلەتىپ، كاسپي تەڭىزى حالىقارالىق تاسىمال ءدالىزى قۇرىلىسىنا ات سالىسىپ، جۇڭگو - ەۆروپا كەزەكشى پويەزدەرىنىڭ حالىقارالىق سەلبەستىك تالقى مىنبەرىن ويداعىداي وتكىزىپ، ءار جاقپەن بىرگە تەمىر جول، تاس جول تىكە تاسىمالىن تىرەك ەتكەن ازيا - ەۆروپا ۇلى قۇرلىعىنىڭ زات اينالىمى جاڭا ارناسىن قۇرادى. ”جىبەك جولى تەڭىز تاسىمالىندا“ پورت، اۆياتسيا، ساۋدانى ءبىر تۇلعالاندىرىپ دامىتۋدى بەلسەنە ىلگەرىلەتىپ، قۇرلىق، تەڭىز جاڭا ارناسى، اۋە جىبەك جولى قۇرىلىسىن جەدەلدەتۋ كەرەك.

　　ەكىنشى، اشىق دۇنيە ءجۇزى ەكونوميكاسىن قۇرۋدى قولداۋ. جۇڭگو جاق ”جىبەك جولى ەلەكتروندىق ساۋداسى“ سەلبەستىگىندە الدىمەن اتقارىلاتىن رايون قۇرىپ، اناعۇرلىم كوپ مەملەكەتپەن ەركىن ساۋدا كەلىسىمىن، قارجى قوسۋدى قورعاۋ كەلىسىمىن اقىلداسىپ جاساسادى. جاساۋ كاسىبى سالاسىنداعى شەتەل قارجىسىنىڭ بازارعا كىرۋىنە رۇقسات ەتۋدى شەكتەۋ شارالارى جاپپاي كۇشىنەن قالدىرىلادى. حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن سالىستىرىپ، شەكارا اتتاعان قىزمەت وتەۋ ساۋداسى مەن قارجى قوسۋدىڭ جوعارى دەڭگەيدە ەسىك اشۋىن ىشكەرىلەي ىلگەرىلەتىپ، سيفرلى ونىمدەر سياقتىلاردىڭ بازارعا كىرۋ رۇقساتىن كەڭەيتىپ، مەملەكەت مەنشىگىندەگى كاسىپورىندار، سيفرلى ەكونوميكا، ءبىلىم مەنشىك ۇقىعى، ۇكىمەتتىك ساتىپ الۋ سياقتى سالالارداعى رەفورمانى تەرەڭدەتۋ كەرەك. جۇڭگو ءار جىلى ”دۇنيە جۇزىلىك سيفرلى ساۋدا كورمەسىن“ وتكىزەدى.

　　ءۇشىنشى، ناقتى سەلبەستىكتى ورىستەتۋ. جۇڭگو بوگەنايلىق ينجەنەريالار مەن ”شاعىن ءارى كوركەم“ حالىق تۇرمىسى نىساندارىن ءبىر تۇتاس جوسپارلاپ ىلگەرىلەتەدى. جۇڭگو مەملەكەتتىك دامۋ بانكەسى، جۇڭگو يمپورت - ەكسپورت بانكەسى حالىق اقشاسىمەن قارجى قۇراۋ تەرەزەسىن قۇرىپ، جىبەك جولى قورىنا جاڭادان قارجى قوسىپ، بازارلاندىرۋ، ساۋداعا سالۋ تاسىلىمەن ”ءبىر بەلدەۋ، ءبىر جولدى“ بىرگە قۇرۋ نىساندارىن قولدايدى. جۇڭگو جاق تاعى حالىق تۇرمىسىنا كومەك بەرەتىن مىڭ شاعىن نىساندى اتقارىپ، لۋبان شەبەرحاناسى سياقتىلار ارقىلى جۇڭگو مەن شەتەلدىڭ كاسىپتىك وقۋ - اعارتۋ سەلبەستىگىن ىلگەرىلەتەدى ءارى ءار جاقپەن ”ءبىر بەلدەۋ، ءبىر جولدى“ بىرگە قۇرۋ نىساندارى مەن ادامداردىڭ حاۋىپسىزدىگىن قامتاماسىز ەتۋدى كۇشەيتەدى.

　　ءتورتىنشى، جاسىل دامۋدى جەبەۋ. جۇڭگو جاسىل نەگىزگى قۇرىلىس، جاسىل ەنەرگيا، جاسىل قاتىناس سياقتى سالالارداعى سەلبەستىكتى ۇزدىكسىز تەرەڭدەتىپ، »”ءبىر بەلدەۋ، ءبىر جول“ جاسىل دامۋ حالىقارالىق وداعىن قولداۋدى كۇشەيتىپ، ”ءبىر بەلدەۋ، ءبىر جول“ جاسىل جاڭالىق اشۋ جينالىسىن ۇزدىكسىز وتكىزىپ، فوتوۆولت كاسىپ سالاسى بويىنشا پىكىرلەسۋ، اۋىس - كۇيىس جاساۋ مەحانيزمىن جانە جاسىل، تومەن كومىرتەكتى ماماندار تورىن قۇرادى. ”ءبىر بەلدەۋ، ءبىر جول“ جاسىل قارجى قوسۋ پرينسيبىن تياناقتاندىرىپ، 2030 - جىلعا بارعاندا ارىپتەس ەلدەرگە 100 مىڭ ادام - رەت باۋلۋ قىزمەتىن ورىستەتەدى.

　　بەسىنشى، عىلىم - تەحنيكادا جاڭالىق جاراتۋدى ىلگەرىلەتۋ. جۇڭگو ”ءبىر بەلدەۋ، ءبىر جول“ عىلىم - تەحنيكادا جاڭالىق اشۋ ارەكەت جوسپارىن ۇزدىكسىز اتقارىپ، تۇڭعىش كەزەكتى ”ءبىر بەلدەۋ، ءبىر جول“ عىلىم - تەحنيكا اۋىس - كۇيىس جينالىسىن وتكىزەدى، الداعى 5 جىلدا ءار جاقپەن بىرگە قۇرعان بىرلەسكەن تاجىريبەحانالاردى 100 گە كەڭەيتىپ، ءار ەل جاس عالىمدارىنىڭ جۇڭگوعا كەلىپ قىسقا مەرزىمدىك قىزمەت ىستەۋىن قولدايدى. جۇڭگو وسى كەزەكتى تالقى مىنبەرىندە دۇنيە جۇزىلىك جاساندى زەردەنى جونگە سالۋ باستاماسىن العا قويادى، ءار ەلمەن اۋىس - كۇيىس پەن تىلدەسۋدى كۇشەيتىپ، دۇنيە جۇزىلىك جاساندى زەردەنىڭ اقاۋسىز، ءتارتىپتى، حاۋىپسىز دامۋىن بىرگە جەبەۋدى قالايدى.

　　التىنشى، حالىقتىق بارىس - كەلىستى قولداۋ. جۇڭگو ”لياڭجوۋ تالقى مىنبەرىن“وتكىزىپ، ”ءبىر بەلدەۋ، ءبىر جولدى“ بىرگە قۇرۋشى ەلدەرمەن وركەنيەتتەر تىلدەسۋىن تەرەڭدەتەدى. جىبەك جولى حالىقارالىق تەاترحاناسى، كوركەمونەر مەرەكەسى، مۇراجاي، اسەمونەر سارايى، كىتاپحانا وداعى نەگىزىندە جىبەك جولى ساياحات قالالارى وداعى قۇرادى. ”جىبەك جولى“ جۇڭگو ۇكىمەتىنىڭ وقۋ سيلىق اقشاسى نىسانى ءۇرتىس اتقارىلادى.

　　جەتىنشى، پاكتىك جولىن سالۋ. جۇڭگو سەلبەستىك سەرىكتەرىمەن بىرگە «”ءبىر بەلدەۋ، ءبىر جول“ پاكتىك قۇرىلىسىنىڭ ونىمدىلىگى جانە بولجامىن» جاريالاپ، «”ءبىر بەلدەۋ، ءبىر جول“ پاكتىك قۇرىلىسىنىڭ جوعارى دارەجەلى پرينسيبىن» العا قويىپ، ”ءبىر بەلدەۋ، ءبىر جول“ كاسىپورىندارىنىڭ پاك، ەرەجەگە ۇيلەسىمدى باعالاۋ جۇيەسىن ورناتىپ، حالىقارالىق ۇيىمدارمەن سەلبەسىپ، ”ءبىر بەلدەۋ، ءبىر جول“ پاكتىك زەرتتەۋىن جانە باۋلۋىن ورىستەتەدى.

　　سەگىزىنشى، ”ءبىر بەلدەۋ، ءبىر جول“ حالىقارالىق سەلبەستىك مەحانيزمىن كەمەلدەندىرۋ. جۇڭگو ”ءبىر بەلدەۋ، ءبىر جولدى“ بىرگە قۇرۋشى ەلدەرمەن ەنەرگيا، سالىق، فينانس، جاسىل دامۋ، اپات زيانىن ازايتۋ، شىرىكتەسۋگە قارسى تۇرۋ، اقىل - پاراسات قويماسى، اقپارات قۇرالدارى، مادەنيەت سياقتى سالالارداعى كوپ جاقتى سەلبەستىك تۇعىرى قۇرىلىسىن كۇشەيتەدى. ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن ۇزدىكسىز وتكىزدى ءارى جوعارى دارەجەلىلەر تالقى مىنبەرىنىڭ حاتشىلار باسقارماسىن قۇرادى.

　　شي جينپيڭ سوڭىندا بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ جۇڭگودان باستاۋ العان، جەتىستىك پەن وراي دۇنيە جۇزىنە ءتان. ءبىز حالىقتىڭ ءۇمىتىن ەستە بەرىك ساقتاپ، تاريحتىڭ اۋىر جۇگىن باتىلدىقپەن ارقالاپ، ءداۋىر اۋقىمىن ءداپ باسىپ يگەرىپ، بۇرىنعىعا مۇراگەر بولىپ، كەيىنگىگە جول اشىپ، ەرلىكپەن العا باسىپ، ”ءبىر بەلدەۋ، ءبىر جول“ حالىقارالىق سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم ساپالى، اناعۇرلىم جوعارى دەڭگەيدەگى جاڭا دامۋىن قارسى الىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋدى ىلگەرىلەتىپ، اشىق، سيىسىمدى، ۇلاسقان، تۇتاسقان، بىرگە داميتىن دۇنيە ءجۇزىن قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك!

　　ارگەنتينانىڭ زۇڭتۇڭى فەرناندەس، چيليدىڭ زۇڭتۇڭى بوريچ، كونگو رەسپۋبليكاسىنىڭ زۇڭتۇڭى ساسۋ، يندونەزيانىڭ زۇڭتۇڭى جوكو، قازاقستاننىڭ زۇڭتۇڭى توقايەۆ، كەنيانىڭ زۇڭتۇڭى رۋتو، لاوستىڭ مەملەكەت ءتوراعاسى تۇڭلۇن، موڭعۇليانىڭ زۇڭتۇڭى حورەلسۋح، رەسەيدىڭ زۇڭتۇڭى پۋتين، سەربيانىڭ زۇڭتۇڭى ۋچيچ، شريلانكانىڭ زۇڭتۇڭى ۆيكراماسينحا، تۇركىمەنستان ۇلت كوسەمى، حالىقتىق كوميتەتىنىڭ ءتوراعاسى بەردىمۇحامەتوۆ، وزبەكستاننىڭ زۇڭتۇڭى ميرزيويەۆ، ۆيەتنامنىڭ مەملەكەت ءتوراعاسى ۋ ۋىنشاڭ، كامبودجانىڭ باس ءۋازىرى حۇڭماناي، ەگيپەتتىڭ زۇڭليى مادبۋلي، ەفيوپيانىڭ زۇڭليى ابي، ۆەنگريانىڭ زۇڭليى وربان، موزامبيكتىڭ زۇڭليى مالاياني، پاكيستاننىڭ زۇڭليى كاكار، پاپۋا - جاڭا گۆينەيانىڭ زۇڭليى ماراپە، تايلاندتىڭ زۇڭليى سرەتحا، نيگەريا زۇڭتۇڭىنىڭ ورىنباسارى شەتتيما، اراب بىرىككەن امىرلىگى زۇڭتۇڭىنىڭ ەرەكشە ۋاكىلى، حامما ءمۇيىسى امىرلىگىنىڭ ءامىرى كاسيمي، فرانسيا زۇڭتۇڭنىڭ ەرەكشە ۋاكىلى، بۇرىنعى زۇڭلي راففارين، گرەتسيا زۇڭليىنىڭ جوعارى دارەجەلى ۋاكىلى، دامۋ مينيسترلىگىنىڭ مينيسترى سكراكاس قاتارلى 20 نەشە ەلدىڭ مەملەكەت باسشىلارى، ۇكىمەت باسشىلارى، جوعارى دارەجەلى ۋاكىلدەرى، سونداي - اق بىرلەسكەن مەملەكەتتەر ۇيىمىنىڭ باس حاتشىسى گۋتتەرەس، جاڭا كوركەيتۋ بانكەسىنىڭ باستىعى روسەف قاتارلى حالىقارالىق ۇيىمداردىڭ جاۋاپتىلارى اشىلۋ سالتىنا قاتىناستى.

　　پۋتين، توقايەۆ، جوكو، فەرناندەس، ابي، گۋتتەرەس تە اشىلۋ سالتىندا ءسوز سويلەدى.

　　ديڭ شۋەشياڭ اشىلۋ سالتىن باسقاردى.

　　ساي چي، ۋاڭ ي، يىن لي، حى ليفىڭ، ۋاڭ شياۋحۇڭ قاتارلىلار قاتىناستى.

　　كەلۋ قاينارى: حالىق تورابى

10 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «اشىق، سيىسىمدى، ۇلاسقان، تۇتاسقان، بىرگە داميتىن دۇنيە ءجۇزىن قۇرايىق» دەگەن تاقىرىپتا ارقاۋ ءسوز سويلەدى. سۋرەتتە: ماجىلىستەن بۇرىن شي جينپيڭ جوعارى دارەجەلىلەر تالقى مىنبەرىنە قاتىناسقان شەتەل مەملەكەت باسشىلارى، ۇكىمەت باسشىلارى جانە حالىقارالىق ۇيىمداردىڭ جاۋاپتىلارى قاتارلى حالىقارالىق سيلى قوناقتارمەن توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved