جۇڭگو حالىق بانكەسى حالىق اقشاسىن ناق اقشا فورماسىندا قابىلداۋدان باس تارتۋدى ارناۋلى جونگە سالۋ قىزمەتى جونىندە اتتانىسقا كەلتىرۋ ءماجىلىسىن اشتى
2023.10.27 15:21 كەلۋ قاينارى : حالىق تورابى
2023 - جىلى 10 - ايدىڭ 25 - كۇنى جۇڭگو حالىق بانكەسى حالىق اقشاسىن ناق اقشا فورماسىندا قابىلداۋدان باس تارتۋدى ارناۋلى جونگە سالۋ قىزمەتى جونىندە اتتانىسقا كەلتىرۋ ءماجىلىسىن اشتى، جۇڭگو حالىق بانكەسى پارتكومىنىڭ مۇشەسى، ورىنباسار بانكەس باستىعى جاڭ چيڭسۇڭ ماجىلىسكە قاتىناستى ءارى ءسوز سويلەدى. ماجىلىستە مىنانى اتاپ كورسەتتى: ناق اقشا فورماسىنداعى حالىق اقشاسى — مەملەكەتتىڭ زاڭدا بەلگىلەگەن ۆاليۋتاسى، ەڭ نەگىزگى، ەڭ ءتۇبىرلى تولەۋ قۇرالى، كوپ نەگىزدى تولەۋ شارت - جاعدايىندا جۇرتشىلىقتىڭ تولەۋ قاجەتىن قامتاماسىزداندىرۋدا ايرىقشا ماڭىزدى، وتە - موتە، شۇعىل جاعدايلارعا، جاراتىلىستىق اپاتتارعا جولىققان كەزدە نەگىزدىك قامتاماسىزداندىرۋ رولىن اتقارادى. ناق اقشانىڭ اينالىمعا ءتۇسۋ ورتاسىن جاقسارتۋ، ناق اقشا جاعىندا قىزمەت وتەۋ ورەسىن جوعارىلاتۋ فينانس قىزمەتىنىڭ ساياسي سيپاتىن، حالىقتىق سيپاتىن امالياتتا ايگىلەپ، ناقتى تۇلعالى ەكونوميكاعا قىزمەت وتەۋدىڭ ماڭىزدى بەينەسى سانالادى.
2018 - جىلدان باستاپ، جۇڭگو حالىق بانكەسى ناق اقشانى الۋدان باس تارتۋدى جونگە سالۋ ارەكەتىن باستاماشىلدىقپەن ورىستەتىپ، ناق اقشانى الۋدان باس تارتۋدى جونگە سالۋ جاعىنداعى كەڭەسۋ مەحانيزمىن (تومەندە قىسقارتىلىپ كەڭەسۋ مەحانيزمى دەپ اتالادى) ورناتىپ، ساياساتتىق ولشەمىن ايقىنداپ، ۇگىتتەۋ مەن جەتەكشىلىك ەتۋدى كۇشەيتىپ، ناق اقشانى الۋدان باس تارتقانداردى زاڭ بويىنشا جازالاپ، بەلگىلى ونىمدىلىككە قول جەتكىزدى. قازىر ناق اقشانى الۋدان باس تارتۋدى جونگە سالۋ قىزمەتى جاڭا اۋقىمعا، جاڭا جاعدايعا ءدوپ كەلۋدە، قىزمەت تەبىنىن اناعۇرلىم ارتتىرۋ، جان - جاقتى جونگە سالۋدى ۇدايىلانعان فورمادا ورىستەتۋ قاجەت. ماجىلىستە مىنالاردى تالاپ ەتتى: 2023 - جىلى 10 - ايدان باستاپ، كەڭەسۋ مەحانيزمىنە مۇشە ورىندار ناق اقشا الۋدان باس تارتۋدى جونگە سالۋ ارەكەتىن جارىم جىلدىق مەرزىم بويىنشا بىرلەسىپ ورىستەتۋ كەرەك.
مۇشە ورىندار مەن قاتىستى ورىندار حالىق تۇرمىسىنا، ءتۇيىندى سالالارعا نازاردى شوعىرلاندىرىپ، تىعىز سايكەسىپ، جالپى بەتتىك اداقتاۋ، زاڭ بويىنشا جازالاۋ، ەسكەرتۋ بەرىپ، اشىق جاريالاۋ، ۇگىت جۇرگىزىپ، جەتەكشىلىك ەتۋ قاتارلى ءتۇرلى قىزمەتتەردى ويداعىداي ىستەپ، ارناۋلى جونگە سالۋ قىزمەتىن پارمەندى دە ءونىمدى جۇگىزۋى، بۇكىل قوعامدا ناق اقشانى قابىلداۋدان باس تارتۋ زاڭعا قايشى دەگەن ورتاق تانىمدى اناعۇرلىم بەكەمدەپ، جۇرتشىلىقتىڭ ناق اقشانى قولدانۋىنىڭ قولايلىلىق دارەجەسىن جوعارىلاتۋى كەرەك.
كەڭەسۋ مەحانيزمىنىڭ مۇشەلەرى مەن قاتىستى ورىندارداعى جاۋاپتى جولداستار، جۇڭگو حالىق بانكەسىنىڭ ايماق دارەجەلى قالالاردان جوعارعى دارەجەدەگى بولىمشە بانكەلەرىندەگى قاتىستى جاۋاپتى جولداستار، بانكە سالاسىنداعى فينانس قۇرىلىمدارىنىڭ ناق اقشانىڭ اينالىمىنا قاتىستى تاراۋلارىنداعى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
