حالىقارالىق فۋتبول بىرلەستىگىنىڭ تىزىمدىگىندە ارگەنتينا كومانداسى تاعى دا ءبىرىنشى ورىنعا يە بولدى
جۇڭگو ەرلەر فۋتبول كومانداسى ءبىر ورىن جوعارىلادى
2023.10.27 15:26 كەلۋ قاينارى : حالىق تورابى
حالىقارالىق فۋتبول بىرلەستىگىنىڭ رەسمي تورابىنان قيىپ الىنعان سۋرەت
شينحۋا اگەنتتىگىنىڭ ءتىلشىسى دان لەي 10 - ايدىڭ 26 - كۇنى جەنەۆادان حابارلايدى. حالىقارالىق فۋتبول بىرلەستىگى 10 - ايدىڭ 26 - كۇنى دۇنيە جۇزىندەگى ەرلەر فۋتبول كوماندالارىنىڭ ەڭ جاڭا تىزىمدىگىن جاريالادى، جۋىردا دۇنيە جۇزىندە كوپ رەت حالىقارالىق جارىس وتكىزىلگەن بولسا دا، الەم چەمپيوناتىندا اعا جۇلدەگەر بولعان ارگەنتينا كومانداسىنىڭ ورنى ەشقانداي وزگەرىسكە ۇشىرامادى.
جۇڭگو كومانداسى وسى ايدا ەكى رەت جولداستىق كەزدەسۋ وتكىزىپ، 2:0 ۇپايمەن ۆيەتنام كومانداسىن جەڭىپ، 1:2 ۇپايمەن وزبەكستان كومانداسىنان جەڭىلىپ، تىزىمدىكتە ءبىر ساتى جوعارىلادى، قازىر تىزىمدىكتىڭ 79 - ورنىندا تۇر. ازيا فۋتبول بىرلەستىگىنىڭ قاراماعىنداعى فۋتبول كوماندالارىنىڭ ىشىندە جاپونيا، يران، كورەيا، اۆستراليا قاتارلى كوماندالار ءالى دە الدىڭعى ورىندا تۇر.
ارگەنتينا كومانداسى 1861.29 نومىرمەن ءبىرىنشى ورىنعا يە بولىپ، ەكىنشى ورىنداعى فرانسيا كومانداسىنان 8.18 ءنومىر الدا بولعان. الدىڭعى بەس ورىنداعى كوماندالار وزگەرمەگەن، برازيليا، انگليا جانە بەلگيا كوماندالارى ءۇشىنشى ورىننان بەسىنشى ورىنعا دەيىن جايعاسقان.
10 - ايدا جارىس كوپ بولدى، 2026 - جىلعى الەم چەمپيوناتىنا ىرىكتەۋ جارىسى ءارقايسى قۇرلىقتاردا قىزۋ ورىستەتىلۋدە، قۇرلىقتار ارا جارىستار مەن وڭتۇستىك امەريكاداعى مەملەكەتتەردىڭ بىرلەسپە جارىسى قاتارلى ماڭىزدى جارىستار وتكىزىلۋدە، وسىنىڭ سەبەبىنەن وسى ايدا دۇنيە جۇزىلىك تىزىمدىكتەگى كوماندالار قاتارىندا بەلگىلى دەڭگەيدە وزگەرىستەر بولدى. الدىڭعى وندىقتى ايتساق، پورتۋگاليا كومانداسى سەگىزىنشى ورىننان التىنشى ورىنعا شىقتى، يسپانيا كومانداسى ونىنشى ورىننان سەگىزىنشى ورىنعا ءوتتى، وسىنىڭ الدىندا التىنشى ورىندا تۇرعان حورۆاتيا كومانداسى ونىنشى ورىنعا ءتۇستى. جەتىنشى ورىنداعى گوللانديا مەن توعىزىنشى ورىنداعى يتاليانىڭ ورنى وزگەرمەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
