حاڭجوۋ ازيا مۇگەدەكتەر سپورت جارىسىندا تاماشا جاعداي ۇزدىكسىز جارىققا شىعۋدا
ءارقايسى دەنە تاربيە ۋاكىلدەر ۇيىرمەسىندەگى سپورتشىلار ەرلىكپەن العا ۇمتىلىپ، ازيانىڭ ىنتىماقتاسا ەكپىندەي ىلگەرىلەۋ كۇشىن ۇيىستىردى
2023.10.27 16:29 كەلۋ قاينارى : حالىق تورابى
«حالىق گازەتى»، 10 - ايدىڭ 26 - كۇنى، حاڭجوۋ (تىلشىلەر سۇن لۇڭفەي، لي ياڭ، تاۋ شياڭ – ان). 10 - ايدىڭ 26 - كۇنى − حاڭجوۋ ازيا مۇگەدەكتەر سپورت جارىسى باستالعاننان كەيىنگى ءتورتىنشى جارىس كۇنى. وسى كەزەكتى ازيا مۇگەدەكتەر سپورت جارىسى باستالعاننان بەرى جارىستا تاماشا جاعداي ۇزدىكسىز جارىققا شىقتى، ازياداعى 44 مەملەكەت پەن رايوننان كەلگەن سپورتشىلار جىجياڭ ولكەسىنىڭ حاڭجوۋ قالاسىندا ءومىر ارمانىن قۋىپ، ءوزىن الۋەتتەندىرۋ كەلبەتىن ايگىلەپ، ىنتىماق پەن دوستىقتى بىرگە باياندادى. 10 - ايدىڭ 26 - كۇنى ساعات 22 گە دەيىن حاڭجوۋ ازيا مۇگەدەكتەر سپورت جارىسىندا 359 التىن مەدال، 356 كۇمىس مەدال، 430 قولا مەدال بەرىلىپ، 31 دەنە تاربيە ۋاكىلدەر ۇيىرمەسى مەدال الدى.
جۇڭگو دەنە تاربيە ۋاكىلدەر ۇيىرمەسى وسى كەزەكتى ازيا مۇگەدەكتەر سپورت جارىسىندا تاماشا ناتيجە جاراتتى، سپورتشىلار باتىلدىقپەن سايىس جاريالاپ، وزىنەن اسىپ ءتۇسىپ، تالىقپاي تالپىنۋ، قايسارلىقپەن كۇرەس جاساۋ رۋحىن ايگىلەپ، كورەرمەندەرگە تەرەڭ اسەر قالدىردى. 10 - ايدىڭ 26 - كۇنىنە دەيىن جۇڭگو دەنە تاربيە ۋاكىلدەر ۇيىرمەسى 157 التىن مەدال، 128 كۇمىس مەدال، 108 قولا مەدال الدى.
حاڭجوۋ ازيا مۇگەدەكتەر سپورت جارىسىن ۇيىمداستىرۋ كوميسسياسى 10 - ايدىڭ 26 - كۇنى تۇستەن بۇرىن اقپار جاريالاۋ ءماجىلىسىن اشتى، قاتىستى جاقتاردىڭ جاۋاپتىلارى وسى كەزەكتى ازيا مۇگەدەكتەر سپورت جارىسىنىڭ مۇگەدەكتەر ىستەرىنىڭ دامۋىن ىلگەرىلەتۋ جاعدايىن تانىستىردى. حاڭجوۋ ازيا مۇگەدەكتەر سپورت جارىسىنىڭ دايىندىعى مەن وتكىزىلۋى ەلىمىزدىڭ مۇگەدەكتەر ىستەرىنىڭ دامۋىنا پارمەندى دەم بەردى. سوڭعى 5 جىلدان بەرى جۇڭگونىڭ مۇگەدەكتەر ىستەرىنىڭ دامۋىندا تىڭ تابىستارعا قول جەتىپ، جاڭا بەت - بەينە ايگىلەنىپ، مۇگەدەكتەردىڭ سالاماتتىق دەڭگەيى ونان ارى جوعارىلاپ، مۇگەدەكتەردىڭ تەڭدىك، توعىسۋ، بىرگە يگىلىكتەنۋ نىساناسى اناعۇرلىم ويداعىداي جۇزەگە اسىپ، مۇگەدەكتەردىڭ جان - جاقتى دامۋى اناعۇرلىم بەرىك نەگىزگە يە بولدى.
ءتىلشىنىڭ 10 - ايدىڭ 26 - كۇنى تۇستەن كەيىن اشىلعان حاڭجوۋ ازيا مۇگەدەكتەر سپورت جارىسىنىڭ جابىلۋ سالتىنا دايىندىق كورۋ جاعدايى جونىندەگى اقپارات قۇرالدارىنا قۇلاق قاعىس ەتۋ ماجىلىسىنەن ۇعىسۋىنشا، جابىلۋ سالتى ”ارمانعا قانات قاعىپ، تاعى دا باس قوسۋدى“ نەگىزگى تاقىرىپ ەتىپ، ”ادەپ“، ”اۋەن“، ”سۇيىسپەنشىلىك“ سىندى 3 ءتۇيىندى ءسوزدى ارقاۋ ەتىپ، 3 ويىن كورسەتۋ تاراۋى مەن 3 قىسقا فيلم ارقىلى حاڭجوۋدىڭ ەستەمەلەرىن، جۇڭگونىڭ نيەتىن جانە ازيانىڭ دوستىعىن ايگىلەيدى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
