شي جينپيڭ نيكاراگۋانىڭ زۇڭتۇڭى ورتەگامەن تەلەفوندا سويلەستى
2023.12.21 16:00 كەلۋ قاينارى : حالىق تورابى
شينحۋا اگەنتتىگى، 12 – ايدىڭ 20 – كۇنى، بەيجيڭ. 12 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ نيكاراگۋانىڭ زۇڭتۇڭى ورتەگامەن تەلەفوندا سويلەستى. ەكى ەل مەملەكەت باسشىلارى جۇڭگو مەن نيكاراگۋانىڭ رەسمي ستراتەگيالىق سەرىكتەستىك قارىم - قاتىناس ورناتقانىن جاريالادى.
شي جينپيڭ مىنالاردى اتاپ كورسەتتى: ەكى جىلدىڭ الدىندا ورتەگا زۇڭتۇڭ جانە زۇڭتۇڭنىڭ ورىنباسارى مۋريلو جۇڭگو مەن نيكاراگۋانىڭ ديپلوماتيالىق قارى - قاتىناسىن قالپىنا كەلتىرۋ جونىندە ساياسي شەشىم جاسادى، تاريح سىزدەردىڭ جۇڭگو مەن نيكاراگۋانىڭ قارىم - قاتىناسىنا قوسقان ماڭىزدى ۇلەستەرىڭىزدى ەستەن شىعارمايدى. ديپلوماتيالىق قارىم - قاتىناستى قالپىنا كەلتىرگەن ەكى جىلدان بەرى ەكى جاق ۋاقىت كۇتىپ تۇرمايدى دەيتىن كوكەي تەستىلىك سەزىممەن ەكى ەل قارىم - قاتىناسىنىڭ قارىشتاپ دامۋىن ىلگەرىلەتتى، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ناقتى ىستەر سەلبەستىگى جاپپاي كەڭەيدى ءارى بەلسەندى ىلگەرىلەۋشىلىككە قول جەتكىزدى. مەن ورتەگا زۇڭتۇڭمەن بىرگە بۇگىن جاريالاعان جۇڭگو مەن نيكاراگۋانىڭ ستراتەگيالىق سەرىكتەستىك قارىم - قاتىناسىن جاڭا باستاما ەتىپ، جۇڭگو - نيكاراگۋا قارىم - قاتىناسىنىڭ ۇزدىكسىز تىڭ جەتىستىكتەرگە قول جەتكىزۋىن جەبەپ، ىنتىماقتاسا سەلبەسۋدىڭ، ءوزارا پايدا جەتكىزىپ، تەڭ يگىلىككە كەنەلۋدىڭ ۇلگىسىن قالىپتاستىرۋدى قالايمىن.
شي جينپيڭ بىلاي دەپ دارىپتەدى: جۇڭگو نيكاراگۋانىڭ ءبىر جۇڭگو پرينسيبىندە تاباندى بولعانىن، جۇڭگونىڭ يەلىك ۇقىعى مەن تەرريتوريا تۇتاستىعىن تالاي رەت اشىق قولداعانىن ايرىقشا القايدى. جۇڭگو جاق نيكاراگۋانىڭ سەنىمدى دوسى بولۋدى قالايدى، نيكاراگۋانىڭ مەملەكەتتىڭ تاۋەلسىزدىگى مەن ۇلتتىڭ ار - نامىسىن قورعاۋىن ۇزدىكسىز باتىل قولداپ، سىرتقى كۇشتەردىڭ نيكاراگۋانىڭ ىشكى ىسىنە كيلىگۋىنە قارسى تۇرادى. جۇڭگو جاق نيكاراگۋامەن ەل باسقارۋ، كەدەيلىكتەن ارىلتۋ سياقتى جاقتارداعى تاجىريبە اۋىس - كۇيىسىن كۇشەيتۋدى قالايدى. مەن 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلى تالقى مىنبەرىندە جۇڭگو جاقتىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋ جونىندەگى 8 ءتۇرلى ارەكەتىن العا قويدىم، نيكاراگۋا جاقتىڭ وسى ارەكەتتەرمەن بەلسەنە ۇشتاسۋىن قارسى الامىز. جۇڭگو - نيكاراگۋا ەركىن ساۋدا كەلىسىمى كەلەر جىلى 1 - ايدىڭ 1 - كۇنى رەسمي كۇشكە يە بولادى، بۇل − ەكى ەلدىڭ بەلەستىك مانگە يە سەلبەستىك تابىسى، ەكى جاق وسىنى وراي ەتىپ، ەكى جاقتى ساۋدانىڭ كولەمى مەن دەڭگەيىن ۇزدىكسىز جوعارىلاتۋى كەرەك. جۇڭگو جاق قۋاتتى جۇڭگو كاسىپورىندارىن نيكاراگۋاعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، نيكاراگۋانىڭ دەربەس دامۋىنا دەم بەرەتىن اناعۇرلىم كوپ سەلبەستىك نىساندارىن ورىستەتىپ، نيكاراگۋا حالقىن اناعۇرلىم كوپ يگىلىككە كەنەلتەدى. جۇڭگو جاق نيكاراگۋانىڭ حالىقارالىق ىستەردە ىنتىماقتاسا سەلبەسۋدى كۇشەيتىپ، زورەكەرلىككە، وكتەمدىك ساياسيعا قارسى تۇرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن قورعاۋدى قالايدى.
ورتەگا مىنانى ءبىلدىردى: ءتوراعا شي جينپيڭنىڭ ەرەن باسشىلىعىندا، جۇڭگو دۇنيە ءجۇزىن جالت قاراتقان دامۋ جەتىستىكتەرىنە قول جەتكىزىپ، نەشە ءجۇز ميلليون جۇڭگو حالقىن كەدەيلىكتەن ءساتتى ارىلتىپ قانا قويماي، دۇنيە ءجۇزىنىڭ بەيبىتشىلىگىن جەبەۋگە، اسىرەسە، ازيا، افريكا، لاتىن امەريكاسى سياقتى وركەندەپ كەلە جاتقان ەلدەر حالىقتارىنىڭ دامۋدان بىرگە يگىلىكتەنۋىنە، ىرىس – قۇتىنىڭ مولايۋىنا كومەكتەسۋگە كەلەلى ۇلەس قوسىپ، دۇنيە جۇزىنە ءۇمىت الا كەلدى ءارى كۇش - قۋات ۇستەدى. نيكاراگۋا مەن جۇڭگونىڭ ديپلوماتيالىق قارىم - قاتىناستى قالپىنا كەلتىرگەنىنىڭ 2 جىلدىعى قارساڭىندا، ءتوراعا شي جينپيڭمەن بىرگە ەكى ەلدىڭ ستراتەگيالىق سەرىكتەستىك قارىم - قاتىناس ورناتاتىنىن جاريالاعانىمىزدى وتە زور ماقتانىش سەزىنەمىن، بۇل، ءسوز جوق، نيكاراگۋا - جۇڭگو قارىم - قاتىناسى تاريحىنداعى ماڭىزدى بەلەسكە اينالادى. نيكاراگۋا جۇڭگونىڭ نيكاراگۋانىڭ يەلىك ۇقىعى مەن تاۋەلسىزدىگىن قورعاۋىنا قولداۋ كورسەتكەنىنە ءارى نيكاراگۋانىڭ ەكونوميكانى دامىتۋىنا، حالىق تۇرمىسىن جاقسارتۋىنا باعالى كومەك كورسەتكەنىنە شىن جۇرەكتەن العىس ايتادى. نيكاراگۋا جاق ۇلى جۇڭگو باۋىرلاستارىمەن اراداعى دوستىق قارىم - قاتىناستى ايرىقشا قاستەرلەيدى، ءبىر جۇڭگو پرينسيبىنەن بۇلجىمايدى، جۇڭگونىڭ بىرلىككە كەلۋ ۇلى ءىسىن قولدايدى، ءتوراعا شي جينپيڭ العا قويعان ”ءبىر بەلدەۋ، ءبىر جولدى“ بىرگە قۇرۋ سياقتى دۇنيە جۇزىلىك سەلبەستىك باستامالارىن قولدايدى. نيكاراگۋا جۇڭگو جاقپەن ەكى جاقتى دوستىق قارىم - قاتىناستى ۇزدىكسىز تەرەڭدەتىپ، كوپ جاقتى سەلبەستىكتى كۇشەيتىپ، سىرتقى كۇشتەردىڭ كيلىگۋىنە جانە وكتەمدىك ساياسي قولدانۋىنا قارسى تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋدى قالايدى.
ورتەگا گانسۋداعى جەر سىلكىنىسىنە بايلانىستى شي جينپيڭگە نيكاراگۋا حالقىنىڭ باۋىرلاستىق حال سۇراۋ سالەمىن جەتكىزدى. شي جينپيڭ بۇعان العىس ايتتى ءارى بىلاي دەپ اتاپ كورسەتتى: جەر سىلكىنگەننەن كەيىن مەن دەرەۋ نۇسقاۋ بەرىپ، ىزدەۋ - قۇتقارۋدى بار كۇشپەن ورىستەتىپ، اپاتقا ۇشىراعان بۇقارانى ۇيلەسىمدى ورنالاستىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن مۇمكىندىكتىڭ بارىنشا قامتاماسىز ەتۋدى تالاپ ەتتىم. جۇڭگو كوممۋنيستىك پارتياسىنىڭ پارمەندى باسشىلىعىندا، بۇكىل ەل حالقىنىڭ ىنتىماقتاسا قۇلشىنۋىندا، جەر سىلكىنىسىنە قارسى تۇرىپ، اپاتتان قۇتقارۋدىڭ جەڭىسىنە، ءسوز جوق، قول جەتكىزەتىنىمىزگە، اپاتقا ۇشىراعان رايونداعى حالىقتىڭ قالىپتى تۇرمىسىن، ءسوز جوق، تەز ارادا قالپىنا كەلتىرىپ، اتا مەكەندى قايتا قۇراتىنىمىزعا سەنەمىن.
ەكى ەل مەملەكەت باسشىلارى تەلەفوندا سويلەسكەننەن كەيىن ەكى جاق «جۇڭحۋا حالىق رەسپۋبليكاسى مەن نيكاراگۋا رەسپۋبليكاسىنىڭ ستراتەگيالىق سەرىكتەستىك قارىم - قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
