جيشىشاندا تۋىلعان 6.2 بال جەر سىلكىنىسىنە نازار
چيڭحاي ولكەسى جەر سىلكىنىسىندە اپاتقا ۇشىراعان قيىنشىلىعى بار وتباسىلارعا ەڭ تومەنگى تۇرمىس دەڭگەيىن قامتاماسىزداندىرۋ قاراجاتى مەن ەرەكشە قيىنشىلىعى بارلاردى باعۋ قاراجاتىن الدىن الا جەتكىلىكتى سومادا تاراتتى
2023.12.21 16:34 كەلۋ قاينارى : شينجياڭ گازەتى
شينحۋا اگەنتتىگىنىڭ ءتىلشىسى جاڭ زىچي 12 - ايدىڭ 21 - كۇنى شينيڭنەن حابارلايدى. جيشىشاندا 6.2 بال جەر سىلكىنىسى تۋىلعان سوڭ، چيڭحاي ولكەسى «جەر سىلكىنىسى اپاتى تۋىلعاننان كەيىنگى قيىنشىلىعى بار بۇقاراعا كومەكتەسۋدى، ولاردى قامتاماسىزداندىرۋدى جانە حالىق ىستەرى جاعىنداعى قىزمەت وتەۋ قۇرىلىمدارىنىڭ حاۋىپسىزدىكتى باسقارۋ قىزمەتىن شىنايى ويداعىداي ىستەۋ جونىندەگى شۇعىل ۇقتىرۋدى» باسىپ تاراتىپ، اپات سەبەبىنەن نەگىزدىك تۇرمىسى قيىنشىلىققا ۇشىراعان وتباسىلاردى ەڭ تومەنگى تۇرمىس دەڭگەيىن قامتاماسىزداندىرۋ جانە ۋاقىتتىق كومەك بەرۋ كولەمىنە ەنگىزدى. ۋاقىتتىق كومەك بەرۋ ءتۇزىمىنىڭ ”شۇعىل جاعدايدان، قيىنشىلىقتان قۇتقارۋ“ رولىن ساۋلەلەندىرىپ، اپاتقا ۇشىراعان قيىنشىلىعى بار وتباسىلارعا 2024 - جىلعى ءبىرىنشى ماۋسىمداعى ەڭ تومەنگى تۇمىس دەڭگەيىن قامتاماسىزداندىرۋ قاراجاتىن جانە ەرەكشە قيىنشىلىعى بارلاردى باعۋ قاراجاتىن الدىن الا، جەتكىلىكتى سومادا تاراتتى.
چيڭحاي ولكەلىك حالىق ىستەرى مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، حالىق ىستەرى سالاسىنداعى قىزمەت وتەۋ وبيەكتىلەرىنىڭ ءومىرى مەن مال - مۇلكىنىڭ حاۋىپسىزدىگىن، حالىق ىستەرى سالاسىنداعى قامتاماسىزداندىرىلاتىن وبيەكتىلەردىڭ تۇرمىسىن، ءتۇرلى حالىق ىستەرى نەگىزدىك قۇرىلعىلارىنىڭ ءبۇلىنۋى جانە قيىنشىلىعى بار بۇقارا وتباسىلارىنىڭ ءۇيىنىڭ ءبۇلىنۋى قاتارلى جاعدايلاردى ءبىر - بىرلەپ تەكسەرۋ ارقىلى جەر سىلكىنىسى اپاتىنا ۇشىراعان وڭىردەگى قازا بولعانداردىڭ وتباسىلارىنا، اپاتقا ۇشىراعان وتباسىلارعا قاتىستى ولشەم بويىنشا كومەك بەرگەن.
ۇعىسۋعا قاراعاندا، وسى رەتكى جەر سىلكىنىسىنە نەگىزىنەن چيڭحاي ولكەسى حايدۇڭ قالاسى حۇيزۋ - تۋجيازۋ اۆتونوميالى اۋدانى، حۋالۇڭ حۇيزۋ اۆتونوميالى اۋدانى، شۇنحۋا سالار ۇلتى اۆتونوميالى اۋدانى قاتارلى 3 اۋدانداعى 46 اۋىل - قالاشىقتاعى 419 اكىمشىلىك قىستاق ىقپالعا ۇشىراعان.
چيڭحاي ولكەلىك حالىق ىستەرى مەڭگەرمەسى مەن حايدۇڭ قالاسى، سونداي - اق، اپاتقا ۇشىراعان 3 اۋدانداعى حالىق ىستەرى تاراۋلارى قوعامدىق قامقورلىق ورتالىقتارى، قارتتاردى كۇتىمدەۋ ورىندارى، بالالارعا ارنالعان قامقورلىق ورىندارى قاتارلى حالىق ىستەرى جاعىندا قىزمەت وتەۋ قۇرىلىمدارىنا قابىلدانعان ادامدارعا دەر كەزىندە ءبىر - بىرلەپ تەكسەرۋ جۇرگىزىپ، شۇعىل كوشىرگەن، چيڭحاي ولكەلىك تۇرعىن ءۇي قۇرىلىسى تاراۋلارى گەولوگيالىق اپات تۋىلۋىنداعى كومەسكى حاۋىپ - قاتەر جونىندە، حالىق ىستەرى سالاسىندا قىزمەت وتەۋ قۇرىلىمدارىنا قابىلداۋداعى حاۋپتەرگە ساراپتاۋ جۇرگىزىپ، حاۋىپسىزدىكتى قورعاۋ جانە ساقتىق شارالارىن ويداعىداي ىستەگەن. قازىر، العاشقى توپتا جەتىم - جەسىرلەردەن 720 ادامدى، باس - كوز بولاتىن ادامى جوق بالالاردان 724 بالانى ءبىر - بىرلەپ انىقتاعان ءارى قاتىستى كومەكتەسۋ ساياساتىن تياناقتاندىرىپ، قاجەتتى تۇرمىستىق زاتتارمەن قامداپ، نەگىزدىك تۇرمىسىنا قامقورلىق جاساۋ جانە پسيحولوگيالىق جاقتان جۇباتۋ قاتارلى قىزمەتتەردى ورىنداعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
