” ءاربىر قاراپايىم جان تۇگەل ەرەكشە ۇلەس قوستى“ (حالىق تالقى مىنبەسى)
لي حاۋحۋان
2024.01.02 16:22 كەلۋ قاينارى : حالىق تورابى
جاڭا جىل باستالىپ، بارشا تىرشىلىك جاڭاردى. 2023 ـ جىلعا قوش ايتىپ، 2024 ـ جىلعا قادام باسىپ، ءبىز تاريح بارىسىندا تاعى دا العا باسۋ كوورديناتاسىن جازدىق.
تاۋ - وزەندەر كۋا بولىپ، جىلدار ءوز تاڭباسىن باسۋدا. وتباسى مەن مەملەكەتتى كۇزەتۋ، كۇرەس جۇرگىزۋ جولىندا، ءاربىر ادام وڭاي بولعان جوق، ءاربىر ادام كەرەمەت. 2024 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ بىلاي دەپ اتاپ كورسەتتى: ”قاجىرلىلىقپەن ەڭبەك ەتكەن شارۋالار، مۇقالماس تاباندى جۇمىسشىلار، ەرلىكپەن اتويلاعان شارۋاشىلىق قۇرۋشىلار، وتباسى - وتانىن قورعاعان پەرزەنت اسكەرلەر، ءار سالا، ءار كاسىپتەگى ادامداردىڭ ءبار - ءبارى تەر توگىپ جاپالى ىستەۋدە، ءاربىر قاراپايىم جان تۇگەل ەرەكشە ۇلەس قوستى!“.
ءىستىڭ بارىسى قيىن ەمەس. سولتۇستىك جۇڭگو رايونىندا نوسەر، تاسقىن اپاتى تۋىلعان كەزدە، بوگەلىپ قالعان K396 كەزەكشى پويەزىندەگى قىزمەتكەرلەر، جولاۋشىلار، قۇتقارۋ قىزمەتكەرلەرى ءبىر نيەتپەن ىنتىماقتاسىپ، تىنىشتىقتى بىرگە قورعادى؛ چىڭدۋ ستۋدەنتتەر سپورت جارىسى، حاڭجوۋ ازيا سپورت جارىسى جارىس الاڭىندا دەنە تاربيە ساڭلاقتارى ۇزدىك بولۋعا تالپىنىپ، ەرلىكپەن تاماشا ناتيجە جاراتتى؛ قالىڭ جاڭبىر، قار، كۇشتى سۋىق اۋا رايى كەلگەندە، كادرلار مەن بۇقارا قيىنشىلىقتان تايسالماي العا ۇمتىلىپ، ءىس ـ ارەكەتى ارقىلى قاقاعان ايازدى سەيىلتتى؛ جيشىشان اۋدانىندا 6.2 بال جەر سىلكىنگەننەن كەيىن حالىقتىڭ پەرزەنت اسكەرلەرى، شۇعىل جاعدايعا توتەپ بەرۋ، قۇتقارۋ قىزمەتكەرلەرى، ەرىكتىلەر شار تاراپتان كومەككە كەلدى... ەندى عانا وتكەن ءبىر جىلعا قايىرىلا قاراساق، داعدارىس شەشىلىپ، قيىن وتكەلدەن ءوتىپ، وزگەرىسكە توتەپ بەرىپ، قاراپايىم ادامدار ەرەكشە كۇش توپتاپ، ەڭ كوپ اسەر بەردى.
جەڭىس پەن جەڭىلىستىڭ جورىعى رۋحاني جاقتان الدىمەن كورىنەدى. قاراعاي، بامبۇك، ورىك اعاشتارىن جۇڭگولىقتار ”سۋىق اعىستاعى ءۇش دوس“ دەپ ماقتايدى، ويتكەنى ولاردا سىرتقى تۇلعاعا اينالعان بەرىك قاسيەت تە، ىشكى جاقتا قامتىلعان قايسار رۋح تا بار. قولى كەم انا حان دان ءبىر جاعىنان بالا باعىپ، ءبىر جاعىنان شارۋاشىلىق قۇرىپ، قىسقا كەسكىن تۇعىرىنداعى جانكۇيەرى ءبىر ميلليوننان اسىپ، ءوزىن الۋەتتەندىرۋ ءومىرىن ۇمىتپەن جازدى. مۇگەدەك تە قايسار ”ورىندىقتاعى ۇل بالا“ فاڭ يۇيشياڭ تەڭگەرگىش اۆتوموبيلدەن پايدالانىپ اسكەري جاتتىعۋعا قاتىناستى، ”مەن قاتاردان قالمادىم“ دەگەن ءبىر اۋىز ءسوز كوپتەگەن توراپتاستى اسەرلەندىردى. ”تابيعات تىنباي جاڭارىپ وتىرادى، ارداگەرلەر تالىقپاي تالپىنۋدا“، تولسۋ، ىسكەر بولۋ − ءبىزدىڭ ۇلت رۋحىمىزدىڭ شوعىرلى بەينەلەنۋى. ۇزاق جورىقتا بەرىك مۇرات ـ سەنىم، قاجىماي ـ تالماي كۇرەس جۇرگىزۋ رۋحى بولسا بولعانى، ءاربىر قاراپايىم ءىستى تىڭعىلىقتى ىستەگەندە عانا، بارلىق قاراپايىم جان وزگەشە ومىرگە قول جەتكىزە الادى، بارلىق قاراپايىم قىزمەت وزگەشە تابىستارعا قول جەتكىزە الادى.
قاراپايىمدىلىقتان ۇلىلىق تۋادى، قاھارماندار حالىقتان كەلەدى. مەملەكەتتىڭ گۇلدەنىپ - كوركەيۋى مەن قۇدىرەتتەنۋى ءاربىر ادامنىڭ ەرلىكپەن ۇلەس قوسۋىنان ايرىلا المايدى. شىكۋمىننان تيان – انمىنعا دەيىن، كاسىپ اشۋ جولىنان گۇلدەنۋ جولىنا دەيىن، ءبىز بارلىق ۇلى تابىستاردى پارتيا مەن حالىق بىرگە كۇرەس جۇرگىزىپ، ىستەپ، كۇرەس جاساپ جاراتقانىن ەستەن شىعارماۋىمىز كەرەك. استىق وندىرىسىندە قاتارىنان 20 جىل مول ءونىم الۋدىڭ استارىندا ءاربىر شارۋرا مەن قىرۋار جاڭا شارۋانىڭ ءۇمىت تۇقىمىن سەبۋگە پەيىل بولىپ، جۇڭگونىڭ ازىق - تۇلىگىن كۇش بىرىكتىرە مىقتى ۇستاعانى جاتىر؛ ەلىمىزدە وندىرىلگەن تۇڭعىش ءىرى تۇرپاتتى پوچتا كەمەسىن ات قويىپ تاپسىرۋدىڭ استارىندا وعان قاتىناسقان ءاربىر جۇمىسشى ۇستازدىڭ شەبەرلەر رۋحىنا مۇراگەرلىك ەتىپ، ءىرى ەل شەبەرلەرى بولۋعا تالپىنىپ، كەمەلدەندىرە ءتۇسىپ، باتىلدىقپەن قامال الىپ، ماڭداي الدى ورىنعا شىعۋى جاتىر؛ ”القىمداعان“ تەحنيكالىق قيىن تۇيىندەردەن قامال الۋدىڭ استارىندا عىلمي زەرتتەۋ اتويشىلارىنىڭ ەرلىكپەن شىڭعا شىعۋ جىگەرى، ۋاقىتتان ۇتىپ تالىقپاي تالپىنۋى جاتىر... سانسىزداعان ”ءاربىر“ ءبىر ميلليارد 400 ميلليوننان استام ادامنىڭ ەكپىندەي ىلگەرىلەۋ بەينەسىن قالىپتاستىرىپ، العا ۇمتىلعان جۇڭگونىڭ ايبىندى كارتيناسىن سالدى. تاريح پەن رەالدىق حالىقتىڭ ماڭگى ءبىزدىڭ بارلىق قيىنشىلىق پەن سىن ـ سايىستى جەڭۋىمىزدىڭ ەڭ ۇلكەن سۇيەنىشى ەكەنىن تولىق دالەلدەدى.
”مەن ناعىز قاھارمان ەمەسپىن، مەن تەك وسى ءىستى عانا ىستەدىم“ دەدى كوپىردەن سەكىرىپ ءتۇسىپ، جەڭىلتەك قىزدى ەرلىكپەن قۇتقارعان جىجياڭدىق تاماق جەتكىزۋشى جىگىت پىڭ چيڭلين. ءىس جۇزىندە ارمانعا قۇلاش سەرمەۋ ساپارىندا بارلىق ادام ”ناعىز قاھارمان“. ءاربىر قاراپايىم ادام قاراپايىم قىزمەت ورنىن تياناق ەتىپ، اركىم ءوز جاۋاپكەرلىگىن ادا ەتىپ، قاجىرلىلىقپەن ناقتى ىستەپ، بار كۇشىن سالعاندا عانا، العان بەتىنەن قايتپايتىن، مىزعىماس قۇدىرەتتى كۇش قالىپتاستىرا الادى. بەلگىلى ماعىنادان الىپ ايتقاندا، ءاربىر ادام ءوزىنىڭ كۇرەسى ارقىلى تاماشا تۇرمىس كەشىرۋى − جۇڭگو ەكونوميكاسىنىڭ ەڭ زور كومەسكى كۇشىنىڭ قاينارى؛ ءاربىر ادام ءوزىنىڭ جارىس جولىندا قۇلشىنا العا ۇمتىلۋى − جۇڭگو قوعامىنىڭ باستان - اياق ومىرشەڭدىك كۇشكە يە بولۋىنىڭ قاينارى. تاريحتىڭ وزەن ـ داريالارى جوڭكىلە اعىپ، ءتىپتى دە ايبىندانا تۇسۋدە. بولاشاققا كوز جىبەرسەك، تار جول، تايعاق كەشۋلەردەن ءوتىپ، نەعۇرلىم قيىن ـ قىستاۋ بولعان سايىن سولعۇرلىم العا باسامىز، اناعۇرلىم شۇعىلالى تابىستار ءبىزدىڭ جاراتۋىمىزدى كۇتۋدە.
جاڭا جىلدا جاڭا بەينە جارىققا شىعۋى كەرەك. ارمانعا قاراي ۇزدىكسىز العا باسىپ، سانسىز كۇرەسكەرلەر ءوزىن قايراتتاندىرادى. العا باسۋ جولىندا جەل دە، جاڭبىر دا بولۋ قالىپتى جاعداي، بوران ـ شاشىنعا بوگەلمەيتىن اسقاق جىگەر بولۋ كەرەك. سەنىمدى بەكەمدەپ، جۇدىرىقتاي جۇمىلىپ، ەرلىكپەن العا ۇمتىلىپ، بوساڭسىماساق بولعانى، اناعۇرلىم تاماشا تۇرمىستى جۇزەگە اسىرۋا العا باسۋ قادامىمىزدى بوگەي الاتىن ەشقانداي كۇش جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
