اۋىل شارۋاشىلىعى، اۋىل - قىستاق مينيسترلىگى: ءتۇرلى اۋىل شارۋاشىلىق تيجارات تۇلعالارىنىڭ ساۋدا ورتاسى ۇزدىكسىز ساپالىلاندى
2024.01.02 16:23 كەلۋ قاينارى : حالىق تورابى
«حالىق گازەتى»، 1 - ايدىڭ 1 – كۇنى، بەيجيڭ (ءتىلشى يۇي جيڭشيان). تاياۋ جىلداردان بەرى اۋىل شارۋاشىلىعى، اۋىل – قىستاق مينيسترلىگى نازاردى ماڭىزدى تۇيىنگە شوعىرلاندىرىپ، ناقتى شارالاردى تياناقتاندىرىپ، اكىمشىلىك قىزمەت وتەۋ ورەسىن ۇزدىكسىز جوعارىلاتىپ، ءتۇرلى تيجارات تۇلعالارىنىڭ اۋىل – قىستاقتى گۇلدەندىرۋ جانە اۋىل شارۋاشىلىعىندا قۇدىرەتتى ەل بولۋ قۇرىلىسىنا ات سالىسۋىنا تاماشا قارجى قوسۋ، شارۋاشىلىق قۇرۋ ورتاسىن جاراتتى.
تەكسەرىپ بەكىتۋ ءتۇزىمى رەفورماسى ىشكەرىلەي ىلگەرىلەتىلدى. اكىمشىلىك رۇقسات بەرۋ ىستەرى ۇزدىكسىز ىقشامدالدى، مينيستر دارەجەسىندە اتقارىلاتىن ىستەر جيىنى %50 كە جۋىق ىقشامدالدى، جەرگىلىكتى ورىندار اتقاراتىن ىستەر %30 كە دەيىن كۇشىنەن قالدىرىلدى جانە رەتتەلدى، كاسىپورىندارعا ساياتىن تيجارات رۇقساتى ىستەرىندە ”تيجارات كۋالىگى مەن رۇقسات كۋالىگىن ايىرۋ“ رەفورماسى جاپپاي قامتىلعان تىزىمدىك بويىنشا باسقارۋ جۇزەگە اسىرىلدى، 97 ءتۇرلى دالەلدەۋ ىستەرىندە حابارلاندىرۋ، ۋادە بەرۋ ءتۇزىمى اتقارىلدى. ”ماتەريالداردى ازايتۋ، بۋىنداردى ازايتۋ، ۋاقىت شەگىن قىسقارتۋ، تەكسەرىپ بەكىتۋ، قىزمەت وتەۋدى ساپالىلاندىرۋ“ قيمىلىن ىشكەرىلەي ورىستەتىپ، ەگىس دارىلەرىن تىزىمگە الۋ ينفورماتسياشىلارى، مال دارىلەرى اكىمشىلىك رۇقساتى بايلانىسشىلارى ءتۇزىمىن ورناتىپ، كاسىپورىنداردىڭ وزىندىك قۇنىن تومەندەتىپ، قولايلىلىعىن شىنايى ارتتىردى. قازىر رۇقسات ەتىلگەن ىستەردىڭ بارلىعىن ”جەلىدە بىتىرۋگە بولادى“، %50 ىندە تۇتاس بارىستى ەلەكترونداندىرۋدى جۇزەگە اسىردى.
كاپيتالعا قارجى قوسۋ ارناسى ۇزدىكسىز ىركىلىسسىزدەندىرىلدى. جىلدىق قوعامدىق كاپيتالدىڭ اۋىل شارۋاشىلىعىنا، اۋىل - قىستاققا قارجى قوسۋىنا جەتەكشىلىك ەتۋ ءارى جەرگىلىكتى ورىنداردىڭ دايەكتى تياناقتاندىرۋىنا جەتەكشىلىك ەتىپ، قوعامدىق كاپيتالدىڭ ءتۇيىندى سالالارعا قارجى قوسۋىن ايقىنداپ، قوعامدىق كاپيتالدىڭ قارجى قوسۋ ومىرشەڭدىك كۇشىن تاسقىنداتىپ، قوعامدىق كاپيتالدىڭ قارجى قوسۋ ارەكەتىن ارناعا ءتۇسىردى.
كاسىپورىنداردىڭ اۋىرتپالىعىن جەڭىلدەتىپ، قيىنشىلىعىن شەشۋگە بارىنشا قولداۋ كورسەتتى. اكىمشىلىك، ءىسورىن سيپاتتى اقى الۋدى ازايتۋ، كەشىرىم ەتۋ ساياساتىن قاتاڭ تياناقتاندىرىپ، حالىقتىق كاسىپورىنداردىڭ، ورتا، شاعىن كاسىپورىنداردىڭ ەسەبىن اداقتاۋ قىزمەتىن ويداعىداي ىستەپ، جاڭادان كەشەۋىلدەتىلگەن قارىز اقشانىڭ تىڭنان ارتۋىنان قاتاڭ ساقتاندى. اۋىل - قىستاق قۇرىلىسى سالاسىنداعى مەردىگەر شاقىرۋدى، مەردىگەرلىككە مالىمدەلۋدى باسقارۋدى كۇشەيتتى. اۋىل شارۋاشىلىعىنىڭ سىرتقا ەسىك اشۋى بەلسەندى تۇردە تەرەڭدەتىلدى. حالىقارالىق تاجىريبەلەردەن ۇلگى الۋ ارقىلى وڭىرلىك اۋىل شارۋاشىلىعىنا قارجى قوسۋ ساۋداسى مەن ابزال كاسىپ شوعىرىنىڭ دامۋى جەبەلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
