بيىلعى جۇمىستاندىرۋعا كومەكتەسۋ ايى قيمىلى باستالدى
جۇمىستانۋى قيىن بولعان ادامدارعا شوعىرلى تۇردە كومەكتەسەدى
2024.01.03 12:56 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ - ي 1 - ايدىڭ 2 - كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن جۇڭگو مۇگەدەكتەر بىرلەستىگى بىرگە ۇيىمداستىرعان 2024 - جىلعى جۇمىستاندىرۋعا كومەكتەسۋ ايى ارناۋلى قيمىلى ەلىمىز كولەمىندە رەسمي باستالعان. قيمىل ”جۇمىستانۋعا كومەكتەسۋ، شىن پەيىلمەن ءوزارا دەم بەرۋ“ تاقىرىبىندا ۇيىمداستىرىلىپ، 2024 - جىلى 1 - ايدا ۇزدىكسىز ورىستەتىلىپ، جۇمىستانۋى قيىن بولعان ادامداردىڭ، قالا - قالاشىقتاعى وتباسىندا جۇمىستانعان ادام جوقتاردىڭ، مۇگەدەك دەپ تىزىمدەلگەن جۇمىسسىز قالۋشىلاردىڭ جۇمىستانۋدى، شارۋاشىلىق قۇرۋدى تەزىرەك ىسكە اسىرۋىنا شوعىرلى كومەكتەسىپ، ولارعا پارتيا مەن ۇكىمەتتىڭ مەيىرى مەن قامقورلىعىن شىنايى سەزىندىرەدى.
تانىستىرۋعا قاراعاندا، قيمىل مەزگىلىندە، جەر - جەر كومەكتەسۋ وبيەكتىلەرىنىڭ وتباسىنا بارىپ حال سۇراۋ، ”مەيىر جەتكىزۋ“ قيمىلىن ورىستەتىپ، كاسىپتىك جەتەكشىلەر قاتارلى كاسىپتىك كۇشتەردى ۇيىمداستىرىپ، ارناۋلى كاسىپتىك جەتەكشىلىك قىزمەتىن ورىستەتىپ، تۇرگە ءبولىپ كومەكتەسۋ جوسپارىن بەلگىلەيدى. قىزمەتكەر قابىلداۋ ارناۋلى قيمىلىن ۇيىمداستىرىپ، كومەكتەسۋ وبيەكتىلەرىنە ينتەرنەت ارقىلى جانە ينتەرنەتتەن تىس جۇمىستانۋ ورىندارىن ازىرلەيدى، سونىمەن بىرگە، جۇمىستانۋ جاعىندا ”جاقىننان جاردەم بەرۋ“ قىزمەتىن وتەيدى.
ساياساتتى تياناقتاندىرۋ قيمىلىن ۇيىمداستىرىپ، جۇمىستانۋعا كومەكتەسۋ ساياساتىنىڭ ىشىندەگى تياناقتاندىرۋعا تيىستىلەرىن تۇگەل تياناقتاندىرۋدى ىلگەرىلەتەدى. ۇقىق - مۇددەسىن قورعاۋ قيمىلىن ورىستەتىپ، كومەكتەسۋ وبيەكتىلەرىنىڭ ەڭبەككە ساياتىن زاڭدى ۇقىق - مۇددەسىن قامتاماسىزداندىرىپ، تاماشا جۇمىستانۋ ورتاسىن جاراتادى. الەۋمەتتىك يگىلىك سيپاتىنداعى ءبىر توپ قىزمەت ورىندارىن دايىنداپ، كومەكتەسۋ وبيەكتىلەرىنىڭ ەڭ تومەنگى شەكتەن تۇسپەۋىن قامتاماسىزداندىرۋ قىزمەتىن ويداعىداي ىستەيدى. قيمىل بارىسىندا گانسۋ، چيڭحاي قاتارلى جەر سىلكىنىسى تۋىلعان جەرلەردەگى جۇمىستانۋعا كومەكتەسۋ قىزمەتىن ءتۇيىندى تۇردە كۇشەيتىپ، قاتىستى ولكەلەردەگى اپاتقا ۇشىراعان ەڭبەكشىلەردىڭ جۇمىستانۋىنا كومەكتەسۋگە سايكەسىپ، اپات تۋىلعان جەرلەردىڭ الەۋمەتتىك يگىلىك سيپاتىنداعى ءبىر توپ ۋاقىتتىق قىزمەت ورىندارىن دايىنداۋىنا قولداۋ كورسەتىپ، اپاتقا ۇشىراعان بۇقارانىڭ تەزىرەك جۇمىستانۋىنا كومەكتەسەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
