ەلىمىز ”سيگنالدى جوعارىلاتۋ“ ارناۋلى ارەكەتىن ورىستەتەدى
2024.01.04 15:42 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ شينشين، ۋاڭ يۋەياڭ 1 - ايدىڭ 4 - كۇنى حابارلايدى. ءتىلشىنىڭ 1 - ايدىڭ 4 - كۇنى ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ونەركاسىپ جانە ينفورماتسيالاندىرۋ مينيسترلىگى، مەملەكەتتىك دامۋ - رەفورما كوميتەتى قاتارلى ون نەشە تاراۋ جۋىردا «”سيگنالدى جوعارىلاتۋ“ ارناۋلى ارەكەتىن ورىستەتۋ جونىندەگى ۇقتىرۋدى» باسىپ تاراتىپ، 2024 - جىلدىڭ سوڭىنا دەيىن، 80 مىڭنان استام ءتۇيىندى ورىنداردى جىلجىمالى تور جەلىسىمەن ىشكەرىلەي قامتۋدى، 25 مىڭ كيلومەتردەن استام تەمىر جول مەن 35 مىڭ كيلومەتردەن استام تاس جولدى، 150 دەن استام مەترو جەلىسىن جىلجىمالى تور جەلىسىمەن تۇگەلدەي قامتۋدى ىسكە اسىرۋدى ورتاعا قويعان.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسىنىڭ ايتۋىنشا، قازىر ەلىمىزدە 4G تور جەلىسى اۋىل - قىستاقتى تولىق قامتىدى، 5G تور جەلىسىمەن قامتۋ ءۇردىسى بىرتىندەپ ”قالالار اراسىن تۇتاستىرۋدان“ ”اۋداندار اراسىن تۇتاستىرۋعا“ ءوتتى ءارى اۋىل - قالاشىق، اكىمشىلىك قىستاق قاتارلىلارعا دەيىن بىرتىندەپ كەڭەيۋدە. ”سيگنالدى جوعارىلاتۋدى“ ىلگەرىلەتۋ حالىق بۇقاراسىنىڭ تاماشا تۇرمىسقا دەگەن قاجەتىن قاناعاتتاندىرىپ قالماستان، كاسىپ سالاسىن سيفرلاندىرۋعا بۇرىلىس جاساۋعا اناعۇرلىم دەم بەرەدى.
ۇقتىرۋدا ءتۇيىندى ورىنداردى تور جەلىسىمەن قامتۋ، ءتۇيىندى كاسىپ سالالارىندا قىزمەت وتەۋ ورەسىن جوعارىلاتۋدى جەدەلدەتۋ، بايلىق قاينارىندىق فاكتورلاردى جوعارى ءونىمدى سايكەستىرۋدى كۇشەيتۋ، باقىلاۋ جانە ولشەۋ ورەسىن جوعارىلاتۋدى ىلگەرىلەتۋ قاتارلى جاقتاردا ءتورت ماڭىزدى مىندەتتى ورتاعا قويىلدى، 2024 - جىلعى جانە 2025 - جىلعى باستى نىسانالاردى ايقىندادى. مۇندا، 2025 - جىلدىڭ سوڭىنا بارعاندا، 120 مىڭنان استام ءتۇيىندى ورىنداردى جىلجىمالى تور جەلىسىمەن ىشكەرىلەي قامتۋ، 30 مىڭ كيلومەتردەن استام تەمىر جول مەن 500 مىڭ كيلومەتردەن استام تاس جولدى، 200 دەن استام مەترو جەلىسىن جىلجىمالى تور جەلىسىمەن ۇزدىكسىز قامتۋ ىسكە اسىرىلادى. جىلجىمالى تور جەلىسىندەگى كىبىرتىكتەۋ، ۋاقىتى كەشەۋىلدەۋ قاتارلى ماسەلەلەرگە ساياتىن باستى كورسەتكىشتەر تۇگەلدەي جاقسارتىلادى.
اتاپ وتۋگە تاتيتىنى، ءتۇيىندى ورىنداردى جىلجىمالى تور جەلىسىمەن قامتۋ جاعىندا، ۇقتىرۋدا اكىمشىلىك ىستەر ورتالىعى، مادەنيەت جانە ساياحات، مەديتسينالىق قۇرىلىمدار، جوعارى مەكتەپتەر، قاتىناس توراپتارى قاتارلى 11 ءتۇيىندى ورىنعا باعىتتاي وتىرىپ، سايكەستى قامتۋ نىسانالارى ورتاعا قويىلدى، ءتۇيىندى كاسىپ سالاسىنداعى قىزمەت وتەۋدى جوعارىلاتۋ جاعىندا، ينتەرنەتتىك قولدانىلىم نەگىزدىك قۇرىلعىلارىن ورنالاستىرۋدى جاقسارتۋ قاتارلى مىندەتتەر ايقىندالدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
