شىندىقتى ءىس جۇزىنەن ىزدەۋدە تاباندى بولىپ، ساپا تىزگىندەۋىن كۇشەيتىپ، قاينار كوزىندەگى ساندى مالىمەتتەردىڭ شىنايى، دۇرىس، سەنىمدى بولۋىنا كەپىلدىك ەتۋ كەرەك
2024.01.04 15:53 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 3 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، 5 - رەتكى مەملەكەت بويىنشا ەكونوميكانى جاپپاي تەكسەرۋ باسشىلىق گرۋپپاسىنىڭ باستىعى ديڭ شۋەشياڭ 1 - ايدىڭ 3 - كۇنى تۇستەن بۇرىن بەيجيڭدە ەكونوميكانى جاپپاي تەكسەرۋ، تىزىمدەۋ قىزمەتىنە تەكسەرۋ – زەرتتەۋ جۇرگىزدى. ول بىلاي دەپ دارىپتەدى: 5 - رەتكى مەملەكەت بويىنشا ەكونوميكانى جاپپاي تەكسەرۋ − جاڭا ءداۋىردىڭ جاڭا جورىعىنداعى ءبىر رەتكى كەلەلى مەملەكەت جاعدايىن، مەملەكەت قۋاتىن تەكسەرۋ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات تياناقتاندىرىپ، زاڭ بويىنشا جاپپاي تەكسەرۋدە، عىلمي جاپپاي تەكسەرۋدە، حالىق ءۇشىن جاپپاي تەكسەرۋدە تاباندى بولىپ، ەلىمىزدىڭ ساپالى دامۋ جاعدايىن جان - جاقتى، وبيەكتيۆ بەينەلەپ، ەكونوميكالىق، قوعامدىق دامۋدىڭ جاڭا وزگەرىسىن، جاڭا ەرەكشەلىگىن دۇرىس يگەرىپ، جوبا مەن ساياساتتى عىلمي بەلگىلەۋگە ماڭىزدى ينفورماتسيالىق تىرەك ازىرلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم ويداعىداي قىزمەت وتەۋ كەرەك.
ديڭ شۋەشياڭ الدىمەن جۇڭگو اۆياتسيا مايلى داقىل شەكتى جاۋاپكەرلىك سەرىكتەستىگىنە كەلدى. ول مىنالاردى اتاپ كورسەتتى: ساناقتىڭ ومىرشەڭدىگى شىنايىلىعىندا، ءسوز جوق، شىندىقتى ءىس جۇزىنەن ىزدەۋدە تاباندى بولىپ، جالپى بارىستاعى ساندى مالىمەتتىڭ ساپاسىن ويداعىداي مەڭگەرۋ كەرەك. كولەمدەنگەن ورىنداردىڭ ساناق نەگىزى ءبىرشاما جاقسى، ءاربىر كەستەنى قاز - قالپىندا تولتىرىپ، ءاربىر كورسەتكىشتى ءبىر - بىرلەپ تەكسەرىپ، جاپپاي تەكسەرۋ ساندى مالىمەتىن جيناۋ، ءبىر جاقتى ەتۋ جۇيەسى ارقىلى دەر كەزىندە دۇرىس جولداۋ كەرەك. جاپپاي تەكسەرۋ قۇرىلىمدارى ءبىر جاعىنان مالىمدەپ، ءبىر جاعىنان تەكسەرىپ، جاپپاي تەكسەرۋشىلەردى جاعدايدى انىقتاۋعا ۇيىمداستىرىپ، قۋزاپ، ساندى مالىمەتتىڭ شىن، دۇرىس، سەنىمدى بولۋىنا تۋ باستان كەپىلدىك ەتۋى كەرەك.
وسىدان كەيىن ديڭ شۋەشياڭ حالىقتىق جوعارى، جاڭا تەحنيكا كاسىپورنى لانيوۋ عىلىم - تەحنيكا شەكتى سەرىكتەستىگىنە بارىپ، كولەمدەنبەگەن ورىنداردى جاپپاي تەكسەرۋ، تىزىمدەۋ جاعدايىن كوزدەن كەشىرىپ، كاسىپورىندار تولتىرۋعا ءتيىستى ءوندىرىس - تيجارات، زەرتتەۋ - اشۋ قيمىلى، قىزمەتكەرلەردىڭ ەڭبەكاقىسى سياقتى ناقتى ينفورماتسيالاردى سۇرادى. ول مىنانى ءبىلدىردى: ەلىمىزدىڭ جاڭا ەكونوميكاسى جەدەل دامىپ، كاسىپ سالاسىنىڭ سيفرلانۋى، زەردەلىلەنۋى، جاسىلدانۋى سۇبەلى تابىستارعا قول جەتكىزدى، جاڭا كاسىپ، جاڭا كاسىپ كۇيى، جاڭا ۇلگى ساناعىن ويداعىداي ىستەپ، اناعۇرلىم دالمە - ءدال، ءونىمدى ساياساتتىق شارالاردى بەلگىلەۋگە، جاڭا ساپالى وندىرگىش كۇشتەردى جەدەل قالىپتاستىرۋعا سەنىمدى نەگىز ازىرلەۋ كەرەك. جاپپاي تەكسەرۋدى، تىزىمگە الۋدى ارناعا ءتۇسىرىپ، جاپپاي تەكسەرۋ وبيەكتىسىنىڭ جەكە ينفورماتسياسى مەن ساۋدا قۇپيالىعىن قاتاڭ ساقتاۋ، جاپپاي تەكسەرۋدە قول جەتكەن ورىندار مەن جەكەلەردىڭ ماتەريالدارىن ەكونوميكالىق جاپپاي تەكسەرۋ ماقساتىنا قاتاڭ پايدالانۋ كەرەك.
جىچۇنشياۋ قىستاعىنىڭ كەڭسە بۇيىمدارى تيجارات بولىمىندە ديڭ شۋەشياڭ دۇكەن قوجايىندارىمەن جانە جاپپاي تەكسەرۋشىلەرمەن ىقىلاستى اڭگىمەلەسىپ، جەكە تيجاراتشىلاردىڭ جاپپاي تەكسەرۋ ساندى مالىمەتىن جيناۋ بارىسىن ۇعىستى. ول مىنالاردى اتاپ كورسەتتى: بۇكىل ەل بويىنشا 100 ميلليوننان استام جەكە تيجاراتشى ەلىمىز ەكونوميكاسىنىڭ ماڭىزدى ميكرولىق نەگىزىن قالىپتاستىردى، ۇلگى الىپ تاڭدالعان جەكە تيجاراتشىلاردىڭ بەلسەنە سايكەسىپ، قاز - قالپىندا مالىمدەپ، ساندى مالىمەتتىڭ ساپا نەگىزىن بەكەمدەۋىن ءۇمىت ەتەمىن. جاپپاي تەكسەرۋشىلەر وتباسىلارىن ارالاپ تەكسەرۋدى سابىرلىلىقپەن، ەگجەي - تەگجەيلى ىستەپ، شىنايى پوزيتسيا جانە ىسىلعان شەبەرلىك ارقىلى جاپپاي تەكسەرۋ وبيەكتىلەرىنىڭ سەنىمى مەن سايكەسۋىنە قول جەتكىزۋى كەرەك.
سوڭىندا ديڭ شۋەشياڭ جۇڭگۋانسۇن ءمالى باسقارماسىنا بارىپ، نەگىزگى ساتىداعى جاپپاي تەكسەرۋشىلەردەن حال سۇرادى. ول مىنانى ءبىلدىردى: قالىڭ جاپپاي تەكسەرۋشىلەر − جاپپاي تەكسەرۋ قىزمەتىن ورىستەتۋدەگى نەگىزگى كۇش، جاۋاپكەرلىك تانىمى مەن قىزمەت وتەۋ تانىمىن كۇشەيتىپ، قىزمەت ءتارتىبى ولشەمىنە قاتاڭ بويسۇنىپ، مىندەتتى مۇقيات اتقارىپ، جاۋاپكەرلىكتى ادا ەتۋ كەرەك. ءار دارەجەلى جاپپاي تەكسەرۋ قۇرىلىمدارى ءبىر تۇتاس سايكەستىرۋدى جانە قۋزاۋ - جەتەكشىلىك ەتۋدى كۇشەيتىپ، ساياساتتى ۇگىتتەۋدى، ءتۇسىندىرۋدى كۇشەيتىپ، جاپپاي تەكسەرۋ قىزمەتىنىڭ تىڭعىلىقتى، ءتارتىپتى ىلگەرىلەۋىنە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
