حالىقتىق كاسىپورىنداردىڭ دامۋىن، زورايۋىن قالاي جەبەۋ كەرەك (ساياساتتىق سۇراۋ – جاۋاپ، 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» تىلشىلەرى ليۋ جىچياڭ، ۋاڭ يۇنشان
2024.01.09 15:22 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ماجىلىسىندە بىلاي دەپ اتاپ كورسەتىلدى: ”حالىقتىق كاسىپورىنداردىڭ دامۋىن، زورايۋىن جەبەپ، بازارعا كىرۋگە رۇقسات ەتۋ، فاكتورلارعا يە بولۋ، زاڭدى ءادىل اتقارۋ، ۇقىق - مۇددەنى قورعاۋ سياقتى جاقتاردا ءبىر توپ شارانى تياناقتاندىرۋ كەرەك“. تياناقتاندىرۋدى قايتكەندە ويداعىداي يگەرىپ، قاتىستى قىزمەتتەردى ويداعىداي ىستەۋگە بولادى؟ مەملەكەتتىك دامۋ جانە رەفورما كوميتەتى حالىقتىق شارۋاشىلىقتى دامىتۋ مەكەمەسىندەگى قاتىستى جاۋاپتى جولداس ءۇش جاقتان كۇش سالىناتىنىن ءبىلدىردى.
− تياناقتاندىرۋدى مىقتى يگەرىپ، مەملەكەت مەنشىگىندەگى كاسىپورىندارعا، حالىقتىق كاسىپورىندارعا ءتۇزىم جانە زاڭ جاعىنان تەڭ مامىلە جاساۋ تالابىن تياناقتاندىرۋ كەرەك.
بۇكىل ەل بويىنشا بىرلىككە كەلگەن ءىرى بازار قۇرىلىسىن جەدەل ىلگەرىلەتىپ، جەرگىلىكتى قورعانداردى الاستاپ، فاكتورلاردىڭ اۋىسۋىن ىركىلىسسىزدەندىرۋ كەرەك. حالىقتىق شارۋاشىلىقتى جەبەۋ زاڭىن شىعارۋ اياق الىسىن جەدەل ىلگەرىلەتىپ، حالىقتىق شارۋاشىلىقتىڭ دامۋىن جەبەيتىن زاڭ جانە تۇزىمدىك قامتاماسىزداندىرۋ جۇيەسىن كۇش سالا ورناتىپ، ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ءادىل قاتىناسۋىنا، زاڭنىڭ قورعاۋىندا بولۋىنا مۇمكىندىك جاساپ، تالعامدى زاڭ اتقارۋ مەن كاسىپورىنداردىڭ ”ءوزىن - ءوزى انىقتاۋى“ فورماسىنداعى باقىلاۋ - باسقارۋدى تيىپ، حالىقتىق شارۋاشىلىقتىڭ دامۋىنا تاماشا، ورنىقتى مەجە ازىرلەۋ كەرەك.
− تاماشا راي قالىپتاستىرىپ، ساياسات جانە قوعامدىق پىكىر جاعىندا حالىقتىق شارۋاشىلىقتىڭ دامۋىنا دەم بەرەتىن، قولداۋ كورسەتەتىن تاماشا ورتا ازىرلەۋ كەرەك.
ساياسات جاعىندا، ءبىر جاعىنان، ۇكىمەتتىڭ سەنىمدىلىك قۇرىلىسىن كۇشەيتىپ، كاسىپورىندارعا تيىمدىلىك جاساۋ ساياساتتارىن تياناقتاندىرۋ، ەندى ءبىر جاعىنان، حالىقتىق كاسىپورىندارعا باعىتتالعان ينفورماتسيا جاريالاۋ تۇعىرىن كەمەلدەندىرىپ، نىسانداردى تانىستىرۋدى جەدەلدەتىپ، اناعۇرلىم كوپ حالىقتىق كاپيتالدى مەملەكەتتىڭ كەلەلى ينجەنەريا نىساندارى مەن ولقىلىقتاردى تولىقتاۋ نىساندارى قۇرىلىسىنا ات سالىسۋعا شابىتتاندىرۋ جانە باۋراۋ كەرەك.
قوعامدىق پىكىر جاعىندا، جەر - جەردىڭ حالىقتىق شارۋاشىلىقتىڭ دامۋىن جەبەۋدەگى جاقسى تاجىريبەلەرىن، جاقسى ادىستەرىن قورىتىندىلاپ، جالپىلاستىرىپ، كاسىپورىنشىلار رۋحىن جەتىلدىرىپ جانە ساۋلەلەندىرىپ، حالىقتىق كاسىپورىنداردىڭ دامۋىن دۇرىس تانيتىن، تولىق قۇرمەتتەيتىن، بەلسەنە كوڭىل بولەتىن تاماشا قوعامدىق رايى ۇزدىكسىز قالىپتاستىرۋ كەرەك.
− قيىن ماسەلەلەردى شەشىپ، جەكە دەلولار مەن جالپى تۇلعالىق جاقتان حالىقتىق شارۋاشىلىقتىڭ دامۋىنا تۇساۋ بولاتىن ماسەلەلەردى سايكەستى شەشۋ كەرەك.
جەكە دەلولاردى قاداعالاپ وتىرۋ كەرەك. قارجى قوسۋ، قارجى قۇراۋ، مەردىگەر شاقىرۋ، مەردىگەرلىككە مالىمدەلۋ، بازارعا كىرۋ رۇقساتى، فاكتورلاردى قامتاماسىزداندىرۋ سياقتى تيپتىك ماسەلەلەردى رەتتەۋ - تۇزەتۋدى مىقتى يگەرىپ، شەگە قاعۋ رۋحىمەن ءتۇيىن ارقىلى كولەمدى جەتەكتەۋدە تاباندى بولىپ، حالىقتىق كاسىپورىنداردىڭ ناقتى ماسەلەلەرىن شەشىپ، ءبىر تۇردەگى ماسەلەنى شەشۋگە، ءبىر توپ كاسىپورىندى يگىلىككە كەنەلتۋگە، ءبىر كاسىپكە دەم بەرۋگە كۇش سالۋ كەرەك.
تۇتاس تۇلعانى كوزدە ۇستاۋ كەرەك. حالىقتىق شارۋاشىلىقتىڭ دامۋ جاعدايىنا جان - جاقتى تالداۋ جاساۋدى كۇشەيتىپ، حالىقتىق شارۋاشىلىق جاعدايىن باقىلاۋ - تەكسەرۋ كورسەتكىش جۇيەسىن ۇزدىكسىز اقاۋسىزداندىرۋ كەرەك. حالىقتىق كاسىپورىنداردىڭ تالاپ - تىلەكتەرىن اڭىس ەتۋ جانە ماسەلەلەردى شەشۋ ارناسىن ۇزدىكسىز ىركىلىسسىزدەندىرىپ، كاسىپورىنداردىڭ كوڭىل ءبولىپ وتىرعان ماسەلەلەرىنە دەر كەزىندە جاۋاپ قايتارىپ، جالپىلىق ۇسىنىستارعا باعىتتاي وتىرىپ، تياناقتاندىرۋعا، ونىمدىلىككە قول جەتكىزۋگە بولاتىن ساياساتتىق شارالاردى زەرتتەپ قالىپتاستىرۋ كەرەك.
كەپتەلىس تۇيىندەرىن سەيىلتىپ، سەنىمدى ارتتىرىپ، قامالدى بۇزىپ، قيىن ماسەلەلەردى شەشىپ، تياناقتاندىرۋدى يگەرىپ، حالىقتىق كاسىپورىنداردىڭ سەزىنۋىنە، تابىسقا جەتۋىنە كۇش سالىپ، حالىقتىق شارۋاشىلىقتىڭ اناعۇرلىم كەڭ ساحناعا قادام تاستاۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
