شي جينپيڭ تەلەگرامما جولداپ دانيانىڭ پاتشاسى فريدريح X نىڭ تاققا وتىرعانىن قۇتتىقتادى
2024.01.16 16:22 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 – كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 14 - كۇنى دانيانىڭ جاڭادان تاعايىندالعان پاتشاسى فريدريح X عا قۇتتىقتاۋ تەلەگرامماسىن جولداپ، فريدريح X نىڭ تاققا وتىرعانىن قۇتتىقتادى.
شي جينپيڭ مىنالاردى اتاپ كورسەتتى: ديپلوماتيالىق قارىم - قاتىناس ورناتقان 74 جىلدان بەرى جۇڭگو - دانيا قارىم - قاتىناسى باياندى دامىدى، ەكى ەلدىڭ ءار سالاداعى سەلبەستىگى سۇبەلى تابىستارعا قول جەتكىزدى، حالىقتار اراسىنداعى دوستىق بارعان سايىن تەرەڭدەدى. مەن جۇڭگو - دانيا قارىم - قاتىناسىنىڭ دامۋىنا ايرىقشا ءمان بەرەمىن، پاتشا فريدريح X مەن بىرگە قۇلشىنىپ، جۇڭگو مەن دانيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالىقتارىنا اناعۇرلىم كوپ ىرىس - قۇت اكەلۋدى قالايمىن.
سول كۇنى شي جينپيڭ تاعىن وتكىزىپ بەرگەن دانيانىڭ بۇرىنعى ايەل پاتشاسى ماگريت II گە تەلەگرامما جولداپ حال سۇرادى جانە ىزگى تىلەك ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
