اۋىل - قىستاق كاسىپ سالاسىن قايتكەندە دالمە - ءدال، ناقتى جەتىلدىرۋگە بولادى (ساياساتتىق سۇراۋ – جاۋاپ، 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» ءتىلشىسى لي شياۋچيڭ
2024.01.16 16:25 كەلۋ قاينارى : حالىق تورابى
كاسىپ سالاسىن گۇلدەندىرۋ _ اۋىل - قىستاقتى جاپپاي گۇلدەندىرۋدەگى ەڭ ماڭىزدى ءتۇيىن. ورتالىقتىڭ ەكونوميكالىق قىزمەت ماجىلىسىندە ”اۋىل - قىستاق كاسىپ سالاسىنىڭ دامۋ دەڭگەيىن جوعارىلاتۋ“، ”اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋ“ اتاپ كورسەتىلدى. ورتالىقتىڭ اۋىل - قىستاق قىزمەتى ماجىلىسىندە ”اۋىل - قىستاق كاسىپ سالاسىن دالمە - ءدال، ناقتى جەتىلدىرۋ كەرەك“ دەپ اتاپ كورسەتىلدى.
باستاماشى بولۋدى كۇشەيتىپ، شىنجىردى تولىقتاپ، كاسىپ كۇيىن گۇلدەندىرىپ، ايگىلى ماركا جاراتىپ، اۋىل - قىستاق كاسىپ سالاسىنىڭ تۇتاس تىزبەگىنىڭ دارەجەسىن جوعارىلاتۋدى ىلگەرىلەتۋ كەرەك. تاياۋ جىلداردان بەرى جەر - جەر، تاراۋلار كاسىپ سالاسى ارقىلى اۋىل شارۋاشىلىعىن گۇلدەندىرۋدە، ساپا ارقىلى اۋىل شارۋاشىلىعىن گۇلدەندىرۋدە، جاسىل جولمەن اۋىل شارۋاشىلىعىن گۇلدەندىرۋدە تاباندى بولىپ، اۋىل - قىستاق كاسىپ سالاسىنىڭ جاڭا فۋنكتسياسى ۇزدىكسىز كەڭەيىپ، اۋىل - قىستاقتىڭ جاڭا كاسىپ فورماسى ۇزدىكسىز جاندانىپ، اۋىل - قىستاق كاسىپ سالاسىنىڭ دامۋىندا بەلسەندى ونىمدىلىككە قول جەتكىزىلدى. قازىر ەلىمىز 300 مەملەكەتتىك وسى زامانعى اۋىل شارۋاشىلىق كاسىپ باقشاسىن، 180 ابزالدىققا يە ەرەكشە كاسىپ شوعىرىن، ءبىر مىڭ 509 اۋىل شارۋاشىلىق كاسىپ سالاسىندا قۋاتتى قالاشىقتى قۇرىپ، اۋىل شارۋاشىلىق ونىمدەرىن مانەرلەۋ، كادەگە جاراتۋ شاماسىن %72 كە جەتكىزدى.
اۋىل - قىستاق كاسىپ سالاسىن قايتكەندە اناعۇرلىم دالمە - ءدال، ناقتى جەتىلدىرۋگە بولادى؟ ”بيىل ەلىمىزدىڭ اۋىل - قىستاق كاسىپ سالاسىن دامىتۋدا اۋىل شارۋاشىلىعىنا، شارۋالارعا جەتەكشىلىك ەتۋدى ۇزدىكسىز كۇشەيتىپ، تۇرلەر بويىنشا ىلگەرىلەتۋ كەرەك“. اۋىل شارۋاشىلىعى، اۋىل - قىستاق مينيسترلىگىنىڭ قاتىستى جاۋاپتىسى تانىستىرىپ بىلاي دەپ تانىستىردى: ەڭ اۋەلى، كوپ قولدى ونىمدەردى يگەرۋدىڭ ءتۇيىنى وزىندىك قۇندى تەجەپ، ونىمدىلىكتى جوعارىلاتۋ، تىزبەكتى ۇزارتۋ بولىپ تابىلادى. بيىل نەگىزگى ءوندىرىس رايوندارىندا اۋىل شارۋاشىلىق ونىمدەرىن مانەرلەۋدى ورنالاستىرىپ، جىنتىكتەي مانەرلەۋ، جان - جاقتى پايدالانۋ سياقتى جاقتارداعى ولقىلىقتاردى بىرتىندەپ تولىقتاۋ كەرەك. جەر - جەر ابزالدىقتى تياناق ەتىپ، ولشەمدەنگەن شيكىزات ءوندىرىس بازاسىن قۇرىپ، وندىرىلگەن جەردە الدىن الا توڭازىتۋ، جاس كۇيىندە ساقتاۋ، كەپتىرۋ، سۇرىپتاپ دارەجەگە ايىرۋ سياقتى العاشقى مانەرلەۋ قۇرىلعىلارىنىڭ دەڭگەيىن جوعارىلاتىپ، جىنتىكتەي مانەرلەۋ جابدىقتارىن سيفرلاندىرۋدى، زەردەلىلەندىرۋدى، جاسىلداندىرۋدى ىلگەرىلەتىپ، تۇتاس تىزبەك ارقىلى ونىمدىلىكتى جوعارىلاتۋعا جەتەكشىلىك ەتۋى كەرەك.
اۋىل - قىستاق ەرەكشە كاسىبىن دامىتۋدىڭ ءتۇيىنى لايىقتى كولەمدە يگەرىپ، سۇرىپتاپ، ساپالىلاندىرۋدا.
”جەرگىلىكتى ەرەكشە ونىمدەردى“ ءىرى كاسىپ ەتىپ جەتىلدىرۋ ءۇشىن، جەتەكتەۋدى كۇشەيتۋگە تۋرا كەلەدى. اۋىل شارۋاشىلىعى، اۋىل - قىستاق مينيسترلىگى اۋىل - قىستاق كاسىپ سالاسىن دامىتۋ تارماق مەكەمەسىنىڭ 1 - دارەجەلى شارلاۋشىسى ۋ شياۋليڭ بىلاي دەپ تانىستىردى: ءبىر جاعىنان، ءوندىرىس جاعىندا لايىقتى كولەم قالىپتاستىرۋ كەرەك. كاسىپ سالاسىنىڭ دامۋىن باقىلاۋ - تەكسەرۋدى كۇشەيتىپ، تيجارات تۇلعالارىن ءوندىرىس كولەمىن ۇيلەسىمدى بەلگىلەپ، مۇمكىندىكتىڭ بارىنشا بازارعا سايكەسىپ، قاجەتكە قاراي ءوندىرىس جۇرگىزۋگە جەتەكتەۋ كەرەك. ەندى ءبىر جاعىنان، ۇيلەسىمدى باسەكە ۇيىمداستىرىپ، كاسىپتىك قوعامداردىڭ رولىن ويداعىداي ساۋلەلەندىرىپ، تيجارات تۇلعالارىن كاسىپتىك بازاردى ەگجەي - تەگجەيلى بولۋگە، جۇيەلى دامۋعا جەتەكتەۋ كەرەك.
كەدەيلىكتەن ارىلعان وڭىرلەر اۋىل - قىستاق كاسىپ سالاسىن دامىتۋ ارقىلى كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتۋى كەرەك.
”كەدەيلىكتەن ارىلعان وڭىرلەردەگى اۋىل - قىستاق كاسىپ سالاسىن سۇيەمەلدەۋدىڭ ءتۇيىنى تابىستاردى بەكەمدەپ، تۇرلەر بويىنشا جوعارىلاتۋدا“. اۋىل شارۋاشىلىعى، اۋىل - قىستاق مينيسترلىگى كومەكتەسۋ - سۇيەمەلدەۋ تارماق مەكەمەسى اۋىل - قىستاقتى گۇلدەندىرۋدى باقىلاپ - تەكسەرۋشى ياڭ ليان بىلاي دەدى: بيىل كەدەيلىكتەن ارىلعان وڭىرلەردە بازار بولاشاعى جاقسى، بۇقارانىڭ تىلەگى كۇشتى جاڭا كاسىپتەردى ۇزدىكسىز جوبالاپ، دامىتىپ، كەدەيلىكتەن ارىلعان وڭىرلەردىڭ ەرەكشە كاسىپ سالاسىن جوعارىلاتۋ ارەكەتىن ىشكەرىلەي اتقارىپ، ورتالىق قازىنانىڭ اۋىل - قىستاقتى گۇلدەندىرۋ قوسىمشا قاراجاتىنىڭ كاسىپ سالاسىن دامىتۋعا جۇمسالۋ سالىستىرماسىن جالپى تۇلعالىق جاقتان ورنىقتى ساقتاپ، كەدەيلىكتەن ارىلعان وڭىرلەردىڭ جەرگىلىكتى جاعدايعا قاراي ابزالدىققا يە ەرەكشە كاسىپتەردى دامىتۋىنا قولداۋ كورسەتۋ كەرەك. سونىمەن بىرگە، كومەكتەسۋ - سۇيەمەلدەۋ كاسىبىنە تۇرگە ءبولىپ جەتەكشىلىك ەتۋدى كۇشەيتىپ، ءبىر توبىن بەكەمدەپ، ءبىر توبىن جوعارىلاتىپ، ءبىر توبىن جانداندىرىپ، ءبىر توبىن رەتتەپ، كومەكتەسۋ - سۇيەمەلدەۋ كاسىبىنىڭ ساپاسىن جوعارىلاتىپ، ونىمدىلىگىن ارتتىرىپ، باياندى دامۋىن جەبەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
