لي چياڭ شۆەتساريا فەدەراتسياسىنىڭ ءتوراعاسى امحەردپەن كەڭەس وتكىزدى
2024.01.16 16:38 كەلۋ قاينارى : حالىق تورابى
سول جەر ۋاقىتى 1 - ايدىڭ 15 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ بەرندە شۆەتساريا فەدەراتسياسىنىڭ ءتوراعاسى امحەردپەن كەڭەس وتكىزدى. كەڭەستەن بۇرىن امحەرد لوندون مەملەكەتتىك قوناق ۇيىندە لي چياڭعا ارناپ سالتاناتتى قارسى الۋ سالتىن وتكىزدى. لي چياڭ امحەردتىڭ سەرىك بولۋىندا قۇرمەت قاراۋىلىن كوزدەن كەشىردى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
«حالىق گازەتى»، 1 - ايدىڭ 15 – كۇنى، بەرن (ءتىلشى چىن شاڭۋىن). سول جەر ۋاقىتى 1 - ايدىڭ 15 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ بەرندە شۆەتساريا فەدەراتسياسىنىڭ ءتوراعاسى امحەردپەن كەڭەس وتكىزدى. شۆەتساريا فەدەراتسياسىنىڭ مۇشەسى، قوسىمشا ەكونوميكا، وقىتۋ جانە عىلمي زەرتتەۋ مينيسترلىگىنىڭ مينيسترى پاملان كەڭەسكە قاتىناستى.
لي چياڭ مىنالاردى ءبىلدىردى: جۇڭگو مەن شۆەتساريا ديپلوماتيالىق قارىم - قاتىناس ورناتقان 74 جىلدان بەرى ەكى ەل قارىم - قاتىناسى باياندى دامىپ، كوپتەگەن ”بىرىنشىلىكتى“ جاراتتى. 2016 - جىلى ءتوراعا شي جينپيڭ شۆەتساريانىڭ باسشىسىمەن بىرگە جۇڭگو مەن شۆەتساريانىڭ جاڭالىق اشۋ ستراتەگيالىق سەرىكتەستىك قارىم - قاتىناسىن ورناتقاىن جاريالاپ، ەكى ەل قارىم - قاتىناسىنىڭ دامۋىنا ماڭىزدى جەتەكشىلىك ەتتى. جۇڭگو جاق شۆەتساريا جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىك نەگىزىن اناعۇرلىم بەكەمدەپ، ”بارابار، جاڭالىق جاراتۋ، تەڭ يگىلىككە كەنەلۋ“ سىندى جۇڭگو - شۆەتساريا سەلبەستىك رۋحىن ساۋلەلەندىرىپ، ەكى جاقتى قارىم - قاتىناستىڭ ۇزدىكسىز دامۋىن ىلگەرىلەتىپ، ءوزارا ءتيىمدى سەلبەستىكتە اناعۇرلىم كوپ ناقتى تابىستارعا قول جەتكىزۋدى قالايدى.
لي چياڭ مىنالاردى اتاپ كورسەتتى: جۇڭگو جاق شۆەتساريا جاقپەن جوعارى جىكتەگىلەردىڭ بارىس - كەلىسىن ۇزدىكسىز جيىلەتىپ، ەكى ەل ۇكىمەتتەرى اراسىنداعى پىكىرلەسۋ، سەلبەستىك مەحانيزمىنىڭ رولىن اناعۇرلىم ويداعىداي ساۋلەلەندىرىپ، ءار دارەجەلى، ءار سالاداعى بارىس - كەلىستى جەدەل قايتا باستاۋدى قالايدى. ەكى جاق اناعۇرلىم كوپ مۇددە توعىسۋ تۇيىندەرىن اشىپ، ەركىن ساۋدا، كەدەن سياقتى سالالارداعى سەلبەستىكتى كۇشەيتىپ، جاسىل، فينانس، سيفرلى ەكونوميكا سياقتى سەلبەستىكتىڭ جاڭا ارتۋ تۇيىندەرىن جەتىلدىرىپ، زورايتىپ، ەكى ەلدىڭ ەكونوميكا - ساۋدا سەلبەستىگىنىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتۋى كەرەك. شۆەتساريا جاقتىڭ شۆەتسارياداعى جۇڭگو قارجىلاندىرعان كاسىپورىندارعا اشىق، ءادىل، كەمسىتپەيتىن تيجارات - ساۋدا ورتاسىن ۇزدىكسىز ازىرلەۋىن ءۇمىت ەتەمىن. جۇڭگو جاق شۆەتساريا جاقپەن مادەني مۇرا، وقۋ - اعارتۋ، جاستار، دەنەتاربيە سياقتى سالالارداعى سەلبەستىكتى كۇشەيتۋدى قالايدى. ەكى جاق بىرلەسكەن مەملەكەتتەر ۇيىمى سياقتى كوپ جاقتى مەحانيزمدەگى قارىم - قاتىناستى، سايكەسۋدى جيىلەتىپ، ۇلاستىرۋ - تۇتاستىرۋ نەگىزدىك قۇرىلعىلارىنا قارجى قۇراۋ، حالىقارالىق دامۋعا كومەكتەسۋ، كليمات وزگەرىسىنە توتەپ بەرۋ سياقتى سالالارداعى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن دامۋ ىستەرىنە بىرگە بەلسەندى ۇلەس قوسۋى كەرەك.
امحەرد پەن پاملان مىنانى ءبىلدىردى: شۆەتساريا − جۇڭحۋا حالىق رەسپۋبليكاسىن ەڭ ەرتە مويىنداعان ەلدەردىڭ ءبىرى، شۆەتساريا - جۇڭگو قارىم - قاتىناسىنىڭ تاريحى ۇزاق، مازمۇنى باي. ەكى ەلدىڭ ەكونوميكا - ساۋدا، قارجى قوسۋ سەلبەستىگى ىندەتتىڭ ىقپالىن جەڭىپ، ۇزدىكسىز كۇشەيدى. شۆەتساريا جاق جۇڭگو جاقپەن ساپالى ەكى جاقتى تىلدەسۋدى ۇزدىكسىز ىلگەرىلەتىپ، ەكونوميكا - ساۋدا، وقۋ - اعارتۋ، فينانس، عىلىم - تەحنيكا، گۋمانيتارلىق سياقتى سالالارداعى اۋىس - كۇيىس پەن سەلبەستىكتى تەرەڭدەتىپ، كليمات وزگەرىسى، الەۋمەتتىك دەنساۋلىق ساقتاۋ، ينتەرنەت حاۋىپسىزدىگى سياقتى دۇنيە جۇزىلىك سايىستارعا بىرگە توتەپ بەرىپ، شۆەتساريا مەن جۇڭگونىڭ جاڭالىق اشۋ ستراتەگيالىق سەرىكتەستىك قارىم - قاتىناسىنىڭ ۇلۋ جىلىندا اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
ەكى جاق جۇڭگو - شۆەتساريا ەركىن ساۋدا كەلىسىمىنىڭ دارەجەسىن جوعارىلاتۋ جونىندەگى بىرلەسكەن زەرتتەۋدى ورىنداپ بولاتىندارىن جاريالاپ، رەسمي دارەجەسىن جوعارىلاتۋ كەلىسسوزىن تەز ارادا باستاۋدى قولداۋعا، بيىل جۇڭگو - شۆەتساريا سىرتقى ىستەر مينيسترلەرى دارەجەلى جاڭا كەزەكتى ستراتەگيالىق پىكىرلەسۋ، فينانس قىزمەت گرۋپپاسى ءماجىلىسى، ەنەرگيا قىزمەت گرۋپپاسى ءماجىلىسى، وقۋ - اعارتۋ ساياساتى جونىندەگى پىكىرلەسۋ، حاۋىپسىزدىك القالار كەڭەسى ىستەرى جونىندەگى كەڭەستەردى وتكىزىپ، كەلەر جىلى ەكى ەلدىڭ ديپلوماتيالىق قارىم - قاتىناس ورناتقانىنىڭ 75 جىلدىعىن وراي ەتىپ، گۋمانيتارلىق اۋىس - كۇيىستى كۇشەيتۋگە ءبىر اۋىزدان ماقۇل بولدى. جۇڭگو جاق شۆەتسارياعا ءوز جاعىنان ۆيزاسىز ءوتۋ مامىلەسىن جاسايدى، شۆەتساريا جاق تا جۇڭگو ازاماتتارىن جانە شۆەتسارياعا بارىپ قارجى قوسقان جۇڭگو كاسىپورىندارىن ءتىپتى دە كوپ ۆيزا قولايلىلىعىمەن قامدايتىن بولدى.
كەڭەستەن كەيىن ەكى ەل باسشىلارى ەكى جاقتى ەكونوميكا - ساۋدا سەلبەستىك قۇجاتىنا قول قويۋعا بىرگە كۋا بولدى.
كەڭەستەن بۇرىن امحەرد لوندون مەملەكەتتىك قوناق ۇيىندە لي چياڭعا ارناپ سالتاناتتى قارسى الۋ سالتىن وتكىزدى. لي چياڭ امحەردتىڭ سەرىك بولۋىندا قۇرمەت قاراۋىلىن كوزدەن كەشىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
