حالىق ىستەرى مينيسترلىگى قاتارلى 10 تاراۋ 2024 - جىلى ”كوكتەم مەرەكەسى مەزگىلىندە شارۋا جۇمىسكەرلەرگە مەيىر باعىشتاۋ“ اتتى قىزمەت وتەۋ ارەكەتىن ورىستەتەدى
2024.01.18 13:18 كەلۋ قاينارى : حالىق تورابى
حالىق تورابىنىڭ ءتىلشىسى سۇڭ زىجيە، ۋىن لۋ 1 - ايدىڭ 17 - كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قوعام حاۋىپسىزدىگى مينيسترلىگى، حالىق ىستەرى مينيسترلىگى، ءادىليا مينيسترلىگى، قاتىناس - تاسىمال مينيسترلىگى، مادەنيەت جانە ساياحات مينيسترلىگى، مەملەكەتتىك اۋرۋدان ساقتانۋ جانە ونى تىزگىندەۋ مەڭگەرمەسى، مەملەكەتتىك باس جۇمىسشىلار ۇيىمى، كوممۋنيستىك جاستار وداعىنىڭ ورتالىق كوميتەتى، تەمىر جول توبى قاتارلى تاراۋلار «2024 - جىلعى ”كوكتەم مەرەكەسى مەزگىلىندە شارۋا جۇمىسكەرلەرگە مەيىر باعىشتاۋ“ اتتى قىزمەت وتەۋ قيمىلىن ورىستەتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) جاريالاپ، كوكتەم مەرەكەسى مەزگىلىندە شارۋا جۇمىسكەرلەرگە قىزمەت وتەۋ جانە ولاردى قامتاماسىزداندىرۋ قىزمەتى جونىندە ورنالاستىرۋ جاسادى.
«ۇقتىرۋدا» جەلىلەس شارالار ايقىندالعان: جۇمىستانۋ جاعىندا قىزمەت وتەۋگە ساياتىن ءتۇرلى ارناۋلى قيمىلداردى ورىستەتىپ، كاسىپتىك جاقتان جەتەكشىلىك ەتۋدى جانە قىزمەت وتەۋدى كۇشەيتەدى، شارۋا جۇمىسكەرلەردىڭ ونەر ورەسىن جانە جۇمىستانۋ قابىلەتىن جەتىلدىرۋىنە جول كورسەتەدى. شارۋا جۇمىسكەرلەردى جۇرگىنشى كوپ مەزگىلدەن باسقا ۋاقىتتا اۋىلىنا قايتۋعا جانە جۇمىس ورنىنا كەلۋگە جەتەلەپ، قاجەتكە قاراي ەكى ورىن اراسىندا توتە قاتىنايتىن اۆتوموبيلدى مايعا الۋ، ارناۋلى پويەز (ۆاگون) ارقىلى جەتكىزۋ بويىنشا قىزمەت وتەۋ قاتارلىلاردى ۇيىمداستىرىپ ورىستەتىپ، ءجۇرىس - تۇرىس حاۋىپسىزدىگىن باسقارۋدى كۇشەيتەدى. شارۋا جۇمىسكەرلەردىڭ ەڭبەكاقى، دەمالىس قاتارلى ەڭبەككە قاتىستى ۇقىق - مۇددەسىن قورعاپ، قاتىستى زاڭ - تۇزىمدەردى جالپىلاستىرۋدى، ۇگىتتەۋدى كۇشەيتىپ، شارۋا جۇمىسكەرلەردىڭ ۇقىعىن قورعاۋ ارناسىن ىركىلسىسزدەندىرەدى. شارۋا جۇمىسكەرلەردەن حال سۇراۋ، ويىن قويۋ قيمىلدارىن ورىستەتۋگە، جاڭا داۋىردەگى شارۋا جۇمىسكەرلەردىڭ رۋحاني بەت - بەينەسىن ايگىلەيتىن كوركەمونەر تۋىندىلارىن جاراتۋعا شابىتتاندىرادى.
جۇقپالى اۋرۋلاردان ساقتانۋ - تەجەۋ جاعىندا جەتەكشىلىك ەتۋدى كۇشەيتىپ، شارۋا جۇمىسكەرلەردى تاماشا تازالىق ادەتىن ساقتاۋعا جەتەلەيدى. نەگىزگى ساتىداعى ءبىرىنشى شەپكە ىشكەرىلەي بارىپ، امانداسۋ جانە حال سۇراۋ قيمىلىن كەڭىنەن ورىستەتىپ، جۇمىسسىز قالعان شارۋا جۇمىسكەرلەر، تۇرمىسىندا قيىنشىلىعى بار شارۋا جۇمىسكەرلەر، بالالارى سىرت جەردە جۇمىس ىستەيتىن قارتتار مەن اكە - شەشەشى سىرت جەردە جۇمىس ىستەيتىن بالالار، مەرەكەنى جۇمىس ىستەپ جۇرگەن جەرىندە وتكىزەتىن شارۋا جۇمىسكەرلەر، كەدەيلىكتەن ارىلۋ جولىندا سىرت جەرگە بارىپ جۇمىس ىستەپ جۇرگەن ەڭبەككۇشتەر قاتارلى توپتارعا، اسىرەسە، جۋىرداعى جاۋىن - شاشىن، جەر سىلكىنىسى قاتارلى اپاتتارعا ۇشىراعان شارۋا جۇمىسكەرلەرگە قامقورلىق جاساۋدى، كوڭىل ءبولۋدى كۇشەيتەدى. جۇمىسسىز قالعان شارۋا جۇمىسكەرلەرگە دەر كەزىندە جۇمىسسىزدىقتان قامسىزداندىرۋ قاراجاتىن تاراتىپ، ءتۇرلى قوعامدىق كومەك بەرۋ ساياساتتارىن ويداعىداي تياناقتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
