جاڭ كىحۇي جولداستىڭ سۇيەگى بەيجيڭدە ورتەلدى
شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى
2024.01.18 16:29 كەلۋ قاينارى : حالىق تورابى
 |
1 - ايدىڭ 17 - كۇنى جاڭ كىحۇي جولداستىڭ سۇيەگى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى. شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار باباۋشانعا بارىپ سۇيەكپەن قوشتاستى. سۋرەتتە: شي جينپيڭ جاڭ كىحۇيدىڭ تۋىس - تۋعانىمەن قول الىسىپ، شىنايى حال سۇراۋدا. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
جاڭ كىحۇي جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن جاڭ كىحۇي جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعانىنان شىنايى حال سۇرادى
شينحۋا اگەنتتىگى، 1 - ايدىڭ 17 – كۇنى، بەيجيڭ. ايگىلى قوعام قايراتكەرى، تايۋان دەموكراتيالىق اۆتونوميا وداعىنىڭ كورنەكتى باسشىسى، جۇڭگو حالىق ساياسي ءماسليحات كەڭەسى 9 -، 10 - كەزەكتى مەملەكەتتىك كوميتەتى ءتوراعاسىنىڭ ورىنباسارى، تايۋان دەموكراتيالىق اۆتونوميا وداعى 6 -، 7 - كەزەكتى ورتالىق كوميتەتىنىڭ ءتوراعاسى جانە 7 - كەزەكتى ورتالىق كوميتەتىنىڭ قۇرمەتتى ءتوراعاسى، جۇڭحۋا مەملەكەتتىك تايۋاندىق باۋىرلاستار دوستىق بىرلەستىگىنىڭ 4 -، 5 - كەزەكتى باستىعى، جۇڭگو كوممۋنيستىك پارتياسىنىڭ تاڭداۋلى مۇشەسى جاڭ كىحۇي جولداستىڭ سۇيەگى 1 - ايدىڭ 17 – كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.
جاڭ كىحۇي جولداس اۋرۋ سەبەبىنەن 2024 - جىلى 1 - ايدىڭ 11 - كۇنى ساعات 15 تەن 18 مينۋت وتكەندە 96 جاسىندا بەيجيڭدە قايتىس بولدى.
جاڭ كىحۇي جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن جاڭ كىحۇي جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعانىنان شىنايى حال سۇرادى.
1 - ايدىڭ 17 - كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قارالى بەينەگە ەنىپ، زالدا قايعىلى مۋزىكانىڭ باسەڭ ءۇنى ەستىلىپ تۇردى. زالدىڭ تورىنە «جاڭ كىحۇي جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا جاڭ كىحۇي جولداستىڭ سۋرەتى قويىلعان. جاڭ كىحۇي جولداستىڭ سۇيەگى گۇل شوقتارىمەن جانە ارشالارمەن قورشالعان، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.
تۇستەن بۇرىن ساعات 9 دان 30 مينۋت وتكەندە، شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ازالى مۋزىكا ءۇنى ىشىندە جاڭ كىحۇي جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، جاڭ كىحۇي جولداستىڭ سۇيەگىنە 3 رەت تاعزىم ەتتى ءارى جاڭ كىحۇي جولداستىڭ تۋىس - تۋعانىمەن ءبىر - بىرلەپ قول الىسىپ، حال سۇرادى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاستى نەمەسە ءتۇرلى تاسىلدەرمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، جاڭ كىحۇي جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
