فينانستى دامىتۋدىڭ جۇڭگوشا جولىمەن بۇلجىماي جۇرەيىك
− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2024.01.18 16:31 كەلۋ قاينارى : حالىق تورابى
”فينانستى دامىتۋدىڭ جۇڭگوشا جولى وسى زامانعى فينانستى دامىتۋدىڭ وبيەكتيۆ زاڭدىلىعىنا بويسۇنادى، ونان دا ماڭىزدىسى، ەلىمىزدىڭ مەملەكەت جاعدايىنا ۇيلەسەتىن ايقىن ەرەكشەلىككە يە، باتىستىڭ فينانس ۇلگىسىمەن ماندىك پارقى بار“. ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ ـ تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايى ستراتەگيالىق تۇرعىسىنان ەلىمىز فينانسىنىڭ ساپالى دامۋىن ىلگەرىلەتۋدەگى ءبىرقىدىرۋ كەلەلى نازاريالىق جانە امالياتتىق ماسەلەنى تەرەڭ پايىمدادى. باس شۋجي شي جينپيڭنىڭ ماڭىزدى ءسوزىنىڭ يدەياسى تەرەڭ، كوز اياسى كەڭ، پايىمداۋى سىندارلى، مازمۇنى باي، وتە كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، بۇكىل پارتيانىڭ، اسىرەسە، جوعارى دارەجەلى كادرلاردىڭ ەلىمىز فينانسىنىڭ دامۋى ءدوپ كەلگەن جاعداي مەن مىندەتتى دۇرىس تانىپ، فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمدى تەرەڭدەتىپ، فينانس قىزمەتى ونەرى مەن حاۋىپ - قاتەرگە توتەپ بەرۋ قابىلەتىن جاپپاي كۇشەيتىپ، فينانستى دامىتۋدىڭ جۇڭگوشا جولىمەن بۇلجىماي جۇرۋىندە توتەنشە ماڭىزدى مانگە يە.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى فينانس قىزمەتىنە جاپپاي باسشىلىقتى جانە ءبىر تۇتاس جوسپارلاۋدى كۇشەيتىپ، فينانس ىستەرىنىڭ دامۋىن ىلگەرىلەتۋدە تىڭ دا كەلەلى تابىستارعا قول جەتكىزىپ، ەكونوميكالىق، قوعامدىق دامۋدىڭ جالپى جاعدايىنا پارمەندى تىرەك بولدى. فينانس قىزمەتىنە باسشىلىق ەتۋ امالياتى بارىسىندا، پارتيا ورتالىق كوميتەتى ماركسيزمدىك فينانس نازارياسىن زامانىمىزداعى جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، جاڭا داۋىردەگى فينانستىڭ دامۋ زاڭدىلىعى جونىندە بەلسەنە ىزدەنىس جاساپ، جۇڭگوشا سوتسياليستىك فينانستىڭ ءمانى جونىندەگى تانىمدى ۇزدىكسىز تەرەڭدەتىپ، فينانس امالياتىندا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، قۇندى تاجىريبەلەر توپتاپ، ماڭىزدى امالياتتىق جەتىستىكتەرگە، نازاريالىق جەتىستىكتەرگە قول جەتكىزىپ، جۇڭگوشا فينانستى دامىتۋ جولىمەن بىرتىندەپ ءجۇردى. فينانستى دامىتۋدىڭ جۇڭگوشا وسى جولى وڭاي - وسپاق قولعا كەلمەگەن، ونى پارتيا ورتالىق كوميتەتى زامانىمىزداعى جۇڭگونىڭ ءىس جۇزىندىگىن تياناق ەتىپ قۇلشىنا اشقان، بۇل فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمنىڭ ونان ارى تەرەڭدەۋى سانالىپ، ”ەكىنى تۇراقتاندىرۋدىڭ“ شەشۋشى ءمانىن تولىق ايگىلەدى.
”پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىندا تاباندى بولۋ، حالىقتى وزەك ەتكەن قۇن بەتالىسىندا تاباندى بولۋ، فينانستىڭ ناقتى ەكونوميكاعا قىزمەت وتەۋىن ءتۇبىرلى باس ماقسات ەتۋدە تاباندى بولۋ، حاۋىپ ـ قاتەردەن ساقتانۋدى جانە ونى تىزگىندەۋدى فينانس قىزمەتىنىڭ ماڭگىلىك تاقىرىبى ەتۋدە تاباندى بولۋ، فينانستىڭ جاڭالىق اشا دامۋىن بازارلاندىرىلعان، زاڭمەن باسقارىلاتىن ارنادا ىلگەرىلەتۋدە تاباندى بولۋ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدە تاباندى بولۋ، فينانستى اشىق ۇستاۋ مەن حاۋىپسىزدىكتى ءبىر تۇتاس جوسپارلاۋدا تاباندى بولۋ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولۋ كەرەك“. باس شۋجي شي جينپيڭ ”سەگىزدە تاباندى بولۋ“ ارقىلى جۇڭگوشا فينانستى دامىتۋ جولى جونىندە ەگجەي - تەگجەيلى تۇجىرىم جاساپ، ”وسى بىرنەشە تۇيىندە جاڭا داۋىردەگى جاڭا جورىقتا فينانس قىزمەتىنە قالاي قاراۋ، ونى قالاي ىستەۋ ايقىندالعان، ول − فينانستى دامىتۋدىڭ جۇڭگوشا جولىنىڭ نەگىزگى تۇرعىسىن، كوزقاراسىن، ءادىسىن ايگىلەيتىن ورگانيكالى تۇتاس تۇلعا “ دەپ اتاپ كورسەتتى. مىنالاردى تەرەڭ تانىپ جەتۋ كەرەك: پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىن كۇشەيتۋ − فينانس قىزمەتىن ويداعىداي ىستەۋدىڭ ءتۇبىرلى كەپىلى؛ بۇكىل ىنتا - پەيىلىمەن حالىق ءۇشىن قىزمەت ىستەۋ − پارتيامىزدىڭ ءتۇبىرلى ماقساتى، پارتيامىز باسشىلىق ەتكەن فينانس ىستەرى، سايىپ كەلگەندە، حالىققا باقىت جاراتادى؛ ناقتى ەكونوميكا − فينانستىڭ نەگىزى، فينانس − ناقتى ەكونوميكانىڭ قان تامىرى، ناقتى ەكونوميكاعا قىزمەت وتەۋ − فينانستىڭ بورىشى. فينانس قىزمەتىنىڭ ساياسي سيپاتىن، حالىقتىق سيپاتىن تەرەڭ يگەرىپ، ورنىقتىلىق بارىسىندا ىلگەرىلەۋدە، ىلگەرىلەۋ ارقىلى ورنىقتىلىقتى جەبەۋدە، الدىمەن ورناتىپ، ونان سوڭ كۇشىنەن قالدىرۋدا تاباندى بولىپ، جۇيەلىك فينانس حاۋىپ - قاتەرى تۋىلماۋدىڭ تومەنگى شەگىن مىقتاپ ساقتاپ، ەلىمىز فينانسىنىڭ ساپالى دامۋىن ىلگەرىلەتىپ، جۇڭگوشا وسى زامانعى فينانس جۇيەسىن جەدەل ورناتقاندا عانا، ەكونوميكالىق، قوعامدىق دامۋ مەن حالىق بۇقاراسىنىڭ كۇن سايىن ارتىپ وتىرعان فينانس قاجەتىن ۇزدىكسىز قاناعاتتاندىرىپ، جۇڭگو ۇلگىسىندەگى وسىزامانداندىرۋ قۇرىلىسىن جاپپاي ىلگەرىلەتۋگە پارمەندى تىرەك ازىرلەۋگە بولادى.
قازىر ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلىپ وتىر، ءسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتىپ، نازاردى ەكونوميكالىق قۇرىلىس سىندى وزەكتى قىزمەت پەن ساپالى دامۋ سىندى ماڭداي الدى مىندەتكە شوعىرلاندىرىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن بىرتىندەپ تاماشا رەالدىققا اينالدىرۋ كەرەك. ساپالى دامۋدا تاباندى بولۋ − جاڭا داۋىردەگى بۇلجىماس قاعيدا ەكەنىن تەرەڭ تانىپ، فينانستا ەكونوميكالىق، قوعامدىق دامۋعا ساپالى قىزمەت وتەۋ كەرەك. پارتيامىز قۇلشىنا اشقان جۇڭگوشا فينانستى دامىتۋ جولى جونىندە باس شۋجي شي جينپيڭ بىلاي دەپ دارىپتەدى: ”سەنىمدى بەكەمدەپ، اماليات بارىسىندا ۇزدىكسىز ىزدەنىس جاساپ، كەمەلدەندىرىپ، وسى جولدى جۇرگەن سايىن كەڭەيتۋىمىز كەرەك“. ءار دارەجەلى باسشى كادرلار باس شۋجي شي جينپيڭنىڭ ماڭىزدى ءسوزىنىڭ باي مازمۇنىن، مايەكتى ءمانىن جانە امالياتتىق تالابىن تەرەڭ ءتۇسىنىپ، يگەرىپ، فينانس وي جەلىسى مەن فينانس قىزمەتى قابىلەتىن كۇشەيتىپ، ەكونوميكا مەن فينانس − ءبىر تۇتاس جۇيە يدەياسىندا تاباندى بولىپ، ورتالىقتىڭ ەكونوميكالىق قىزمەت ءماجىلىسى مەن ورتالىقتىڭ فينانس قىزمەتى ءماجىلىسىنىڭ ءتۇرلى شەشىمدەرى مەن ورنالاستىرۋلارىن مۇقيات تياناقتاندىرىپ، ەكونوميكا مەن فينانستىڭ ساپالى دامۋىن ءبىر تۇتاس ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋى كەرەك.
فينانس − مەملەكەتتىڭ وزەكتى باسەكەلىك قۋاتىنىڭ ماڭىزدى قۇرامداس بولىگى، فينانستىڭ ساپالى دامۋى جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا سايادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، نىسانانى كوزدەپ، سەنىمدى بەكەمدەپ، ءورىس اشا ىلگەرىلەپ، جۇڭگوشا فينانستى دامىتۋ جولىمەن بۇلجىماي ءجۇرىپ، فينانستىڭ ساپالى دامۋىن تىڭعىلىقتى ىلگەرىلەتىپ، فينانستا قۋاتتى ەل قۇرۋدى جەدەلدەتىپ، جاڭا داۋىردەگى فينانس قىزمەتىنىڭ جاڭا جاعدايىن ۇزدىكسىز اشايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
