”شارۋالارعا ’التىن اپكىش‘ سيلايىق“ (باس شۋجيدىڭ حالىقتىق ىنتا - ىقىلاسى)
«حالىق گازەتىنىڭ» تىلشىلەرى جۋ جۇن، يۇي جيڭشيان
2024.01.19 16:33 كەلۋ قاينارى : حالىق تورابى
جاپپاي سوتسياليستىك وسىزاماندانعان مەملەكەت قۇرۋداعى ەڭ جاپالى، ەڭ اۋىر مىندەت ءالى دە اۋىل - قىستاقتا. 2023 - جىلدىڭ سوڭىندا ورتالىقتىڭ اۋىل - قىستاق قىزمەتى ءماجىلىسى اشىلدى. باس شۋجي شي جينپيڭ اۋىل شارۋاشىلىعى، اۋىل - قىستاق، شارۋالار قىزمەتى جونىندە ماڭىزدى نۇسقاۋ بەرىپ، بىلاي دەپ دارىپتەدى: جۇڭگوشا وسىزامانداندىرۋدى ىلگەرىلەتۋدە، ءسوز جوق، اۋىل شارۋاشىلىعىنىڭ نەگىزىن تاباندىلىقپەن بەكەمدەپ، اۋىل - قىستاقتىڭ جاپپاي گۇلدەنۋىن ىلگەرىلەتۋ كەرەك.
پارتيانىڭ 20 - قۇرىلتايىنان كەيىن باس شۋجي شي جينپيڭ بەيجيڭنەن اتتانىپ قىزمەت تەكسەرگەن ءبىرىنشى بەكەت شانشي ولكەسىنىڭ يان - ان قالاسى بولدى. نانگوۋ قىستاعىنداعى الما باعىندا اۋىلداستاردىڭ توسپا سالۋ، تامشىلاتىپ سۋارۋ جانە جىنتىكتەي باپتاۋ ارقىلى جاقسى تۇرمىس كەشىرىپ جاتقانىن كورگەن باس شۋجي اۋىلداستارعا: ”مىنە، بۇل اۋىل شارۋاشىلىعىن وسىزامانداندىرۋ، سىزدەر ۇيلەسىمدى كاسىپ سالاسىن دامىتۋ بەتالىسىن تاۋىپسىزدار“ دەدى.
”بۇقارانى، اسىرەسە، شارۋالاردى سۇيەمەلدەۋ“، ”شارۋالارعا ’التىن اپكىش‘ سيلاۋ كەرەك“. لياڭجياحىدان شىققان باس شۋجي اۋىل - قىستاقتى، شارۋالاردى قاي - قاشان دا ساعىنا ەسكە الىپ، اماليات بارىسىندا اۋىل شارۋاشىلىعىن، اۋىل - قىستاقتى وسىزامانداندىرۋدىڭ جۇڭگوشا جولى جونىندە ۇزدىكسىز وي جۇگىرتتى جانە ونى سىزدى.
2020 - جىلى مەملەكەتتىك ەكى ماجىلىستە گرۋپپالاردىڭ تالقىسىنا قاتىناسقان كەزدە باس شۋجي ”التىن اپكىش“ حيكاياسىن باياندادى. سول جىلى اۋىلداستار تويا تاماقتانعاننان كەيىنگى ءتىپتى دە جوعارى ارمان - تىلەگىن تىلگە تيەك ەتكەندە بىلاي دەدى: بولاشاقتا تاۋعا شىعىپ جۇمىس ىستەگەندە التىن اپكىشتى كوتەرەمىز. ”’التىن اپكىش‘، مەن ونى اۋىل شارۋاشىلىعىنىڭ وسىزاماندانۋى دەپ تۇسىنەمىن“.
”اۋىل شارۋاشىلىعىندا قۋاتتى ەل قۇرۋدىڭ وتكىر قارۋى عىلىم - تەحنيكادا“، ”اۋىل شارۋاشىلىق عىلىم - تەحنيكا قىزمەتىندە قولدانۋ بەتالىسىن كورنەكتىلەندىرىپ، عىلمي ماقالالاردى بايتاق دالاعا جازۋ كەرەك“، ”وسى زامانعى اۋىل شارۋاشىلىعىنىڭ كاسىپ جۇيەسىن، ءوندىرىس جۇيەسىن، تيجارات جۇيەسىن جەدەل ورناتۋ كەرەك“، ”جەرگىلىكتى ەرەكشە ونىمدەرگە ەگجەي - تەگجەيلى وي جۇگىرتۋ كەرەك“...
”قاي - قاشان دا قام جەپ تۇرۋ“ دەگەن سوزدە اۋىل شارۋاشىلىعىندا قۋاتتى ەل قۇرۋ نىساناسى دا بار، بۇقارانى جاقسى تۇرمىسقا كەنەلتۋدىڭ شىنايى ۋادەسى دە بار، جوعارى دەڭگەيدە جوبالاۋ مەن امالياتتىق ىزدەنىس ءوزارا سايكەسكەن.
جاڭا داۋىردەگى 10 جىلدان بەرى ەلىمىزدىڭ اۋىل شارۋاشىلىق عىلىم - تەحنيكا العاباسارلىعىنىڭ ۇلەس شاماسى %62.4 كە جەتتى، ەگىس داقىلدارىن ەگۋ - جيناۋدىڭ جالپىلىق ماشينالانۋ شاماسى %73 تەن استى، زەردەلى اۋىل شارۋاشىلىعىن دامىتۋدان، اۋىل شارۋاشىلىق زات ينتەرنەتى سياقتى وسى زامانعى اۋىل شارۋاشىلىق تەحنيكاسىنان پايدالانۋدان ءىرى ساندى مالىمەت، بۇلتتىق ەسەپتەۋ ارقىلى زەردەلى سۋارۋ، دالمە - ءدال تىڭايتقىش بەرۋ، سونداي - اق سۋ مەن تىڭايتقىشتى ءبىر تۇلعالاندىرىپ مەڭگەرۋ سياقتىلارعا دەيىن، ءداستۇرلى قايلا مەن وراق بىرتىندەپ شەگىندى. زەردەلىلەنگەن ەگىنشىلىك جابدىقتارى بارعان سايىن عىلىم - تەحنيكا ۇلگىسىنە يە بولىپ، التىن اپكىشتىڭ عىلىم - تەحنيكالىق قۇرامى بارعان سايىن جەتكىلىكتى بولدى.
عىلىم - تەحنيكا اۋىل - قىستاق كاسىبىنە دەم بەردى.
گۋاڭدۇڭ ماۋميڭ بايچياۋ قىستاعىنداعى ليجى باقشاسىندا اۋىلداستاردىڭ تىكە تاراتۋ ارقىلى زات ساتۋدى دامىتىپ، ەرەكشە كاسىپ سالاسىنا سۇيەنىپ جاقسى تۇرمىس كەشىرگەنىن ەستىگەن باس شۋجي بىلاي دەدى: ”ەرەكشە كاسىپ سالاسىن دامىتۋ − اۋىل - قىستاقتى گۇلدەندىرۋدى جۇزەگە اسىرۋدىڭ ماڭىزدى جولى، جەرگىلىكتى ەرەكشە ونىمدەر جۇمىسىن كۇش سالا جاقسى ىستەپ، كاسىپ سالاسىن گۇلدەندىرۋ ارقىلى اۋىل - قىستاقتىڭ جاپپاي گۇلدەنۋىن جەبەۋ كەرەك“.
جاڭا داۋىردەگى 10 جىلدان بەرى اعاش ساڭىراۋقۇلاعى ءىرى كاسىپكە اينالدى، كىشكەنە سارى گۇل بايۋ گۇلىنە اينالدى، انجي اق شايى، ۋچاڭ كۇرىشى، وڭتۇستىك جياڭشي اپەلسينى... جەرگىلىكتى ەرەكشە ونىمدەر جەتىلىپ، اۋىل - قىستاقتىڭ جاپپاي گۇلدەنۋىنىڭ اسەم كارتيناسى قالىپتاستى.
التىن اپكىش اۋىلداستاردىڭ باقىتتى تۇرمىسىنا سۇيەۋ بولدى.
اۋىل شارۋاشىلىعىندا قۋاتتى ەل قۇرۋ نىساناسىن كوزدەگەن جاڭا جورىقتا شارۋالاردىڭ كىرىسىن ارتتىرۋ جۇگى ءالى دە وتە اۋىر بولىپ وتىر.
باس شۋجي بىلاي دەپ دارىپتەدى: اۋىل شارۋاشىلىعىمەن بىرلەسىپ، اۋىل شارۋاشىلىعىن جەتەكتەۋ مەحانيزمىن كەمەلدەندىرىپ، كاسىپ سالاسىنىڭ ارتقان قۇن پايداسىن شارۋالارعا كوبىرەك قالدىرۋعا ءمان بەرىپ، شارۋالارعا التىن اپكىش سيلاۋ كەرەك.
اۋىل شارۋاشىلىعىمەن بىرلەسىپ، اۋىل شارۋاشىلىعىن جەتەكتەۋ مەحانيزمىن كەمەلدەندىرىپ، اۋىل شارۋاشىلىق ءوندىرىس - تيجارات ۇلگىسىندە جاڭالىق جاراتۋ كەرەك.
حيلۇڭجياڭ ولكەسى فۋيۋان قالاسى جيۋچىڭ كۇرىش ەگۋ سەلبەستىك كووپەراتيۆىندە اۋىل شارۋاشىلىق ماشينالارى قاز - قاتار ءتىزىلىپ تۇر، باس شۋجي بىلاي دەپ اتاپ كورسەتتى: ”شارۋالار كاسىپتىك سەلبەستىك كووپەراتيۆى − شارۋالاردىڭ كىرىسىن ارتتىرۋىنا، وسى زامانعى اۋىل شارۋاشىلىعىن دامىتۋىنا جەتەكشىلىك ەتەتىن ءونىمدى ۇيىمدىق فورما، وزىق تاجىريبەلەردى قورىتىندىلاپ، جالپىلاستىرىپ، سەلبەستىك كووپەراتيۆىن اناعۇرلىم ويداعىداي قۇرۋ كەرەك“.
جيلين ولكەسى ليشۋ اۋدانى لۋۋەي اۋىل شارۋاشىلىق ماشينالارى شارۋالار كاسىپتىك سەلبەستىك كووپەراتيۆىندە اۋىلداستاردىڭ كووپەراتيۆكە كىرگەننەن كەيىن قول جەتكىزگەن ناقتى تيىمدىلىكتەرىن ەستىگەن باس شۋجي ايرىقشا قۋانىپ: ”اۋىل شارۋاشىلىعىن وسىزامانداندىرۋعا ۇمتىلۋ بارىسىندا، سەلبەستىك كووپەراتيۆى بازار شارت - جاعدايىندا شارۋالاردىڭ ءوز ەركىمەن ۇيىمداسۋ فورماسى ءارى ءونىمى، ونىمدىلىگى جوعارى ۇيىمدىق فورماسى بولىپ تابىلادى“ دەدى.
نيڭشيانىڭ حىلان اۋدانى كۇرىش - بالىقشىلىق كەڭىستىگى اۋىل - قىستاق ەكولوگياسىن تاماشالاۋ باقشاسىندا، بۇرىنعى كۇرىش اتىزىنىڭ كاسىپ سالاسى باقشا رايونىنا اينالعانىن كورگەن باس شۋجي بىلاي دەپ قاداعالاي تاپسىردى: ”اۋىل - قىستاقتاعى كاسىپ سالاسىن دامىتۋدا، ءسوز جوق، شارۋالاردىڭ نەگىزگى تۇلعالىق ورنىن كورنەكتىلەندىرىپ، قاي - قاشان دا شارۋالاردىڭ مۇددەسىن قامتاماسىز ەتۋدى ءبىرىنشى ورىنعا قويۋ كەرەك، شارۋالاردىڭ دامۋ قابىلەتىن تارتىپ الۋعا نەمەسە السىرەتۋگە بولمايدى. شارۋالاردىڭ جەرىن الىپ الۋعا بولمايدى، دابىرالى ىستەپ جاتقانداي بولعانىڭمەن، ول شارۋالارمەن قاتىسسىز بولماۋى كەرەك. بىرگە بايۋ كەرەك“.
ىشكى موڭعۇلدا اتىز قىرىندا جەردى اينالىمعا سالىپ كوتەرمەگە الۋ اۋىل شارۋاشىلىعىنا تيىمدىلىك جاساي ما، جوق پا دەپ سۇرادى؛ جياڭسۋدا جىلىجايدا بۇلدىرگەننىڭ ءونىم مولشەرى مەن شارۋالاردىڭ كىرىسىنىڭ قانداي بولۋىنا كوڭىل ءبولدى... بۇقارامەن ەتەنە ارالاسىپ، حالىقتىڭ ۇنىنە قۇلاق اسىپ، ون مىڭ شاقىرىم جول باسىپ، تەكسەرىپ - زەرتتەۋ جۇرگىزدى. نىق قادام تاستاپ، اۋىل شارۋاشىلىعىن، اۋىل - قىستاقتى وسىزامانداندىرىپ دامىتۋدىڭ جۇڭگوشا جاڭا جولىمەن ءجۇرىپ، اۋىل - قىستاقتى جاپپاي گۇلدەندىرۋدىڭ جاڭا جاعدايىن اشتى.
بۇكىل ەلگە كوز جىبەرسەك، 4 ميلليوننان استام وتباسىلىق ەگىس الاڭى، 2 ميلليون 220 مىڭنان استام شارۋالار سەلبەستىك كووپەراتيۆى بار، اۋدان دارەجەلىدەن جوعارى باستاماشى كاسىپورىندار ءتۇرلى اۋىل شارۋاشىلىعىن كاسىپ سالالاندىرۋ ۇيىمدارىنا جەتەكشىلىك ەتىپ، 120 ميلليوننان استام شارۋا وتباسىن شارپىدى. ”“قىستاق ەكى كوميتەتى + سەلبەستىك كووپەراتيۆى + شارۋالار وتباسى“، ”كاسىپورىن + سەلبەستىك كووپەراتيۆى + شارۋالار وتباسى“... اۋىل شارۋاشىلىعىمەن بىرلەسىپ، اۋىل شارۋاشىلىعىن جەتەكتەۋ، اۋىل شارۋاشىلىعىن گۇلدەندىرىپ، اۋىل شارۋاشىلىعىنا تيىمدىلىك جاساۋ، ءتۇرلى جاڭاشا تيجارات ۇلگىسى ۇلان - بايتاق اتىزدا تامىر تارتتى.
”التىن اپكىش“ بارعان سايىن ورنىعىپ، ساپاسى بارعان سايىن جاقسارىپ، اۋىل - قىستاقتىڭ جاپپاي گۇلدەنۋى ۇلتتىڭ گۇلدەنۋىمەن بايلانىسىپ جاتتى.
”اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، اۋىل - قىستاقتى جاپپاي گۇلدەندىرۋدى ىلگەرىلەتۋدى جاڭا داۋىردەگى جاڭا جورىقتىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ باس تۇتقاسى ەتۋ“، ”شارۋالاردىڭ قالتاسىن بارعان سايىن قامپايتىپ، تۇرمىسىن بارعان سايىن كورىكتەندىرىپ، قونىستانۋعا، كاسىپكە قولايلى ءارى كورىكتى اۋىل - قىستاقتىڭ جاڭا كارتيناسىن سالۋ كەرەك“ − باس شۋجيدىڭ ىقىلاستى تاپسىرماسى ءۇمىت اتىزىنا تارالىپ، سان ميلليونداعان شارۋانىڭ كوڭىل تۇكپىرىنەن ورىن الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
