فينانستىڭ ساپالى دامۋىن ىلگەرىلەتىپ، فينانستا قۋاتتى ەل قۇرايىق
− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2024.01.19 16:34 كەلۋ قاينارى : حالىق تورابى
فينانس − حالىق شارۋاشىلىعىنىڭ قان تامىرى، مەملەكەتتىڭ وزەكتى باسەكەلىك قۋاتىنىڭ ماڭىزدى قۇرامداس بولەگى. ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ فينانستا قۋاتتى ەل قۇرۋدىڭ نىسانالىق مىندەتى، امالياتتىق تالابى سياقتى كەلەلى ماسەلەلەردى ىشكەرىلەي پايىمداپ، ”فينانستا قۋاتتى ەل قۇرۋ ۇزاق ۋاقىت قۇلشىنۋدى، ۇزاق ۋاقىت ۇلەس قوسۋدى قاجەت ەتەدى“، ”جۇڭگوشا وسى زامانعى فينانس جۇيەسىن جەدەل قۇرۋ كەرەك“ دەپ دارىپتەدى.
فينانس جاندانسا، ەكونوميكا جاندانادى؛ فينانس ورنىقتى بولسا، ەكونوميكا ورنىقتى بولادى. پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ فينانس ىستەرىنىڭ دامۋىندا تىڭ دا كەلەلى تابىسقا قول جەتكىزىلدى، فينانس كاسىبى جەدەل دامىدى، فينانستاعى رەفورما جاساپ، ەسىك اشۋ تارتىپپەن ىلگەرىلەتىلدى، فينانس ونىمدەرى كۇن سايىن مولايىپ، فينانستىق قىزمەت وتەۋدىڭ جالپىعا ءتيىمدى سيپاتى كۇشەيدى، فينانستى باقىلاپ – باسقارۋ كۇشەيتىلدى جانە جاقسارتىلدى، فينانستىڭ ەكونوميكانىڭ ساپالى دامۋىنا قىزمەت وتەۋ قۋاتى مەن ونىمدىلىگى زور دارەجەدە جوعارىلادى، فينانس ەكونوميكانىڭ ورنىقتى، اقاۋسىز دامۋىن جەبەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قولداۋ كورسەتۋ، حالىق بۇقاراسىنىڭ فينانستىق قىزمەت وتەۋ قاجەتىن قاناعاتتاندىرۋ سياقتى جاقتاردا ماڭىزدى تىرەكتىك رول اتقارىپ، دەر كەزىندە جاپپاي دوڭگەلەك داۋلەتتى قوعام قۇرۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا ماڭىزدى ۇلەس قوستى. قازىر ەلىمىز دۇنيە جۇزىندەگى ماڭىزدى فينانس ءىرى ەلىنە اينالدى، دۇنيە جۇزىندەگى ەڭ ۇلكەن بانكە جۇيەسى، ەكىنشى ۇلكەن قامسىزداندىرۋ، جارنا بەلەتى جانە زايوم بازارى بار، شەتەل اقشاسى زاپاسىنىڭ كولەمى دۇنيە ءجۇزى بويىنشا ءبىرىنشى ورىندا تۇرادى، جالپىعا ءتيىمدى فينانس دۇنيە ءجۇزىنىڭ الدىڭعى لەگىندە جۇرۋدە، ەكونوميكالىق، قوعامدىق دامۋ مەن حالىق بۇقاراسىنىڭ كۇن سايىن ارتىپ وتىرعان فينانس قاجەتى ۇزدىكسىز قاناعاتتانۋدا، فينانس ەكونوميكالىق، قوعامدىق دامۋدى ىلگەرىلەتەتىن ماڭىزدى كۇشكە اينالدى.
ورتالىقتىڭ فينانس قىزمەتى ماجىلىسىندە فينانستا قۋاتتى ەل قۇرۋدى جەدەلدەتۋ نىساناسى ايقىن ورتاعا قويىلدى، بۇل − پارتيا ورتالىق كوميتەتىنىڭ جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىن تياناق ەتە وتىرىپ جاساعان ستراتەگيالىق ورنالاستىرۋى. وسى رەتكى ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ فينانستا قۋاتتى ەل بولۋ جونىندە ىشكەرىلەي تۇسىنىك جاسادى: ”فينانستا قۋاتتى ەل قۇدىرەتتى ەكونوميكالىق نەگىزدى تياناق ەتۋگە، دۇنيە ءجۇزى بويىنشا وزىق ەكونوميكالىق ناقتى قۋاتقا، عىلىم ـ تەحنيكالىق ناقتى قۋاتقا جانە جالپىلىق مەملەكەت قۋاتىنا يە بولۋعا، سونىمەن بىرگە ءبىرقىدىرۋ شەشۋشى، وزەكتى فينانس فاكتورىن ازىرلەۋگە ءتيىس، ياعني كۇشتى اقشا، كۇشتى ورتالىق بانكە، كۇشتى فينانس قۇرىلىمى، كۇشتى حالىقارالىق فينانس ورتالىعى، كۇشتى فينانستى باقىلاۋ - باسقارۋ، كۇشتى فينانس دارىندىلار قوسىنى بولۋى كەرەك“. بۇل جاڭا جورىقتا فينانستىڭ ساپالى دامۋىن ىلگەرىلەتۋدەگى، فينانستا قۋاتتى ەل قۇرۋداعى ستراتەگيالىق مىندەتتى اناعۇرلىم ايقىنداپ، العا باسۋ بەتالىسىن كورسەتىپ بەردى. ءبىز ساياسي دەڭگەيدى شىنايى جوعارىلاتىپ، مەملەكەتتىڭ زور ءىسىن كوكەيدە ساقتاپ، بورىش پەن جاۋاپكەرلىكتى كۇشەيتىپ، ەلىمىزدىڭ فينانس دامۋى ءدوپ كەلگەن جاعدايلار مەن مىندەتتەردى دۇرىس تانىپ، فينانس قىزمەتىن ويداعىداي ىستەۋدىڭ جاۋاپكەرلىك سەزىمى مەن بورىشتىلىق سەزىمىن ۇزدىكسىز كۇشەيتىپ، اناعۇرلىم باتىل پوزيتسيامەن، اناعۇرلىم سانالى ارەكەتپەن، اناعۇرلىم پارمەندى شارالارمەن فينانستا قۋاتتى ەل قۇرۋدى تىڭعىلىقتى ىلگەرىلەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي ناقتى تياناقتاندىرۋىمىز كەرەك.
”ارقاۋىن تارتسا اۋ جايىلادى، نەگىزىن يگەرسە، قالعانى وڭىنا باسادى“. باس شۋجي شي جينپيڭ جۇڭگوشا وسى زامانعى فينانس جۇيەسىن جەدەل قۇرۋ توڭىرەگىندە ماڭىزدى ورنالاستىرۋ جاساپ، ”عىلمي، ورنىقتى فينانستى رەتتەۋ، مەڭگەرۋ جۇيەسىن، قۇرىلىمى ۇيلەسىمدى فينانس بازارى جۇيەسىن، جۇمىس ٴبولىسى بويىنشا سەلبەسەتىن فينانس قۇرىلىمى جۇيەسىن، كەمەلدى، ٴونىمدى فينانستى باقىلاۋ ـ باسقارۋ جۇيەسىن، الۋان تۇرلىلەنگەن، كاسىپتىك سيپاتتاعى فينانس ونىمدەرى مەن قىزمەت وتەۋ جۇيەسىن، دەربەس مەڭگەرۋگە بولاتىن، حاۋىپسىز، جوعارى ٴونىمدى فينانس نەگىزدىك قۇرىلعى جۇيەسىن قۇرۋ، اقاۋسىزداندىرۋدى“ دارىپتەدى. بۇل فينانستا قۋاتتى ەل قۇرۋدىڭ ىشكى تالابىن، امالياتتىق جولىن جانە نەگىزگى قامال الۋ بەتالىسىن تەرەڭ اشىپ كورسەتتى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ورتالىقتىڭ ەكونوميكالىق قىزمەت ءماجىلىسى مەن ورتالىقتىڭ فينانس قىزمەتى ءماجىلىسىنىڭ شەشىم، ورنالاستىرۋلارىن مۇقيات تياناقتاندىرۋىمىز كەرەك. تاماشا اقشا، فينانس ورتاسىن كۇش سالا قالىپتاستىرىپ، كەلەلى ستراتەگيالارعا، ءتۇيىندى سالالارعا جانە ءالسىز بۋىندارعا ساپالى فينانستىق قىزمەت وتەۋدى شىنايى كۇشەيتىپ، اقشا ساياساتىنىڭ تۇراقتىلىعىن باستان - اياق ساقتاپ، قارجىمەن قامداۋ قۇرىلىمىن ساپالىلاندىرىپ، قارجىنىڭ پايدالانىلۋ ونىمدىلىگىن جوعارىلاتىپ، عىلىم - تەحنيكا فينانسى، جاسىل فينانس، جالپىعا ءتيىمدى فينانس، زەينەتكەرلىك فينانسى، سيفرلى فينانس سىندى 5 ءىرى ءىستى ويداعىداي ىستەۋ كەرەك. وسى زامانعى فينانس قۇرىلىمى مەن بازار جۇيەسىن كۇش سالا قالىپتاستىرىپ، قارجىنىڭ ناقتى ەكونوميكاعا كىرۋ ارناسىن ىركىلىسسىزدەندىرىپ، قارجى قۇراۋ قۇرىلىمىن ساپالىلاندىرىپ، ەرەجەسى بىرلىككە كەلگەن، باقىلاۋ - باسقارۋى سايكەستى فينانس بازارىن قالىپتاستىرىپ، جۇڭگوشا وسى زامانعى فينانس كاسىپورىن ءتۇزىمىن كەمەلدەندىرۋ كەرەك. فينانستى باقىلاۋ - باسقارۋدىڭ ونىمدىلىگىن شىن مانىندە جوعارىلاتىپ، قۇرىلىمداردى باقىلاۋ - باسقارۋدى، ارەكەتتى باقىلاۋ - باسقارۋدى، فۋنكتسيانى باقىلاۋ - باسقارۋدى جاپپاي كۇشەيتۋ كەرەك.
فينانستىڭ ساپالى دامۋى جۇڭگوشا وسىزامانداندىرۋ قۇرىلىسىنىڭ جالپى جاعدايىنا سايادى، فينانستا قۋاتتى ەل قۇرۋدى جەدەلدەتۋدىڭ بورىشى جۇكتەلدى، جاۋاپكەرلىگى اۋىر. اقيقات توتەنشە قاراپايىم بولادى، ناقتى ىستەۋ ماڭىزدى ورىندا تۇرادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، بەلگىلەنگەن نىسانانى كوزدەپ، ستراتەگيالىق تۇراقتىلىقتى ساقتاپ، شىنايى يگەرىپ، ناقتى ىستەپ، قاجىرلىلىقپەن ىستەپ، ۇزاق ۋاقىت ۇلەس قوسىپ، شەبەرلىكپەن ىستەپ، شەبەرلىكپەن تابىسقا جەتسەك، ءبىز، ءسوز جوق، جۇڭگوشا فينانستى دامىتۋ جولىنىڭ بارعان سايىن كەڭەيۋىن ىلگەرىلەتە الامىز، فينانستىڭ ساپالى دامۋى ارقىلى مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە دەم بەرە الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
