2023 – جىلى جاڭادان ارتقان سالىقتى كەمەيتۋ، اقىنى تومەندەتۋ جانە سالىق قايتارۋ، كەشەۋىلدەتۋ قاراجاتى 2 تريلليون 200 ميلليارد يۋاننان استى (جاڭا ساندى مالىمەت، جاڭا ءتۇيىن)
2024.01.19 16:37 كەلۋ قاينارى : حالىق تورابى
«حالىق گازەتى»، 1 - ايدىڭ 18 - كۇنى، بەيجيڭ (ءتىلشى ۋاڭ گۋان). مەملەكەتتىك سالىق باس مەكەمەسىنىڭ ەڭ جاڭا جاريالاعان ساندى مالىمەتىندە كورسەتىلۋىنشە، 2023 – جىلى بۇكىل ەل بويىنشا سالىقتى كەمەيتۋ، اقىنى تومەندەتۋ جانە سالىق قايتارۋ، كەشەۋىلدەتۋ قاراجاتى 2 تريلليون 200 ميلليارد يۋاننان اسىپ، بازار مەجەسىن ورنىقتىرۋعا، بازار سەنىمىن سەرپىلتۋگە، بازاردىڭ ومىرشەڭدىك كۇشىن تاسقىنداتۋعا ءونىمدى دەم بەرىلگەن. تۇتاس جىلدا ءتۇرلى سالىق كىرىسى 31 تريلليون 700 ميلليارد يۋان جينالىپ، قازىنالىق قامتاماسىزداندىرۋ نەگىزى كۇش سالا بەكەمدەلگەن.
جاڭالىق اشۋعا تاعى دا كۇش قوستى. 2023 - جىلى مەملەكەت كاسىپورىنداردىڭ زەرتتەۋ - اشۋعا قوسىلىمدى ارتتىرۋىنا دەم بەرەتىن سالىقتان جەڭىلدىك بەرۋ ساياساتى ۇزدىكسىز كوبەيدى. كاسىپورىن تابىس سالىعىن الدىن الا تاپسىرۋدى مالىمدەۋ ساندى مالىمەتىندە كورسەتىلۋىنشە، 2023 – جىلدىڭ الدىڭعى 3 توقسانىندا بۇكىل ەلدەگى كاسىپورىندار زەرتتەۋ – اشۋ قاراجاتىن قوسىپ ەسەپتەپ تارتىپ قالۋ سوماسىنان ءبىر تريلليون 850 ميلليارد يۋان يگىلىكتەنگەن، مۇنىڭ ىشىندە جاساۋ كاسىبى كاسىپورىندارى ەڭ كوپ يگىلىككە كەنەلگەن، قوسىپ ەسەپتەپ تارتىپ قالۋ ساياساتىنان يگىلىكتەنۋ سوماسىنىڭ سالىستىرماسى %58.9 بولعان.
ساياسات ادامدى تاۋىپ، ونىمدىلىكتى جوعارىلاتتى. سالىق تاراۋلارى سالىق ءىرى ساندى مالىمەتىنىڭ ابزالدىعىن ساۋلەلەندىرىپ، سالىق - اقى ساياساتى مەن قولدانۋ وبيەكتىسىن زەردەلى سايكەستىرىپ، شارتقا ۇيلەسەتىن كاسىپورىنداردىڭ ءوز قاجەتىنە ۇيلەسەتىن ساياساتتاردى دەر كەزىندە تاپسىرىپ الۋىنا كەپىلدىك ەتتى، 2023 - جىلى 7 – ايدان بەرى جيىنى 670 ميلليون دۇكەنگە (ادام، رەت) ءبىر ميلليارد 490 ميلليون پارشا ساياساتتىق ماتەريال جەتكىزىلدى.
قىزمەت وتەۋدى ساپالىلاندىرىپ، قيىن ماسەلەلەردى شەشتى. نازاردى كاسىپورىنداردىڭ دامۋ تالابىنا شوعىرلاندىرىپ، كاسىپورىنداردىڭ تىلەگىنە قۇرمەت ەتۋ العى شارتىندا، سالىق ءىرى ساندى مالىمەتىنەن پايدالانىپ، كاسىپورىندارعا دانەكەر بولىپ، تۇتاس جىلدا كاسىپورىنداردىڭ 21 ميلليارد 300 ميلليون يۋان ساتىپ الۋ – ساتۋ سوماسىن ىسكە اسىرۋىنا كومەكتەستى. نازاردى شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەسىن شەشۋگە شوعىرلاندىرىپ، ”بانكە، سالىق جۇيەسىنىڭ ىقپالداستىعىن“ تەرەڭدەتىپ، كەڭەيتىپ، ورتا، شاعىن بانكەلەردىڭ ات سالىسۋ شارتىن اناعۇرلىم تومەندەتىپ، تۇتاس جىلدا شاعىن، ۇساق كاسىپورىنداردىڭ بانكەدەن 8 ميلليون 928 مىڭ قارىز اقشا الۋىنا دەم بەرىپ، قارىز اقشا سوماسى 2 تريلليون 840 ميلليارد يۋان بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
