«ماڭگى اتوي دابىلىن قاقتى» (باس شۋجيدىڭ حالىققا ىنتا - ىقىلاسى)
«حالىق گازەتىنىڭ» تىلشىلەرى جياڭ يۇن، جاۋ مىڭياڭ
2024.01.22 15:51 كەلۋ قاينارى : حالىق تورابى
جۇڭگو كوممۋنيستىك پارتياسى نە ءۇشىن يقۋاتتى؟ تامشى سۋدان تەڭىزدىڭ قاسيەتىن بىلۋگە بولادى، ستيلگە كوز جىبەرسەك، ەكى ”الما حيكاياسىنان“ جاۋابىن تابۋعا بولادى.
بىرەۋى، تارتىپكە قاتىستى ”الما حيكاياسى“.
پارتيانىڭ 20 - قۇرىلتايى اشىلۋدان 2 اي بۇرىن، باس شۋجي شي جينپيڭ لياۋنيڭدە قىزمەت تەكسەرگەن ءبىرىنشى بەكەت جينجوۋ قالاسىنداعى لياۋشىن شايقاسى ەسكەرتكىش سارايى بولدى. قاھارمان قۇرباندار سارايىندا باس شۋجي شي جينپيڭ ”قايىرىمدى قوسىننىڭ“ قامقالى جالاۋشاسىنىڭ الدىندا ايالدادى. قامقالى جالاۋشانىڭ استارىنداعى اڭگىمە ادامدى اسەرلەندىرەتىن ەدى.
بۇل لياۋشىن شايقاسى كەزى بولاتىن. جينجوۋ اۋىلىنداعى الما پىسىپ تۇرعان، جورىق جاساپ وتكەن ازاتتىق ارميا جاۋىنگەرلەرى اش – جالاڭاشتىقتىڭ ازابىن تارتقانىمەن، بىردە - ءبىرى الماعا تيىسپەيدى. تەمىردەي ءتارتىپ بۇقارانىڭ جۇرەگىن جىلىتتى.
”مۇنداي المانى ءبىز قازىر دە جەي المايمىز“ دەدى باس شۋجي شي جينپيڭ كوتەرىڭكى ۇنمەن.
”ءبىز قازىر دە جەي المايمىز“، ويتكەنى بۇل حالىقتىڭ الماسى، بۇقارانىڭ جاڭا داۋىردە ءتىپتى دە جاقسى الما جەۋىنە مۇمكىندىك جاساۋ ءۇشىن، جۇڭگو ۇلگىسىندەگى وسىزامانداندىرۋ جولىندا ”التىن اپكىشتى“ ورنىقتى كوتەرۋىنە مۇمكىندىك جاساۋ كەرەك.
ەندى ءبىرى، پارتيا ستيلىن بەينەلەيتىن ”الما حيكاياسى“.
پارتيانىڭ 20 - قۇرىلتايى جابىلعانىنا ءبىر اپتاعا جەتپەيتىن ۋاقىتتا، باس شۋجي شي جينپيڭ شانشي ولكەسى يان - ان قالاسى انساي رايونى گاۋچياۋ قالاشىعى نانگوۋ قىستاعىنىڭ جەمىس باعىنا باردى. قىزىل الما بۇتاقتى سامسىپ تۇر، باس شۋجي شي جينپيڭ اۋىلداستارمەن ىقىلاسپەن اڭگىمەلەستى.
توڭكەرىس جىلدارىندا ەگىلگەن كىشكەنتاي الما كوشەتى قازىر يان - ان اۋىل شارۋاشىلىعىنداعى ءبىرىنشى ۇلكەن ەرەكشە كاسىپكە اينالدى، ەگىلگەن جەر كولەمى شانشيدەگى الما كولەمىنىڭ 3/1 ىن، بۇكىل ەلدىكىنڭ 9/1 ىن، دۇنيە جۇزىنىكىنىڭ 20/1 ىن ۇستاپ، 30 نەشە مەملەكەت پەن رايونعا ساتىلۋدا.
جاڭا داۋىردە يان - ان الماسى پارتيالى كادرلاردىڭ باعبانداردى باستاپ كەدەيلىكتەن ارىلتۋدان قامال الۋدان اۋىل - قىستاقتى جاپپاي گۇلدەندىرۋدى ىلگەرىلەتۋگە دەيىنگى بارىسىن ايقىن بەينەلەدى.
جاڭا تەحنيكانى وتباسىلارىنا جەتكىزۋ وڭاي ەمەس، قايتۋ كەرەك؟ پارتيالى كادرلار، اۋىل شارۋاشىلىق تەحنيكا ماماندارى اتىزعا بارىپ، ەسەپ - قيساپتى جەمىس باعباندارعا قايتا - قايتا كورسەتتى؛
سۋ قۋاڭ وڭىرگە جەتپەسە، قايتۋ كەرەك؟ بۇقارانىڭ اسىققانىنا اسىعۋ نەگىزىندە، ساياسات دەر كەزىندە شىعارىلىپ، سۋارۋ تەحنيكاسى اتىزعا دەيىن تياناقتاندى؛
بازارداعى ساتۋ مەن حاۋىپ - قاتەر قيىن ماسەلەلەرىن قالاي شەشۋ كەرەك؟ امالدىڭ بارىنشا فينانس، ەلەكتروندىق ساۋدا، ەكولوگيالىق اۋىل شارۋاشىلىعى سياقتىلاردىڭ الما كاسىبىنە كۇش ۇستەۋىنە مۇمكىندىك جاساپ، ”قامسىزداندىرۋ + كەسىكتى بۇيىم“ ۇلگىسىمەن جاڭالىق اشۋ ارقىلى كىرىستى ورنىقتى ارتتىرۋدىڭ حاۋىپسىزدىك تورىن نىعايتتى؛
...
ءبىر الما كاسىپ تىزبەگى سان مىڭداعان شاعىن شارۋا وتباسىلارىن تۇتاستىرىپ، اۋىل شارۋاشىلىعىمەن، مادەنيەت، ساياحاتپەن توعىسىپ، جاڭا داۋىردەگى ”ءدىلدا اعاشىنا“ اينالدى، مۇندا اۋىل شارۋاشىلىعىن وسىزامانداندىرۋدىڭ قۇپيا سيفرى جاسىرىنۋمەن بىرگە، تاماشا ستيلمەن نەگىزدى بەكەمدەيتىن ساپالى دامۋ جولى دا ايگىلەندى.
جينجوۋدان يان - انعا دەيىن، تاريحتان رەالدىققا دەيىن، ”الما حيكاياسى“ تۇگەلدەي حالىقپەن تىعىز بايلانىستى بولدى، بۇل ءسوزدىڭ باس شۋجي شي جينپيڭنىڭ كوڭىل تورىندەگى سالماعى ەڭ اۋىر.
2012 - جىلعا قايتا ورالايىق. پارتيانىڭ 18 - قۇرىلتايى جابىلعاننان كەيىن كوپ وتپەي، باس شۋجي شي جينپيڭ ج ك پ ورتالىق كوميتەتى ساياسي بيۋروسىنىڭ ءماجىلىسىن باسقارىپ، «پارتيا 18 - كەزەكتى ورتالىق كوميتەتى ساياسي بيۋروسىنىڭ قىزمەت ستيلىن جاقسارتۋ، بۇقارامەن تىعىز بايلانىس جاساۋ جونىندەگى 8 ءتۇرلى بەلگىلەمەسىن» قاراپ ماقۇلدادى.
باياندامانى قاراۋ بارىسىندا باس شۋجي شي جينپيڭ بىلاي دەپ اتاپ كورسەتتى: "ءبىز جايسىزدانساق، ءوزىمىزدى قاتاڭىراق ۇستاساق، بۇقارانىڭ جايلىلىعى جاقسىراق بولادى، رازىلىق دارەجەسى جوعارىلايدى، بىزگە دەگەن اسەرى جاقسىراق بولادى“.
قاتاڭ سەگىز ءتۇرلى بەلگىلەمە، جىلى دا ىقىلاستى سوزدەر ”شاعىن كىرىسۋ ءتۇيىنى“ ارقىلى ”زور وزگەرىستى“ ىلگەرىلەتىپ، پارتيانى جاپپاي قاتاڭ جونگە سالۋدىڭ بەتاشارىن اشتى.
جۇرتشىلىقتىڭ ەسىندە انىق سايراپ تۇر: باس شۋجي شي جينپيڭ پارتيانىڭ 18 - قۇرىلتايىنان كەيىن تۇڭعىش رەت بەيجيڭنەن گۋاڭدۇڭعا بارىپ قىزمەت تەكسەرگەندە، جولدى يەلەپ المادى، جولدى بەكىتتىرمەدى، قىزىل كىلەم توسەتپەدى؛ حىبەيدىڭ فۋپيڭ قالاسىنا بارىپ قىزمەت تەكسەرگەندە ءتورت قۋىرماش، ءبىر سورپادان ءدام تاتتى؛ سىچۋاننىڭ لۋشانىنداعى جەر سىلكىنىسى اپاتى تۋىلعان رايوندا ۋاقىتتىق تاقتاي ۇيدە تۇردى... ىشەر اس، جاتىن ورىن، ءجۇرىس - تۇرىستا قاراپايىم بولىپ، حالىق تۇرمىسىنا كوبىرەك پايدا جەتكىزىپ، حالىق تۇرمىسىنداعى قيىنشىلىقتاردى كوبىرەك شەشتى.
ادامدار قاتتى اسەرلەندى: 2019 - جىلدىڭ ءبىر كۇنى باس شۋجي شي جينپيڭ ۇشاققا وتىرىپ چۇڭچيڭگە بارىپ، ونان پويەز وتىرىپ، اۆتوكولىك اۋىستىرىپ، جول بويى دامىلداماي ءجۇرىپ، شىجۋ تۋجيا اۆتونوميالى اۋدانى جۇڭ - ي اۋىلى حۋاشي قىستاعىنا كەلدى؛ سول جىلى ءبىر اي ىشىندە باس شۋجي شي جينپيڭ شەتەلدەرگە 4 رەت بارىپ، 5 ەلگە قادام تاستاپ، شامامەن 90 مايدان ەكى جاقتى، كوپ جاقتى قيمىلعا ارت – ارتىنان قاتىناستى، ءوزىن ارنايتىن قىزمەت كۇيى توراپتاستاردىڭ القاۋىنا بولەندى.
ارەكەت ارقىلى بۇيرىق ءتۇسىرىپ، ءوزى ونەگە بولدى، باس شۋجي شي جينپيڭ بۇكىل پارتياعا ستيل قۇرىلىسىن كۇشەيتۋدىڭ شۇعىلالى ۇلگىسىن ورناتتى.
پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى شىرىكتەسۋگە قارسى تۇرۋدا بەلگىلەمە شىعارىپ، ”تۇلعانى جونگە سالۋدى“ ىلگەرىلەتىپ، قاعيدانى ايقىنداپ، سەنىمدى ارتتىرىپ، ”كوڭىل كۇيدى جونگە سالدى“. ”جولبارىس سوعۋدى“، ”شىبىن قاعۋدى“، ”تۇلكى اۋلاۋدى“ جان – جاقتى باسقارىپ، بىرگە يگەرۋدەن پارتيانى جونگە سالۋدىڭ كوپ ءتۇرلى شارالارىن العا قويۋعا دەيىن ”حالىققا پايدالى ىستەردى ىستەۋدە تيتتەي دە اعاتتىق جىبەرمەۋ“ دەيتىن تۋ ايقىن ۇستالدى؛ پارتيانىڭ بۇقارالىق لۋشيان تاربيەسىن امالياتتا ايگىلەۋ قيمىلىنان شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە دەيىن، ”حالىققا پايدالى ىستەردى ىستەۋدە، ءسوز جوق، كوركەيتۋ كەرەك“ دەيتىن مايداننان باستان – اياق جازبادى... رەالدىققا بەتپە - بەت كەلگەن ”ماسەلەلەردى الاستاۋ“، پارتيا ىشىندەگى ساياسي ەكولوگيانى ”شوعىرلى تازارتۋ“ دۇرىس سالتتى اسقاقتاتىلىپ، حالىق تۇرمىسىنا تيىمدىلىك جاسالىپ، دامۋى جەبەلدى.
دامۋ تاماشا ورتانى قاجەت ەتەدى، تاماشا ورتا زاڭمەن باسقارۋعا سۇيەنەدى، كادرلار ستيلىنە دە سۇيەنەدى. ”اس ۇستەلىندەگى ىسىراپشىلدىق“، ”ساۋىقحاناداعى تەرىس ستيل“، ”دوڭعالاقتاعى جايما“ سياقتى تەرىس ستيلدەر تەجەلىپ، ساۋدا ورتاسى ساپالىلانىپ، بازار قايتادان كوڭىلدەگىدەي جۇرگىزىلىپ، كاسىپ سالاسىنىڭ ساپالى دامۋعا بەت الۋىنا جەتەكشىلىك ەتىلىپ، كاسىپورىنداردىڭ جاڭالىق اشۋعا ۇسىنىلىمدى ارتتىرۋى ىلگەرىلەتىلىپ، ۇكىمەتتىڭ حالىق تۇرمىسىنا ۇسىنىلىمىنىڭ جىل سايىن ارتۋى جەبەلدى؛ فورماشىلدىق، تورەشىلدىك سياقتى ەسكىلىكتى اۋرۋلار ىشكەرىلەي جونگە سالىنىپ، نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ مەحانيزمى ورناتىلىپ، پارتيالى كادرلار ناقتى جاعدايدى تەكسەرۋگە، ناقتى شارا قولدانۋعا، ناقتى ءىس ىستەۋگە، ناقتى ونىمدىلىككە ۇمتىلۋعا اناعۇرلىم كوپ كۇش سالدى.
پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسىن جاسادى، بۇكىل پارتيا باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسىن جەتەكشى ەتىپ، پارتيانىڭ ۇلى وزىندىك توڭكەرىسىن ماڭگى اتوي سالۋ بەينەسىمەن سوڭىنا دەيىن جۇرگىزىپ، حالىقتىڭ تاماشا تۇرمىسىنا ءتىپتى دە كوپ ”باقىت جەمىسىن“ بەرۋدە.
قىپ - قىزىل الما قىپ - قىزىل اۋەلگى ماقساتتى بەينەلەدى، باياشات قازىرگى جاعدايدى جانە بولاشاقتى اڭعارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
