جۇڭگوشا فينانس مادەنيەتىن بەلسەنە جەتىلدىرەيىك
_ باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2024.01.22 15:54 كەلۋ قاينارى : حالىق تورابى
”فينانستىڭ ساپالى دامۋىن ىگەرىلەتۋدە، فينانستا قۋاتتى ەل قۇرۋدا زاڭ ارقىلى باسقارۋ مەن ءمورال ارقىلى باسقارۋدى ۇشتاستىرۋدا تاباندى بولىپ، جۇڭگوشا فينانس مادەنيەتىن بەلسەنە جەتىلدىرۋ كەرەك“. ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ جۇڭگوشا فينانس مادەنيەتىن جەتىلدىرۋ جانە ساۋلەلەندىرۋ سىندى كەلەلى تاقىرىپتى ايقىن العا قويىپ، جۇڭگوشا فينانس مادەنيەتىنىڭ 5 جاقتاعى امالياتتىق تالابىن تەرەڭ پايىمدادى، بۇل جۇڭگوشا فينانستى دامىتۋ جولىمەن ويداعىداي ءجۇرىپ، فينانستىڭ ساپالى دامۋىن ىلگەرىلەتۋدە توتەنشە ماڭىزدى جەتەكشىلىك مانگە يە.
مادەنيەت − ءبىر مەملەكەتتىڭ، ءبىر ۇلتتىڭ جانى. ەلىمىز فينانسىنىڭ ساپالى دامۋىن ىلگەرىلەتىپ، فينانستا قۋاتتى ەل قۇرۋدا وسى زامانعى فينانس قۇرىلىمدارى مەن فينانس نەگىزدىك قۇرىلعىلارى سياقتى ”قاتتى كۇش“ قۇرىلىسىن كۇشەيتۋمەن بىرگە، قۇن كوزقاراسى، ارەكەت ولشەمى سياقتى ”جۇمساق كۇشتىڭ“ جوعارىلاۋىن دا جەبەۋ كەرەك. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ماركسيزمدىك فينانس نازارياسىن زامانىمىزداعى جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، فينانس امالياتىندا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، جۇڭگوشا فينانستى دامىتۋ جولىمەن بىرتىندەپ ءجۇردى. ”ادال، سەنىمدى بولۋ، تومەنگى شەكتەن اتتاماۋ؛ ادىلدىكپەن پايداعا قول جەتكىزۋ، پايدانى عانا كوزدەمەۋ؛ بايىپتى، ساق بولۋ، وڭاي ولجانى عانا كوزدەمەۋ؛ تۋراشىلدىقتان اينىماي جاڭالىق اشۋ، امالياتتان الشاقتاپ، جالعاندىققا بەت الماۋ؛ زاڭعا، ەرەجەگە ۇيلەسىمدى بولۋ، ويىنا كەلگەنىن ىستەمەۋ كەرەك“، باس شۋجي شي جينپيڭ العا قويعان وسى 5 جاقتاعى امالياتتىق تالاپ − پارتيامىزدىڭ فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمىنىڭ ونان ارى تەرەڭدەۋى سانالىپ، جۇڭگوشا فينانس مادەنيەتىن بەلسەنە جەتىلدىرۋگە قۇلشىنۋ بەتالىسىن كورسەتتى.
جۇڭگوشا فينانس مادەنيەتىن بەلسەنە جەتىلدىرۋدە ”جۇڭگوشا ەرەكشەلىك“ سىندى تەتىكتى كورنەكتىلەندىرۋ كەرەك. جۇڭحۋا وركەنيەتىنىڭ تاريحى ۇزاق، جۇڭحۋا مادەنيەتىنىڭ ءمانى تەرەڭ، وندا مول ءمورالدىق بايلىق قامتىلعان، جۇڭحۋانىڭ تاڭداۋلى ءداستۇرلى مادەنيەتىنەن ءنار الۋ − جۇڭگوشا فينانس مادەنيەتىن جەتىلدىرۋدىڭ ىشكى تالابى. جۇڭحۋانىڭ تاڭداۋلى ءداستۇرلى مادەنيەتى سەنىمدىلىككە ءمان بەرىپ، ۋادەسىندە تۇرۋدى دارىپتەيدى، فينانس سالاسى سەنىمدىلىكتى نەگىز ەتەدى، ءسوز جوق، كەلىسىم رۋحىندا باستان - اياق تاباندى بولىپ، ادال، سەنىمدى بولۋ كەرەك. ”الدىمەن ادىلەتتى كوزدەپ، ونان سوڭ پايدا تابۋ داڭق، الدىمەن پايدا تابۋدى كوزدەپ، ونان سوڭ ادىلەتتى كوزدەۋ نامىس“، فينانس يقۋاتتىق جانە پايدا تابۋ سيپاتىنا يە، ءسوز جوق، ادىلەت ارقىلى پايدا تابۋدا باستان - اياق تاباندى بولىپ، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىن جۇزەگە اسىرۋ كەرەك. ”اسىققان جولدا قالادى، بولماشى پايدانى كوزدەگەندەر ۇلكەن ءىس تىندىرا المايدى“، فينانس كاسىبى __ حاۋىپ - قاتەرى جوعارى ەرەكشە كاسىپ، ءسوز جوق، حاۋىپ - قاتەردەن ساقتانۋدى جانە ونى تىزگىندەۋدى ماڭگىلىك تاقىرىپ ەتۋدە باستان - اياق تاباندى بولۋ كەرەك، وڭاي ولجا تابۋعا بولمايدى. ”كۇن سايىن جاڭارىپ، كۇن سايىن تۇلەپ وتىرۋ كەرەك“، جاڭالىق اشۋ − فينانس كاسىبىنىڭ العا باسۋىن ىلگەرىلەتەتىن قوزعاۋشى كۇش، ءسوز جوق، دۇرىس جولدان تايماي، جاڭالىق اشۋدا باستان - اياق تاباندى بولۋ كەرەك، ءبىراق جاڭالىق اشۋ دەگەن اتپەن كوزسىزدىكپەن ىستەپ، قارجىنىڭ ىشكى اينالىمىنا قاۋىرت كىرىسىپ، شىندىقتان قول ءۇزىپ، ۆيرتۋالدىققا بەت الۋعا بولمايدى. ”زاڭ − الەمنىڭ قاعيداسى، بارلىق ءىستىڭ كورسەتكىشى“، فينانس كاسىبىندە اقشامەن بارىس - كەلىس جاسالادى، تابيعي تۇردە ءبىرشاما جوعارى ءمورالدىق حاۋىپ - قاتەرگە، مەڭگەرۋ حاۋىپ - قاتەرىنە ءدوپ كەلەدى، ءسوز جوق، زاڭ بويىنشا تيجارات جۇرگىزۋدە، ەرەجەگە ساي جۇمىس جۇرگىزۋدە باستان - اياق تاباندى بولۋ كەرەك، ويىنا كەلگەنىن ىستەۋگە، تومەنگى شەكتى بۇزۋعا بولمايدى.
جۇڭگوشا فينانس مادەنيەتىن بەلسەنە جەتىلدىرۋدە تانىم مەن ارەكەتتىڭ بىرلىگىندە تاباندى بولۋ كەرەك. بازار ەرەجەسى مەن كاسىپتىك ءمورالعا بويسۇنىپ، ادال، سەنىمدى بولۋدى ءتۇرلى كاسىپتەرگە ءسىڭىرىپ، قاتاڭ ەسەپ، قاتاڭ ەرەجە رۋحىن ساۋلەلەندىرىپ، باستان - اياق جالعان ەسەپ جاساماۋ، ادالدىقپەن تيجارات جۇرگىزۋ، سەنىمدىلىكتى قاستەرلەۋ، تومەنگى شەكتەن اتتاماۋ كەرەك. ادىلەت پەن مۇددەنىڭ قاتىناسىن دۇرىس شەشىپ، ەكونوميكالىق، قوعامدىق دامۋعا قىزمەت وتەۋ بارىسىندا قۇن مەن پايدا جاراتىپ، ەكونوميكا مەن فينانستىڭ بىرگە ءومىر ءسۇرۋىن، بىرگە گۇلدەنۋىن جۇزەگە اسىرۋ كەرەك. دۇرىس تيجارات كوزقاراسىن، كاسىپتىك ناتيجە كوزقاراسىن، حاۋىپ - قاتەر كوزقاراسىن ورناتىپ، ورنىقتى تيجارات جۇرگىزىپ، قازىرگى جاعدايعا دا، ۇزاق بولاشاققا دا كوز جىبەرىپ، قىسقا مەرزىمدىك پايداعا بوي ۇرماۋ، ۇشقالاقتىققا سالىنباۋ، توزىمدىلىك قۋاتىنان اسىپ كەتپەۋ، شەكتەن تىس تاۋەكەلشىلدىك ىستەمەۋ كەرەك. فينانستىڭ كىم ءۇشىن قىزمەت ىستەۋ، كىم ءۇشىن جاڭالىق اشۋ ماسەلەسىن ويداعىداي شەشىپ، ناقتى ەكونوميكاعا اناعۇرلىم ويداعىداي قىزمەت وتەۋدى، حالىق بۇقاراسىنىڭ جاڭالىق اشۋدى ىلگەرىلەتۋىنە قولايلىلىق جاساۋدى تىعىز ارقاۋ ەتۋ كەرەك، جالعان جاڭالىق اشۋعا، بەتالدى جاڭالىق اشۋعا بولمايدى. تارتىپكە، زاڭعا قاتاڭ بويسۇنىپ، فينانستى باقىلاۋ - باسقارۋ تالابىنا بويسۇنىپ، باقىلاۋ - باسقارۋ رۇقسات ەتكەن كولەمدە سانالى تۇردە زاڭ بويىنشا تيجارات جۇرگىزۋ كەرەك، زاڭ - ەرەجە مەن ءتۇزىم بوستىعىن ىزدەۋگە، باقىلاۋ - باسقارۋدان جالتارۋعا بولمايدى. فينانس قۇرىلىمدارى مەن كاسىپپەن شۇعىلدانۋشىلار كوكەيگە ۇيالاتىپ، ارەكەتتە ايگىلەپ، جۇڭگوشا فينانس مادەنيەتىنىڭ بەلسەندى تاراتۋشىسى جانە ۇلگىلى امالياتتا ايگىلەۋشىسى بولىپ، باس شۋجي شي جينپيڭ العا قويعان 5 جاقتاعى امالياتتىق تالاپتى ءوز قىزمەت ورنىندا، ناقتى ارەكەتىندە تىڭعىلىقتى تياناقتاندىرىپ، فينانستىڭ ساپالى دامۋى ءۇشىن مادەنيەت نەگىزىن، مادەنيەت رۋحىن بەكەمدەۋى كەرەك. تۇتاس قوعامدا جۇڭگوشا فينانس مادەنيەتىن ساۋلەلەندىرەتىن قويۋ راي قالىپتاستىرۋ كەرەك.
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ − جاڭا داۋىردەگى ەڭ ۇلكەن ساياسي، فينانستا قۋاتتى ەل قۇرۋدى جەدەلدەتۋ بورىشى جۇكتەلدى، جاۋاپكەرلىگى اۋىر. العا باسۋ جولىندا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مەملەكەتتىڭ زور ءىسىن كوكەيدە ساقتاپ، بورىشتى، جاۋاپكەرلىكتى كۇشەيتىپ، جۇڭگوشا فينانس مادەنيەتىن بەلسەنە جەتىلدىرىپ، جۇڭگوشا فينانستى دامىتۋ جولىمەن بۇلجىماي ءجۇرىپ، جاڭا داۋىردەگى فينانس قىزمەتىنىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋگە تىڭ دا اناعۇرلىم زور ۇلەس قوسايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
