جاڭا نۇسقاداعى «اۋىل شارۋاشىلىعىن، اۋىل – قىستاقتى ولشەمدەندىرىپ باسقارۋ ءادىسى» جاريالاندى
7 – ايدىڭ 1 – كۇنىنەن باستاپ رەسمي اتقارىلادى
2024.01.24 14:46 كەلۋ قاينارى : حالىق تورابى
بازار باقىلاۋ - باسقارۋ باس مەكەمەسى 1 – ايدىڭ 23 - كۇنى وزگەرىس ەنگىزىلگەننەن كەيىنگى «اۋىل شارۋاشىلىعىن، اۋىل - قىستاقتى ولشەمدەندىرىپ باسقارۋ ءادىسىن» جاريالادى، بۇل 2024 – جىلى 7 – ايدىڭ 1 - كۇنىنەن باستاپ رەسمي اتقارىلادى.
باسقارۋ ادىسىندە ەرەجە - تارتىپتەردىڭ قولدانىلۋ كولەمى جالاڭ اۋىل شارۋاشىلىعىنان اۋىل شارۋاشىلىعى، اۋىل - قىستاق سالاسىنا دەيىن كەڭەيتىلىپ، اۋىل شارۋاشىلىعى، اۋىل - قىستاق ولشەمىنىڭ انىقتاماسى مەن كولەمى بەلگىلەنىپ، اۋىل - قىستاق قۇرىلعى ورتاسى، اۋىل - قىستاق الەۋمەتتىك قىزمەت وتەۋى، اۋىل - قىستاقتى جونگە سالۋ سياقتى تەحنيكالىق تالاپتار اۋىل شارۋاشىلىعىن، اۋىل - قىستاقتى ولشەمدەندىرۋ قىزمەتىنە ەنگىزىلەدى.
اۋىل شارۋاشىلىعى، اۋىل - قىستاق ولشەمىن بەلگىلەۋ تالابىن ايقىنداپ، نازاردى اۋىل شارۋاشىلىعى، اۋىل - قىستاق سالاسىنداعى كورنەكتى ماسەلەلەردى شەشۋ، اۋىل شارۋاشىلىق ونىمدەرىنىڭ ساپاسى مەن ونىمدىلىگىن جوعارىلاتۋ، اۋىل - قىستاقتى جونگە سالۋ قابىلەتىن جوعارىلاتۋ، ەكولوگيالىق ورتانى قورعاۋ قاتارلىلارعا شوعىرلاندىردى. سونىمەن بىرگە، اۋىل شارۋاشىلىعىنىڭ، اۋىل - قىستاقتىڭ مەملەكەتتىك ولشەمىن، جەرگىلىكتى ولشەم كولەمىن ايقىنداپ، اۋىل شارۋاشىلىق قوسىلمالارىن جانە ادەتتەگى اۋىل شارۋاشىلىق ونىمدەرىنىڭ ساپاسىن، تەكسەرۋ ءادىسىن بەلگىلەۋدە پرينسيپتىك جاقتان جەرگىلىكتى ولشەم بەلگىلەمەۋ؛ قاتىستى ورىنداردى حالىقارالىق ولشەمدەندىرۋ قيمىلىنا قاتىناسۋعا شابىتتاندىرىپ، ەلىمىزدىڭ ولشەمى مەن حالىقارالىق ولشەمنىڭ بىردەيلىگىن جوعارىلاتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
