شي جينپيڭ بەيجيڭ قاتىناس داشۋەسىندەگى كەنيالىق وقۋشىلاردىڭ جانە مەكتەپتەستەردىڭ ۋاكىلدەرىنە جاۋاپ حات قايتاردى
2024.01.24 16:28 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 23 - كۇنى، بەيجيڭ. 1 - ايدىڭ 17 - كۇنى مەملەكەت ءتوراعاسى شي جينپيڭ بەيجيڭ قاتىناس داشۋەسىندەگى كەنيالىق وقۋشىلاردىڭ جانە مەكتەپتەستەردىڭ ۋاكىلدەرىنە جاۋاپ حات جازىپ، ولاردى جۇڭگو - كەنيا جانە جۇڭگو - افريكا دوستىق ىستەرى ءۇشىن ۇزدىكسىز ۇلەس قوسىپ، ونەگە كورسەتۋگە شابىتتاندىردى.
شي جينپيڭ بىلاي دەپ اتاپ كورسەتتى: جۇڭگو مەن كەنيانىڭ دوستىعى ارىدان باستاۋ الادى. ”ءبىر بەلدەۋ، ءبىر جولدى“ بىرگە قۇرۋ باستاماسى جۇڭگو مەن كەنيانىڭ دامۋ، گۇلدەنۋ مۇراتىن رەالدىققا اينالدىرىپ، ەكى ەل حالىقتارىنىڭ ىرىس - قۇتىن تىعىز بايلانىستىردى. مومباسا - نايروبي تەمىر جولى − جۇڭگو مەن كەنيانىڭ ”ءبىر بەلدەۋ، ءبىر جولدى“ بىرگە قۇرۋداعى باستاماشى نىسانى جانە تابىستى ۇلگىسى. مەن سىزدەردىڭ وسى ”باقىت جولى“ ارقىلى جۇڭگومەن بايلانىس ورناتىپ، جۇڭگو مەن كەنيانىڭ جانە جۇڭگو مەن افريكانىڭ دوستىق سەلبەستىگىنىڭ كۋاگەرى، يگىلىگىن كورۋشىسى، ونان دا ماڭىزدىسى، قۇرۋشىسى جانە تاراتۋشىسى بولعاندارىڭدى قۋانىشپەن كورىپ وتىرمىن.
شي جينپيڭ بىلاي دەپ دارىپتەدى: بولاشاققا كوز جىبەرسەك، ”ءبىر بەلدەۋ، ءبىر جولدىڭ“ ايبىندى كارتيناسى جانە جۇڭگو مەن كەنيانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ايبىندى جوباسى سەندەردى قامتىعان اناعۇرلىم كوپ ىسكەر جاستاردىڭ ىسكە اسىرۋىن قاجەت ەتەدى. سەندەردىڭ كاسىپتىك ءبىلىمدى ويداعىداي ۇيرەنىپ، ءداستۇرلى دوستىقتى جالعاستىرىپ، ەكى ەلدىڭ سەلبەستىگىنە ات سالىسىپ، جۇڭگو - افريكا دوستىق حيكاياسىن ويداعىداي بايانداپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋلارىڭدى ءۇمىت ەتەمىن.
بىرنەشە كۇننىڭ الدىندا بەيجيڭ قاتىناس داشۋەسىندەگى كەنيالىق وقۋشىلاردىڭ جانە مەكتەپتەستەردىڭ ۋاكىلدەرى ءتوراعا شي جينپيڭگە حات جولداپ، جۇڭگوعا كەلىپ تەمىر جول اينالىسىن باسقارۋ ءبىلىمىن ۇيرەنگەندەرىنە توتەنشە قۋانىشتى ەكەندەرىن، كەنيا - جۇڭگو دوستىعىنىڭ كوپىرى بولىپ، ەكى ەلدىڭ دوستىعى مەن سەلبەستىگىن جوعارىلاتۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋدى ءۇمىت ەتەتىندەرىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
