لي چياڭ ماماندار، كاسىپورىنشىلار جانە وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنەتاربيە سياقتى سالالاردىڭ ۋاكىلدەرىنىڭ اڭگىمە ءماجىلىسىن باسقارىپ اشتى
ۇكىمەت قىزمەتىنەن بايانداما جونىندەگى ۇسىنىس - پىكىردى تىڭدادى
ديڭ شۋەشياڭ قاتىناستى
2024.01.24 16:34 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 23 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 1 - ايدىڭ 23 – كۇنى تۇستەن كەيىن ماماندار، كاسىپورىنشىلار جانە وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنەتاربيە سياقتى سالالاردىڭ ۋاكىلدەرىنىڭ اڭگىمە ءماجىلىسىن باسقارىپ اشىپ، «ۇكىمەت قىزمەتىنەن بايانداما (پىكىر الۋ نۇسقاسى)» جونىندەگى ۇسىنىس - پىكىردى تىڭدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ ماجىلىسكە قاتىناستى.
اڭگىمە ماجىلىسىندە ما حايتاۋ، لي يانحۇڭ، يان جيانۋىن، لي لۋميڭ، ۋاڭ شياۋيۇن، ۋاڭ چۇنفا، ليۋ جىن، جاڭ يۇيفىڭ قاتارلىلار ىلگەرىندى - كەيىندى ءسوز سويلەدى. كوپشىلىك بىلاي دەپ قارادى: وتكەن جىلى ەلىمىز ەكونوميكاسى ءبىرشاما تەز ارتىپ، دامۋدىڭ جاڭا قوزعاۋشى كۇشى، جاڭا ابزالدىعى جەدەل قالىپتاسىپ، كوپتەگەن جاقتا بەلسەندى جاقسارۋ وزگەرىسى جارىققا شىقتى، ناتيجەگە قول جەتكىزۋ وڭاي – وسپاق بولعان جوق. كوپشىلىك قازىرگى دامۋ بارىسىنداعى ماسەلەلەردى شەشۋ جانە بيىلعى ۇكىمەت قىزمەتىن ويداعىداي ىستەۋ جونىندە ۇسىنىس - پىكىر بەردى.
كوپشىلىكتىڭ ءسوزىن مۇقيات تىڭداعاننان كەيىن لي چياڭ بىلاي دەپ اتاپ كورسەتتى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، قايراتتانا العا ۇمتىلىپ، قيىنشىلىقتاردى جەڭىپ، ەلىمىزدىڭ دامۋى سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، تولقىن فورماسىنداعى دامۋ، بۇراڭ جولمەن العا باسۋ بارىسىندا تىڭ دا كەلەلى تابىستارعا قول جەتكىزدىك. ساپالى دامۋدىڭ بەلسەندى فاكتورلارى ۇزدىكسىز توپتالدى. العا باسۋ جولىندا ءتۇرلى قيىنشىلىقتار مەن سىندارعا تاپ بولعانىمىزبەن، جيناقتاپ قاراعاندا، ەلىمىزدىڭ دامۋى ءدوپ كەلىپ وتىرعان ءتيىمدى شارت - جاعداي ءتيىمسىز فاكتورلاردان ۇستەم، ەكونوميكانىڭ قايتا ورلەۋى، ۇزاق ۋاقىت جاقسارۋى سىندى نەگىزگى اۋقىم وزگەرمەيدى. ءبىز قيىنشىلىقتار مەن سىن - سايىسقا دۇرىس قاراۋىمىز، ونان دا ماڭىزدىسى، دامۋ سەنىمىن بەكەمدەپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەپ، ەلىمىز دامۋىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋىمىز كەرەك.
لي چياڭ بىلاي دەپ دارىپتەدى: پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرىپ، بيىلعى ەكونوميكالىق، قوعامدىق دامۋدىڭ ءتۇرلى قىزمەتتەرىن تىڭعىلىقتى ىستەۋ كەرەك. ماكرولىق رەتتەۋ - مەڭگەرۋدىڭ رولىن اناعۇرلىم ويداعىداي ساۋلەلەندىرىپ، بەلسەندى قازىنا ساياساتىندا لايىقتى كۇش قوسىپ، ساپانى جوعارىلاتىپ، ونىمدىلىكتى ارتتىرۋ، ورنىقتى اقشا ساياساتىندا يكەمدى، ۇيلەسىمدى، دالمە - ءدال، ءونىمدى بولىپ، ماكرولىق ساياسات بەتالىسىنىڭ بىردەيلىگىن كۇشەيتىپ، ەكونوميكانىڭ قايتا ورلەۋ جاعدايىن شىنايى بەكەمدەۋ جانە نىعايتۋ كەرەك. رەفورمانى تەرەڭدەتىپ، ەسىك اشۋدى كەڭەيتۋدە تاباندى بولىپ، ءتۇرلى تيجارات تۇلعالارىنىڭ ومىرشەڭدىك كۇشىن قاۋلاتىپ، بۇكىل ەل بويىنشا ءبىر تۇتاس ءىرى بازار قۇرۋدى جەدەلدەتىپ، بازارلانعان، زاڭمەن جونگە سالىناتىن، حالىقارالانعان ماڭداي الدى تيجارات - ساۋدا ورتاسىن ۇزدىكسىز قالىپتاستىرىپ، دامۋدىڭ قوزعاۋشى كۇشى مەن ومىرشەڭدىك كۇشىن ۇزدىكسىز نىعايتۋ كەرەك. ىشكى سۇرانىمدى ۇلعايتۋدى حالىق تۇرمىسىنا تيىمدىلىك جاساۋمەن تىعىز ۇشتاستىرىپ، حالىق تۇرمىسىنىڭ كوپ ساتىلى، الۋان ءتۇرلى قاجەتىن قاناعاتتاندىرۋ بارىسىندا ەكونوميكانىڭ جاڭا ارتۋ تۇيىندەرىن جەتىلدىرۋگە اناعۇرلىم ءمان بەرىپ، تۇرعىنداردىڭ تۇرعىن ءۇي، وقۋ - اعارتۋ، ەمدەۋ، مادەنيەت، دەنەتاربيە، ساياحات سياقتى جاقتارداعى قاجەتىن اناعۇرلىم ويداعىداي قاناعاتتاندىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
لي چياڭ كوپشىلىكتىڭ ءوز قىزمەتىن تياناق ەتىپ، قايراتتانا ءىس تىندىرۋىن، سونىمەن بىرگە، نەگىزگى ساتى مەن ءار جاقتىڭ ارمان - تىلەگىن بەلسەنە اڭىس ەتىپ، اناعۇرلىم كوپ ناقتى ۇسىنىس قويىپ، ەلىمىزدىڭ ساپالى دامۋىن ىلگەرىلەتۋگە اقىل - پاراسات جانە كۇش - قۋات توپتاۋىن ءۇمىت ەتتى.
ۋ جىڭلۇڭ اڭگىمە ماجىلىسىنە قاتىناستى.
«ۇكىمەت قىزمەتىنەن بايانداما (پىكىر الۋ نۇسقاسى)» جونىندە جەر - جەردەن، تاراۋلاردان ءبىر ۋاقىتتا پىكىر الىندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
