جاۋ لىجي جيبۋتي حالىقتىق پارلامەنتىنىڭ باستىعى ديلەتتامەن كەڭەس وتكىزدى
2024.01.24 16:35 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 23 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 1 - ايدىڭ 23 - كۇنى تۇستەن كەيىن حالىق سارايىندا جيبۋتي حالىقتىق پارلامەنتىنىڭ باستىعى ديلەتتامەن كەڭەس وتكىزدى.
جاۋ لىجي مىنانى ءبىلدىردى: ءتوراعا شي جينپيڭ مەن گەللە زۇڭتۇڭنىڭ ستراتەگيالىق جەتەكشىلىگىندە، جۇڭگو مەن جيبۋتيدىڭ ساياسي ءوزارا سەنىمدىلىگى كۇن سايىن تەرەڭدەپ، ناقتى سەلبەستىگى ورنىقتى ىلگەرىلەپ، گۋمانيتارلىق اۋىس - كۇيىسى ناتيجەلى بولدى. بيىل − جۇڭگو مەن جيبۋتيدىڭ ديپلوماتيالىق قارىم - قاتىناس ورناتقانىنىڭ 45 جىلدىعى. جۇڭگو جيبۋتيمەن قول ۇستاسا قۇلشىنىپ، ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرۋدى جەتەكشى ەتىپ، جۇڭگو مەن جيبۋتيدىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن بىرگە ىلگەرىلەتۋدى قالايدى.
جاۋ لىجي بىلاي دەپ اتاپ كورسەتتى: جۇڭگو جۇڭگو - جيبۋتي قارىم - قاتىناسىنا باستان - اياق ۇزاق بولاشاقتىق تۇرعىدان جانە ستراتەگيالىق تۇرعىدان مامىلە جاسايدى جانە ونى دامىتادى. جۇڭگو جاق جيبۋتي جاقتىڭ تايۋان، شينجياڭ، شياڭگاڭعا ساياتىن ىستەر، ادامدىق ۇقىق سياقتى ماسەلەلەردە كورسەتكەن باعالى قولداۋىنا العىس ايتادى، جيبۋتيدىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن، ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن، حالىقارالىق جانە وڭىرلىك ىستەردە اناعۇرلىم زور رول اتقارۋىن ۇزدىكسىز قولدايدى. ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، ستراتەگيالىق ۇشتاسۋدى كۇشەيتىپ، پورت جانە ەركىن ساۋدا باقشا رايونى، قارجى قوسۋ، نەگىزدىك قۇرىلعى قۇرىلىسى سياقتى سالالارداعى سەلبەستىكتى كەڭەيتۋدى قالايدى. جۇڭگو جاق جيبۋتي جاقتىڭ ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولداعانىن القايدى، 3 ۇلكەن باستامانىڭ جيبۋتيدا تياناقتانىپ، ءونىم بەرۋىن ىلگەرىلەتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋعا تىڭ ۇلەس قوسۋدى قالايدى.
جاۋ لىجي مىنانى ءبىلدىردى: زاڭ شىعارۋ قۇرىلىمدارىنىڭ اۋىس - كۇيىسى، سەلبەستىگى مەملەكەتتەر قارىم - قاتىناسىنىڭ دامۋىن ىلگەرىلەتۋدە ماڭىزدى رول اتقارۋدا. جۇڭگو مەملەكەتتىك حالىق قۇرىلتايى جيبۋتي حالىقتىق پارلامەنتىمەن بىرگە زاڭ شىعارۋ قۇرىلىمدارىنىڭ جوعارى جىكتەگىلەرى، ارناۋلى كوميتەتتەرى، ەكى جاقتى دوستىق گرۋپپالارى، سونداي - اق حالىق قۇرىلتايى ۋاكىلدەرى مەن پارلامەنت مۇشەلەرى اراسىنداعى سەلبەستىكتى كۇشەيتىپ، زاڭ شىعارۋ، باقىلاۋ قىزمەتىنىڭ تاجىريبە اۋىس - كۇيىسىن تەرەڭدەتىپ، مىندەت اتقارۋ قابىلەتىن بىرگە جوعارىلاتۋدى قالايدى. وقۋ - اعارتۋ، مادەنيەت، دەنساۋلىق ساقتاۋ، جەرگىلىكتى ورىندار سياقتى سالالارداعى سەلبەستىكتى ىلگەرىلەتىپ، قوعامداعى ءار سالانى، اسىرەسە، جاس ۇرپاقتاردى ءوزارا ءتۇسىنىسۋدى كۇشەيتۋگە شابىتتاندىرىپ، ەكى ەل قارىم - قاتىناسىنىڭ حالىق رايى نەگىزىن ۇزدىكسىز بەكەمدەۋ كەرەك.
جاۋ لىجي جۇڭگونىڭ حالىق قۇرىلتايى تۇزىمىنە قاتىستى جاعدايلاردى تانىستىردى. ول مىنانى ءبىلدىردى: جۇڭگو جيبۋتيمەن بىرگە ءبىر - ءبىرىنىڭ تاڭداعان دامۋ جولى مەن ءتۇزىم ۇلگىسىنە قۇرمەت ەتۋ نەگىزىندە، ەل باسقارۋ تاجىريبەلەرىن اۋىستىرۋدى كۇشەيتىپ، ءوز ەلدەرىنىڭ ەكونوميكالىق، قوعامدىق قۇرىلىسىنا اناعۇرلىم ويداعىداي قىزمەت ەتىپ، حالىقارالىق قارىم - قاتىناستىڭ دەموكراتيالانۋىن قول ۇستاسا قورعاۋدى قالايدى.
ديلەتتا مىنانى ءبىلدىردى: جيبۋتي مەن جۇڭگو − ستراتەگيالىق سەرىكتەر. ەكى ەل ديپلوماتيالىق قارىم - قاتىناس ورناتقان 45 جىلدان بەرى ساياسي، ەكونوميكا، حالىق تۇرمىسى، گۋمانيتارلىق سياقتى سالالارداعى سەلبەستىكتە سۇبەلى تابىستارعا قول جەتتى. جيبۋتي باستان - اياق ءبىر جۇڭگو پرينسيبىن باتىل اتقارادى. جيبۋتي حالىقتىق پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، زاڭ شىعارۋ تاجىريبەلەرىنەن تەڭ يگىلىكتەنىپ، ەكى ەل قارىم - قاتىناسىنىڭ ىشكەرىلەي دامۋىن جەبەۋگە، حالىق اراسىنداعى دوستىق سۇيىسپەنشىلىكتى كۇشەيتۋگە زاڭ شىعارۋ قۇرىلىمدارىنىڭ بەلسەندى ۇلەسىن قوسۋدى قالايدى.
شوكىرات زاكىر كەڭەستە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
