مەملەكەتتىك بىرلىكساپ ءبولىمى باستىقتارى ءماجىلىسى بەيجيڭدە اشىلدى
ۋاڭ حۋنيڭ قاتىناستى ءارى ءسوز سويلەدى
2024.01.24 16:37 كەلۋ قاينارى : حالىق تورابى
«حالىق گازەتى»، 1 - ايدىڭ 23 - كۇنى، بەيجيڭ (ءتىلشى لي چاڭيۇي). مەملەكەتتىك بىرلىكساپ ءبولىمى باستىقتارى ءماجىلىسى 1 - ايدىڭ 23 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، بىرلىكساپتىڭ قۇدىرەتتى اسىلدىق رولىن ويداعىداي ساۋلەلەندىرۋ كەرەك.
ۋاڭ حۋنيڭ مىنانى ءبىلدىردى: پارتيانىڭ 20 - قۇرىلتايىنان بەرى باس شۋجي شي جينپيڭ جاڭا داۋىردەگى بىرلىكساپ قىزمەتىن ويداعىداي ىستەۋ، جاڭا داۋىردەگى وتانشىلدىق بىرلىكساپتى دامىتۋ، زورايتۋ جونىندە كوپتەگەن جاڭا كوزقاراس، جاڭا تۇجىرىم، جاڭا تالاپتاردى العا قويدى. باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسى ماركسزيمدىك بىرلىكساپ نازارياسىنىڭ جاڭالىق اشا دامۋى بولىپ، پارتيانىڭ بىرلىكساپ نازارياسىنىڭ ”ەكىنى ۇشتاستىرۋدا“ تاباندى بولۋ بارىسىندا تىڭ ءورىس اشۋىن ىلگەرىلەتتى. وسى ماڭىزدى يدەيانى ۇيرەنۋدى، دايەكتىلەندىرۋدى ماڭىزدى مىندەت رەتىندە مىقتى، ويداعىداي يگەرىپ، بىرلىكساپ قىزمەتىنىڭ جالپى جاعدايعا اناعۇرلىم تىعىز جاناسۋىن، جالپى جاعدايمەن توعىسۋىن، جالپى جاعدايعا قىزمەت وتەۋىن ىلگەرىلەتۋ كەرەك.
ۋاڭ حۋنيڭ وتكەن ءبىر جىلداعى بىرلىكساپ قىزمەتىندە قول جەتكەن تابىستاردى تولىق تۇراقتاندىردى. ول مىنانى ءبىلدىردى: بيىل − جاڭا جۇڭگو قۇرىلعانىنىڭ 75 جىلدىعى، ”14 – بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل، وسكەلەڭ جاۋاپكەرلىك سەزىممەن جانە بورىشتىلىق سەزىممەن بىرلىكساپ قىزمەتىن ويداعىداي ىستەۋ كەرەك. جۇڭگونىڭ جاڭاشا ساياسي پارتيا تۇزىمىندە ويداعىداي تاباندى بولۋعا، ونى ويداعىداي دامىتۋعا، ويداعىداي كەمەلدەندىرۋگە كۇش سالىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن كۇش سالا ناقتى يگەرىپ، ەلىمىزدىڭ ءدىندى جۇڭگوشالاندىرۋ قىزمەتىن كۇش سالا ىلگەرىلەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن، شيزاڭدى باسقارۋ جالپى جوباسىن كۇش سالا ناقتاپ تياناقتاندىرىپ، پارتيا سىرتىنداعى زيالىلار مەن جاڭا قوعامدىق جىكتەگى قايراتكەرلەر بولۋ قىزمەت قابىلەتىن كۇش سالا كۇشەيتىپ، ”ەكى اقاۋسىزدىقتى“ جەبەۋدى ارقاۋ ەتىپ، حالىقتىق شارۋاشىلىقتىڭ بىرلىكساپ قىزمەتىن ويداعىداي ىستەۋگە، شياڭگاڭ، اۋمىن، تايۋاننىڭ شەكارا سىرتىنداعى بىرلىكساپ قىزمەتى مەن مۇھاجىرلار قىزمەتىن كۇش سالا ويداعىداي ىستەۋگە كۇش سالۋ كەرەك. پارتيانىڭ جاپپاي باسشىلىعىن، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋدى بىرلىكساپ قىزمەتىنىڭ ءار سالاسىندا، ءار جاعىندا، ءار بۋىنىندا دايەكتىلەندىرىپ، تۋى ايقىن تۇردە ساياسيدى دارىپتەپ، بىرلىكساپ قىزمەتىنىڭ تۇلعالىق جاۋاپكەرلىگىن ناقتىلاندىرىپ، بىرلىكساپ كادرلار قوسىنى مەن پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتىپ، تياناقتاندىرۋدى يگەرۋ قابىلەتىن جوعارىلاتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ ءماجىلىستى باسقاردى ءارى قىزمەت ورنالاستىرۋىن جاساپ، مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ بىرلىكساپ قىزمەتى جونىندەگى شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، يدەيالىق - ساياسي جەتەكشىلىكتى اناعۇرلىم دالمە - ءدال كۇشەيتىپ، ءتۇيىندى، قيىن ماسەلەلەردى اناعۇرلىم پارمەندى شەشىپ، حاۋىپ - قاتەر مەن كومەسكى قاتەرلەردەن اناعۇرلىم ءونىمدى ساقتانىپ، بىرلىكساپ قىزمەتى جاۋاپكەرلىك ءتۇزىمىن تياناقتاندىرۋدى اناعۇرلىم باتىل ىلگەرىلەتىپ، جاڭا داۋىردەگى وتانشىلدىق بىرلىكساپتى ۇزدىكسىز دامىتىپ، زورايتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە بىرلىكساپ كۇشىن قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
