وقۋ – اعارتۋ مينيسترلىگى حالىق باسقارۋىنداعى وقۋ – اعارتۋعا قولداۋ كورسەتۋ ارەكەتى قىزمەتىنە ورنالاستىرۋ جاسادى
ءار جىلى 20 مىڭ زەينەتكەر وقىتۋشىلاردى وقۋ ـ اعارتۋعا كومەكتەسۋگە، زەرتتەۋگە كومەكتەسۋگە تاڭداپ جىبەرۋدى جوسپارلادى
2024.02.19 15:17 كەلۋ قاينارى : حالىق تورابى
تاياۋدا وقۋ – اعارتۋ مينيسترلىگى كەڭسەسى ۇقتىرۋ باسىپ تاراتىپ، زەينەتكەر وقىتۋشىلار ارقىلى حالىق باسقارۋىنداعى وقۋ – اعارتۋدى قولداۋ ارەكەتىن اتقارۋعا قاتىستى قىزمەتتەر جونىندە ورنالاستىرۋ جاسادى. زەينەتكە شىققان ءبىر توپ ۇزدىك وقىتۋشىلاردى تاڭداپ ۇيىمداستىرىپ، ءار دارەجەلى، ءار ءتۇرلى اسىرەسە، حالىق باسقارۋىنداعى جوعارى مەكتەپتەرگە قاراتا وقۋ - اعارتۋعا كومەكتەسۋ، زەرتتەۋگە قولداۋ كورسەتۋ قىزمەتىن ورىستەتىپ، ءار جىلى 20 مىڭداي زەينەتكەر وقىتۋشىنى تاڭداپ جىبەرۋدى جوسپارلادى.
وقۋ - اعارتۋ مينيسترلىگىنىڭ بەلگىلەمەسىنە ساي، ءوتىنىش بەرۋ جەلىسىنەن تىس وقۋ - اعارتۋعا، زەرتتەۋگە كومەك بەرەتىن زەينەتكەر وقىتۋشىلاردىڭ جاسى 75 جاستان (قامتيدى) تومەن بولۋى كەرەك، نەگىزدىك وقۋ - اعارتۋ سالاسىنا قاتىناسقاندار ادەتتە 70 جاستان تومەن بولۋى كەرەك.
ۇقتىرۋدا مىنالار ورتاعا قويىلدى: زەينەتكەر وقىتۋشىلاردى باتىس بولەكتەگى رايوندارعا، ۇلتتىق وڭىرلەرگە بارىپ، حالىق باسقارۋىنداعى مەكتەپتەر، كاسىپ سالاسى، كاسىپ، كاسىپورىن شۇعىل قاجەت ەتىپ وتىرعان تاپشى كاسىپتەرگە ات سالىسۋعا شابىتتاندىرىپ، ولقىلىقتاردى تولىقتاۋعا، ءالسىز بۋىنداردى كۇشەيتۋگە، ساپانى جوعارىلاتۋعا كومەكتەسۋ كەرەك. حالىق باسقارۋىنداعى مەكتەپتەردىڭ ”جەتەكشى ۇستاز ءتۇزىمى“ جونىندە ىزدەنىس جاساۋىنا، ونى اتقارۋىنا دەم بەرىپ، جوعارى ساپالى زەينەتكەر وقىتۋشىلاردى جاس وقىتۋشىلاردىڭ جەتەكشىسى ەتىپ تاعايىنداپ، ۇستازدىق رولىن ساۋلەلەندىرۋ كەرەك.
ۇقتىرۋدا مىنالار ايقىن بەلگىلەندى: ۇزاق ۋاقىتتىق زەينەتكەر وقىتۋشىلاردىڭ كومەك بەرۋ، قىزمەت وتەۋ ۋاقىتى پرينسيپتىك جاقتان ءبىر وقۋ جىلىنان كەم بولمايدى، كومەك قابىلداۋشى مەكتەپتەردىڭ وقۋ – وقىتۋ جانە باسقارۋ قاجەتىنە ساي، قولداۋ قىزمەتىن يكەمدى ورىستەتۋگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
