2023 – جىلى شينجياڭداعى تىكەلەي تاراتىلىمداعى ەلەكتروندىق ساۋدانىڭ ساتىلىم سوماسى 5 ميلليارد 60 ميلليون يۋان بولىپ، سايكەس مەزگىلدەگىدەن 50 پايىز ارتقان
2024.02.26 14:14 كەلۋ قاينارى : حالىق تورابى
سۋرەتتە: بۋىرشىن اۋدانىنداعى تىكە تاراتىلىم قىزمەتكەرلەرى ينتەرنەت ارقىلى بۋىرشىن اۋدانىنىڭ اۋىل شارۋاشىلىعى ونىمدەرىن ساۋدالاۋدا. ارشىن فوتوسى
انار بۇلت \ شينجياڭ گازەتىنىڭ ءتىلشىسى حەي حۇڭۋەي حابارلايدى. 2 – ايدىڭ 25 – كۇنى «شينجياڭنىڭ تىكە تاراتىلىمداعى ەلەكتروندىق ساۋداسىنىڭ دامۋى جونىندە جۇرگىزىلگەن تەكسەرۋ – زەرتتەۋ مالىمەتى (2023)» (تومەندە قىسقارتىلىپ «مالىمەت» دەلىنەدى). «مالىمەتتە» مىنالار كورسەتىلگەن: 2023 – جىلى شينجياڭدا تىكە تاراتىلىمداعى ەلەكتروندىق ساۋدانىڭ ساتىلىم سوماسى 5 ميلليارد 60 ميلليون يۋان بولىپ، سايكەس مەزگىلدەگىدەن %56.02 ارتقان.
2023 – جىلى شينجياڭداعى تىكە تاراتىلىمدى كورگەن ادامداردىڭ سانى 754 ميلليون ادامعا (رەت) جەتىپ، سايكەس مەزگىلدەگىدەن %64.63 ارتقان؛ تىكە تاراتىلىم سانى 60 مىڭ 300 رەت بولىپ، سايكەس مەزگىلدەگىدەن %145.12 ارتقان؛ ءۇرىمجى قالاسى، اقسۋ ايماعى، حوتان ايماعى تىكە تاراتىلىمداعى ەلەكتروندىق ساۋدا سوماسى بويىنشا الدىڭعى ءۇش ورىنعا يە بولعان.
شينجياڭداعى تىكە تاراتىلىم قۇرىلىمدارى جالپى جاقتان ءالى دە جەتىلۋ كەزەڭىندە. 2023 – جىلى دوۋيىن تەكشەسىنىڭ دامۋى قۋاتتى بولدى، تىكە تاراتىلىم قۇرىلىمدارىنىڭ %97.37 ى دوۋيىن تەكشەسىندە تىكە تاراتىلىم ارقىلى زات ساتتى، ساۋدا سوماسى، تىكە تاراتىلىم سانى، كورەرمەندەر سانى شينجياڭ بويىنشا تۇگەلدەي ءبىرىنشى ورىندا بولدى. كوپ ساندى تىكە تاراتىلىم قۇرىلىمدارى شينجياڭنىڭ ەرەكشەلىككە يە ونىمدەرىنە سۇيەنىپ، تىكە تاراتىلىم ارقىلى زات ساتۋدى ورىستەتتى، باستى تاۋارلارى جەمىس – جيدەكتەر مەن قاقتار، سيىر جانە قوي ەتىنەن جاسالعان ونىمدەر، اراق، سۋسىندىق، سۇتتەن جاسالعان ونىمدەر بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
