شينجياڭدا ديقاندار مەن مالشىلاردىڭ تۇرعىن ءۇيىنىڭ حاۋىپسىزدىگىن جاپپاي تەكسەرەدى
2024.03.13 10:53 كەلۋ قاينارى : حالىق تورابى
بيىل شينجياڭ قالا مەن اۋىلداعى جەر سىلكىنىسىنە ءتوزىمدى بەيقۇت ءۇي ينجەنەرياسىنىڭ قۇرىلىسىن ىلگەرىلەتىپ، مالشىلاردىڭ قىستاۋداعى وندىرىستىك ۇيلەرىن ءبىر – بىرلەپ جاپپاي تەكسەرىپ، اۋىر حاۋىپ – قاتەر بايقالعان وندىرىستىك ۇيلەردى عىلىمي جوسپارلاپ ورنالاستىرۋ ارقىلى زاڭ – تۇزىمگە ساي، تارتىپپەن بۇزىپ، قايتا سالادى.
شينجياڭ ۇيعۇر اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى لي لينيۇيدىڭ ايتۋىنشا، 1 – ايدىڭ 23 – كۇنى اقسۋ ايماعى ءۇشتۇرپان اۋدانىندا 7.1 بال جەر سىلكىنۋىنە بايلانىستى، بيىل شينجياڭ ”قالا – اۋىلداعى جەر سىلكىنىسىنە ءتوزىمدى بەيقۇت ءۇي ينجەنەريالىق قۇرىلىسىن ىلگەرىلەتۋدى“ اۆتونوميالى رايونداعى حالىق تۇرمىسىنا ساياتىن ون ناقتى ءىس قاتارىنا ارناۋلى قوسقان.
”بۇل رەتكى جەر سىلكىنىسىنىڭ سىلكىنىس دارەجەسى جوعارى، قامتىعان اۋماعى ءبىرشاما كەڭ بولعانىمەن، اۋىر ءولىم – ءجىتىم، جارالانۋ جاعدايى تۋىلعان جوق، ءبىر جاعىنان، جەر سىلكىنىسىنىڭ سىلكىنىس قاينارىنىڭ اۋىل – قىستاقتان، قالا – قالاشىقتان ءبىرشاما الىس بولۋىمەن قاتىستى بولسا، ەندى ءبىر جاعىنان، شينجياڭنىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسىن ورىستەتۋىمەن، اۋىل – قىستاقتاعى تۇرعىن ۇيلەردىڭ جەر سىلكىنىسىنە توزىمدىلىگىنىڭ بارىنشا جوعارىلاۋىمەن قاتىستى، بەيقۇت ۇيلەردىڭ ساپاسى كۇشتى جەر سىلكىنىسى بارىسىندا سىناقتان ءوتتى“، — دەيدى لي لينيۇي. ونىڭ تانىستىرۋىنشا، جۋىرداعى جىلداردان بەرى، شينجياڭدا اۋىل – قىستاقتا 2 ميلليون 669 مىڭ 800 وتباسىنا بەيقۇت ءۇي سالىنىپ، 11 ميلليونعا جۋىق ءار ۇلت ديقان – مالشى بۇقاراسى قۋانىشپەن جاڭا قونىسقا كوشكەن.
حالىق بۇقاراسىنىڭ ءومىرى مەن مال – مۇلكىنىڭ حاۋىپسىزدىگىنە كەپىلدىك ەتۋ ءۇشىن، شينجياڭ جەر سىلكىنىسىنىڭ تۋىلۋ حاۋپى بار ءتۇيىندى رايوندارداعى اۋىل – قىستاقتاردا بەيقۇت ءۇي ينجەنەرياسى قاتارلى ساياساتتاردان يگىلىكتەنبەگەن جاي شارۋا وتباسىلارىنىڭ تۇرعىن ۇيىنە ءبىر – بىرلەپ تەكسەرۋ جۇرگىزىپ، تۇرعىن ءۇي حاۋىپسىزدىگىنىڭ تالابىنا ساي كەلمەيتىن ۇيلەردى سىلكىنىسكە ءتوزىمدى ەتىپ بەكەمدەپ وزگەرتۋ نەمەسە ءۇيدى شاعىپ، سول ورنىنا قايتادان سالۋ قاتارلى شارالاردى اتقارىپ، تۇرعىن ءۇي حاۋىپسىزدىگى ماسەلەسىن شەشىم ەتەدى؛ جەر سىلكىنىسى تۋىلۋى حاۋپى بار ءتۇيىندى وڭىرلەردەگى قالا – قالاشىقتارداعى تۇرعىن ۇيلەردىڭ سىلكىنىسكە توزىمدىلىگىن ءبىر – بىرلەپ تەكسەرىپ، ساراپتاۋ جۇرگىزىپ، قالا - قالاشىقتارداعى 1991 – جىلدان بۇرىن سالىنعان تۇرعىن ۇيلەردىڭ سىلكىنىسكە توزىمدىلىگىنە ساراپتاۋ جۇرگىزۋ قىزمەتىن ورىستەتەدى، سونىمەن بىرگە، ءۇشتۇرپان اۋدانى مەن اقشي اۋدانىنداعى قالا – قالاشىقتارداعى تۇرعىن ۇيلەردى بەكەمدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
