شينجياڭداعى كوپتەگەن سالالاردا قوسىلىم ارتتىرىلادى
ورتالىققا قاراستى كاسىپورىندار شينجياڭدا 133 نىسانعا 700 ميلليارد يۋانعا جۋىق قارجى قوسادى
2024.03.13 10:53 كەلۋ قاينارى : حالىق تورابى
ءتىلشىنىڭ 3 – ايدىڭ 11 – كۇنى بەيجيڭدە اشىلعان ورتالىققا قاراستى كاسىپورىنداردىڭ كاسىپ سالاسى ارقىلى شينجياڭعا كومەكتەسىپ، جۇمىستانۋدى جەبەۋ قىزمەتىن ىلگەرىلەتۋ ماجىلىسىنەن ۇعىسۋىنشا، ورتالىققا قاراستى كاسىپورىندار شينجياڭدا كوپتەگەن سالالارداعى قوسىلىم مەن قولداۋ كورسەتۋ تەبىنىن ۇزدىكسىز ارتتىرادى.
مەملەكەتتىك كەڭەستىڭ مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتىنىڭ پارتكوم شۋجيى، مەڭگەرۋشىسى جاڭ يۇيجو: ورتالىققا قاراستى كاسىپورىنداردىڭ بىلتىر شينجياڭداعى تۇراقتى مۇلىككە قوسقان قارجىسى 270 ميلليارد يۋان بولعان، مۇنان سىرت، توقتام سوماسى 170 ميلليارد يۋاندىق نىساندى، اتاپ ايتقاندا، ينجەنەريا قۇرىلىسىن مىندەتىنە العان. كاسىپ سالاسى ارقىلى شينجياڭعا كومەكتەسىپ، جەرگىلىكتى ورىنداعى بۇقارانىڭ جۇمىستانۋىن ىلگەرىلەتەدى.
مەملەكەتتىك كەڭەستىڭ مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتىنىڭ جاۋاپتىسىنىڭ تانىستىرۋىنشا، 2024 – جىلدان 2026 – جىلعا دەيىن، ورتالىققا قاراستى كاسىپورىندار شينجياڭداعى 133 نىساندى قارجىلاندىرماقشى، بۇعان ساياتىن قاراجات سوماسى 700 ميلليارد يۋان بولادى. جاڭادان گۇلدەنگەن كاسىپ سالاسىندا جاڭا عىلىم – تەحنيكانى، جاڭا باسەكە ارناسىن، تىڭ بازارلاردى كورنەكتىلەندىرىپ، بولجامدىق سيپاتتى، ستراتەگيالىق جاڭا گۇلدەنگەن كاسىپ سالالارىنداعى ”جەتىلدىرگىشتەردى“ دايىنداپ، جاڭا ساپالى وندىرگىش كۇشتى سومدايدى. شينجياڭداعى جەرگىلىكتى ورىنداعى بۇقاراعا اناعۇرلىم كوپ جۇمىستانۋ ورايىن ازىرلەپ، 2024 – جىلدان 2026 – جىلعا دەيىن شينجياڭدا جاڭادان جۇمىسقا قابىلدانعانداردىڭ سانىن 32 مىڭ ادامعا جەتكىزەتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
