”دامۋ − حالىقتى باقىتقا كەنەلتۋدىڭ تەتىگى“ (باس شۋجيدىڭ حالىقتىق ىنتا - ىقىلاسى)
«حالىق گازەتىنىڭ» تىلشىلەرى ساۋ شۋلين، ۋاڭ جوۋ
2024.03.13 16:35 كەلۋ قاينارى : حالىق تورابى
”باس شۋجي، ءسىز جايشىلىقتا سونشاما قاربالاس بولا تۇرىپ، بىزگە امانداسا كەلىپسىز، سىزگە شىن جۇرەكتەن العىس ايتامىز“.
”مەن وسىنداي ىستەرمەن قاربالاس بولامىن، ’مەملەكەتتىڭ زور ءىسى‘ − حالىقتىڭ باقىتتى تۇرمىسى“.
2021 - جىلى كوكتەمدە گۋاڭشيدە قىزمەت تەكسەرگەن باس شۋجي شي جينپيڭ ماۋجۋشان قىستاعىنىڭ باقىتىنا كۋا بولدى − جاڭادان دامىعان ءجۇزىم كاسىبىنە سۇيەنىپ، بارلىق وتباسى عيماراتتا تۇرىپ، قىستاق تۇرعىندارىنىڭ تۇرمىسى جاقساردى.
بيىلعى مەملەكەتتىك ەكى ءماجىلىس كەزىندە، باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ دارىپتەدى: ”حالىقتى وزەك ەتكەن دامۋ يدەياسىندا تاباندى بولىپ، دامۋ بارىسىندا حالىق تۇرمىسىن قامتاماسىز ەتۋ دەڭگەيىن ورنىقتى جوعارىلاتۋ كەرەك“.
مەملەكەت باي بولۋ ءۇشىن، حالىق باي بولۋى كەرەك. باس شۋجي شي جينپيڭ: ”دامۋ − حالىقتىڭ باقىتىن جۇزەگە اسىرۋدىڭ تەتىگى“ دەپ اتاپ كورسەتتى.
حىبەي ولكەسىنىڭ جىڭديڭ اۋدانى ”جوعارى ءونىمدى كەدەي اۋداننان“ اۋقاتتى ”جاقسى اۋدان“ بولۋعا دەيىن دامۋعا سۇيەندى؛ فۋجيان ولكەسىنىڭ نيڭدى قالاسىندا كەمەشىلەر سۋ جاعالاپ جۇرۋدەن جاعاعا كوشىپ شىعۋعا دەيىن دامۋعا سۇيەندى...
باس شۋجي شي جينپيڭ بىلاي دەپ اتاپ كورسەتتى: حالىقتى وزەك ەتكەن دامۋ يدەياسىندا تاباندى بولىپ، حالىق ءۇشىن دامۋدا، دامۋدا حالىققا سۇيەنۋدە، دامۋ جەتىستىكتەرىنەن حالىق ورتاق يگىلىكتەنۋدە تاباندى بولعاندا عانا، دۇرىس دامۋ كوزقاراسى، وسىزامانداندىرۋ كوزقاراسى بولادى.
دامۋ كىم ءۇشىن؟ مۇنىڭ جاۋابى جۇڭگو كوممۋنيستىك پارتياسىنىڭ ماقساتىندا، حالىق كوسەمىنىڭ ىزىندە جاتىر. تاۋ اسىپ، تاس باسىپ، شوعىرلى تۇتاسقان 14 ەرەكشە كەدەي رايوندى ارالاپ شىقتى؛ نەگىزگى ساتىعا ىشكەرىلەي ارالاسىپ، ناقتى جاعدايدى تەكسەرىپ، حالىق تىلەگىن تىڭدادى... بۇقارانىڭ مۇڭ - مۇقتاجىن باس شۋجي قاي - قاشان دا ەسىنەن شىعارمادى.
”حالىقتىڭ باقىتتى، الاڭسىز بولۋى − ساپالى دامۋدى ىلگەرىلەتۋدىڭ ەڭ سوڭعى ماقساتى“. 2023 - جىلعى مەملەكەتتىك ەكى ءماجىلىس كەزىندە باس شۋجي ساپالى دامۋ سىندى ماڭداي الدى مىندەتتىڭ تەرەڭ ءمانىن وسىلاي ءتۇسىندىردى.
نىسانا ايبىندى ءارى وتە قاراپايىم، اتاپ ايتقاندا، بۇكىل جۇڭگو حالقىن جاقسى تۇرمىسقا كەنەلتۋ.
زاتتار قايشىلىقتىڭ قاراما - قارسىلىعىنىڭ بىرلىگى بارىسىندا داميدى، دامۋ الا كەلگەن جاڭا سىن - سايىس دامىماعان كەزدەگىدەن از بولمايدى. ىشكە قاراساق، ”بار ما، جوق پا“ دەگەننەن ”جاقسى ما، جوق پا“ دەگەنگە دەيىن قايشىلىق وزگەرۋدە؛ سىرتقا قاراساق، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە جۇزىندە وزگەرىس تۋىلۋدا. جۇڭگو ەكونوميكاسىنىڭ بولاشاعى جاقسارۋدا ءارى سايىسقا ءدوپ كەلۋدە.
ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. دامۋ − پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ماڭداي الدى مىندەتى. بەرىك زاتتىق، تەحنيكالىق نەگىز بولماسا، جاپپاي سوتسياليستىك وسىزاماندانعان قۇدىرەتتى ەل قۇرۋ مۇمكىن ەمەس. باس شۋجي شي جينپيڭ تەرەڭ تولعانىپ: ”جاڭا جاعدايداعى دامۋ جاڭا اياق كيىم كيىپ كونە جولدا ءجۇرۋ بولماۋعا ءتيىس، دۇرمەكشىل، ۇتىمسىز دامۋ جولىمەن ەندىگارى جۇرۋگە بولمايدى، ءسوز جوق، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ، جاڭا دامۋ ارناسىن ورناتۋ، ساپالى دامۋدى ىلگەرىلەتۋ كەرەك“ دەدى.
دامۋدا كىمگە سۇيەنەمىز؟ ”جاڭا جورىقتا مەيلى بوران - شاشىندى، قيىن – قىستاۋ كەزدەر بولسىن، بارلىعىمىز حالىققا تىعىز سۇيەنۋىمىز كەرەك“. باس شۋجي ەڭبەكشىل، ەرجۇرەك جۇڭگو حالقىنا شىن جۇرەكتەن قۇرمەت ءبىلدىرىپ: ”قالىڭ حالىق بۇقاراسى وتاندى ءسۇيىپ، ۇلەس قوسۋدان جازباي، ەشقانداي رەنىش بىلدىرمەي، ءۇن – ءتۇنسىز ىستەپ، ماعان سان مىڭداعان جاي ادامداردىڭ ەڭ ۇلى ەكەنىن سەزىندىردى، سونىمەن بىرگە باقىتتى تۇرمىستىڭ كۇرەسپەن كەلگەنىن سەزىندىردى“ دەدى.
ۇزاق دامۋ ساپارىندا تەك كۇرەس قانا بولادى.
”ەڭ اۋەلى، بۇكىل ەل حالقىنىڭ بىرگە كۇرەس جۇرگىزۋى ارقىلى تابىستى زورايتىپ، ويداعىداي ىستەپ، ونان سوڭ ۇيلەسىمدى تۇزىمدىك ورنالاستىرۋ ارقىلى ارتۋ مەن ءبولۋ قاتىناسىن دۇرىس ءبىر جاقتى ەتىپ، تابىستى ويداعىداي ءبولۋ كەرەك“. باس شۋجي شي جينپيڭنىڭ تەڭەۋى وبرازدى دا فيلوسوفيالىق قاعيداعا باي.
بىرگە اۋقاتتانۋ − جۇڭحۋا ۇلتىنىڭ مىڭ جىلعا جالعاسقان ارمانى، جۇڭگو ۇلگىسىندەگى وسىزامانداندىرۋدىڭ ماڭىزدى ەرەكشەلىگى. باس شۋجي شي جينپيڭ: ”كىرىس پارقى ماسەلەسىن ويداعىداي شەشۋ“، ”جالپى حالىقتى دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋ كەرەك“ دەپ قايتا - قايتا دارىپتەدى.
جاسىل، تومەن كومىرتەكتى بولۋ − جۇڭحۋا ۇلتىنىڭ باياندى دامۋىنىڭ تابيعي تالعامى. 2023 - جىلى 7 - ايدا مەملەكەتتىك ەكولوگيالىق ورتانى قورعاۋ ماجىلىسىندە باس شۋجي شي جينپيڭ بىلاي دەپ دارىپتەدى: ”ساپالى ەكولوگيالىق ورتا ارقىلى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتۋ كەرەك“.
قوعامنىڭ دامۋى ادامنىڭ دامۋىن تياناق ەتەدى، ادامنىڭ دامۋى رۋحاني مادەنيەتتى وزەك ەتەدى. باس شۋجي مىنالاردى تالاپ ەتتى: ”مادەنيەت ىستەرى مەن مادەنيەت شارۋاشىلىعىنىڭ گۇلدەنۋىن، دامۋىن كۇش سالا ىلگەرىلەتۋ“، ”ساپالى مادەنيەتپەن قامداۋ ارقىلى ادامداردىڭ مادەنيەتتەگى تابىس سەزىمىن، باقىت سەزىمىن كۇشەيتۋ كەرەك“.
كۇن سايىن جۇرسەڭ، مىڭ شاقىرىم جول باسۋدان قورىقپايسىڭ. وسى ساپالى دامۋ تابىستارىنا قاراپ كورەيىك!
ەكونوميكالىق، قوعامدىق دامۋدا جاڭالىق اشۋ قابىلەتى ۇزدىكسىز كۇشەيىپ، جاپپاي دوڭگەلەك داۋلەتتى قوعام قۇرۋ نىساناسى ۋاعىندا جۇزەگە اسىپ، ەكولوگيالىق وركەنيەت قۇرىلىسىندا تاريحي، بۇرىلىستىق، جالپى جاعدايلىق وزگەرىستەر تۋىلىپ، سىرتقا ەسىك اشۋدىڭ كەڭدىگى مەن تەرەڭدىگى جاپپاي كەڭەيىپ، بىرگە اۋقاتتانۋدى جەبەۋدىڭ امالياتتىق جولى بارعان سايىن ايقىندالىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتى اناعۇرلىم ويداعىداي قاناعاتتانۋدا.
حالىقتىڭ باقىتىن، ۇلتتىڭ گۇلدەنۋىن، دۇنيە ءجۇزىنىڭ ۇلى بىرلىگىن كوزدەدى.
2021 - جىلى باس شۋجي شي جينپيڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالار باسشىلارىنىڭ باس قوسۋىندا جۇڭگونىڭ قۋاتتاماسىن جاريالادى: ”ءبىز دامۋدى جەبەۋ جاۋاپكەرلىگىن ارقالاپ، دامۋ جەتىستىكتەرىنەن ءار ەل حالقىن اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك“. ادامزاتتىڭ باقىتقا تالپىنۋ جولىندا ءبىر مەملەكەت، ءبىر ۇلت كەم بولسا بولمايدى. دۇنيە جۇزىندەگى بارلىق مەملەكەت، بارلىق ۇلت تەڭ دامۋ ورايىنان جانە ۇقىعىنان يگىلىكتەنۋگە ءتيىس».
جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرەتىن وسىزامانداندىرۋ. جۇڭگو حالقى ءوزىنىڭ جاقسى تۇرمىس كەشىرۋىن عانا ەمەس، ءار ەل حالقىنىڭ دا جاقسى تۇرمىس كەشىرۋىن ءۇمىت ەتەدى.
2023 - جىلى 11 - ايدا ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلارىنىڭ باس قوسۋىندا ءتوراعا شي جينپيڭنىڭ جازباشا لەكسياسى دۇنيە ءجۇزىن تاعى ءبىر رەت جالت قاراتتى: ”دۇنيە ءجۇزىنىڭ ونەركاسىپ - ساۋدا سالاسىنىڭ جۇڭگو ۇلگىسىندەگى وسىزامانداندىرۋ اياق الىسىنا بەلسەنە ات سالىسىپ، جۇڭگونىڭ ساپالى دامۋى اكەلگەن وراسان زور ورايدان بىرگە يگىلىكتەنۋىن قارسى الامىز!“
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
