لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2024.03.13 16:36 كەلۋ قاينارى : حالىق تورابى
«مەملەكەتتىك كەڭەستىڭ 2024 - جىلعى ءتۇيىندى قىزمەت جۇمىس ءبولىسى جوباسىن»، «جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەت جوباسىن (2024 − 2030 - جىلدار)» جانە «ولشەمنىڭ دارەجەسىن جوعارىلاتۋ ارقىلى ەكونوميكانىڭ ساپالى دامۋىنا دەم بەرۋ قىزمەت جوباسىن» تالقىلاپ ماقۇلدادى، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتۋگە قاتىستى شارالار جونىندەگى مالىمەتتى تىڭدادى، «اسكەريلەرگە قامقورلىق جاساۋ، ءمان بەرۋ ەرەجەسىن (وزگەرىس ەنگىزىلگەن جوبا)» قاراپ ماقۇلدادى
شينحۋا اگەنتتىگى، 3 - ايدىڭ 12 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 12 – كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «مەملەكەتتىك كەڭەستىڭ 2024 - جىلعى ءتۇيىندى قىزمەت جۇمىس ءبولىسى جوباسىن»، «جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەت جوباسىن (2024 − 2030 - جىلدار)» جانە «ولشەمنىڭ دارەجەسىن جوعارىلاتۋ ارقىلى ەكونوميكانىڭ ساپالى دامۋىنا دەم بەرۋ قىزمەت جوباسىن» تالقىلاپ ماقۇلدادى، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتۋگە قاتىستى شارالار جونىندەگى مالىمەتتى تىڭدادى، «اسكەريلەرگە قامقورلىق جاساۋ، ءمان بەرۋ ەرەجەسىن (وزگەرىس ەنگىزىلگەن جوبا)» قاراپ ماقۇلدادى.
ءماجىلىس بىلاي دەپ اتاپ كورسەتتى: ەندى عانا جابىلعان مەملەكەتتىك 14 - كەزەكتى حالىق قۇرىلتايىنىڭ 2 - ءماجىلىسى قاراپ ماقۇلداعان «ۇكىمەت قىزمەتىنەن باياندامادا» تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرى ايقىندالدى. تاراۋلار، ورىندار ”قاي - قاشان دا قام جەپ تۇرۋ“ جاۋاپكەرلىك سەزىمىن كۇشەيتىپ، ونى ”بارلىق ىستە كوڭىلدە جوبا بولۋ“ سىندى ارەكەت قوزعاۋشى كۇشىنە شىن مانىندە اينالدىرىپ، ءار جاقتىڭ بەلسەندىلىگىن تولىق جۇمىلدىرىپ، ءىس تىندىرىپ، شارۋاشىلىق قۇرۋ رۋحىن ونان ارى سەرپىلتىپ، ءتۇرلى قىزمەتتەردىڭ تياناقتانۋىن ىلگەرىلەتۋى كەرەك. اتقارۋ شارالارىن اشالاپ، ءتۇرلى ءتۇيىندى قىزمەتتەر مەن تاراۋلاردىڭ جاۋاپكەرلىگىن ناقتى اتقارۋ ءادىسى مەن ساياساتتىق شارالاردا تياناقتاندىرۋ كەرەك. سايكەسۋدى، سەلبەسۋدى كۇشەيتىپ، باستاماشى تاراۋلار ىرىقتىلىقپەن بايلانىس جاساپ، سايكەسىپ، ات سالىسۋشى تاراۋلار تىعىز سايكەسىپ، قولداۋ كورسەتىپ، بىرگە كۇش سالىپ، بىرىككەن كۇش قالىپتاستىرۋعا كەپىلدىك ەتۋ كەرەك. قۋزاۋ - تەكسەرۋدى ويداعىداي ىستەپ، كۇندەلىكتى ورنالاستىرۋدى كۇشەيتىپ، باقىلاۋ - تەكسەرۋ ءتاسىلىن كەمەلدەندىرىپ، باقىلاۋ - تەكسەرۋ ونىمدىلىگىن جوعارىلاتىپ، ساتىلار بويىنشا تياناقتاندىرۋدى يگەرەتىن قويۋ راي قالىپتاستىرۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: استىق حاۋىپسىزدىگىن قامتاماسىز ەتۋ − ماڭداي الدى ءىرى ءىس. پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا ساي، جاڭا كەزەكتى 100 ميلليارد جىڭ استىق ءوندىرۋ قۋاتىن جوعارىلاتۋ ارەكەتىن جاپپاي اتقارىپ، استىقتان تەحنيكاعا سۇيەنىپ مول ءونىم الۋدى تىڭعىلىقتى ىلگەرىلەتىپ، سورتقا ءبولىپ ءونىمدى ارتتىرۋ مىندەتى مەن وڭىرگە ءبولىپ ءونىمدى ارتتىرۋ ورنالاستىرۋىن تياناقتاندىرىپ، جوعارى ولشەمدى ەگىس اتىزى قۇرىلىسى، تۇقىم شارۋاشىلىعىن گۇلدەندىرۋ سياقتى تىرەكتىك كەلەلى ينجەنەريالاردى جوسپارلاپ جانە اتقارىپ، استىق حاۋىپسىزدىگىنىڭ ىرىقتىلىق ۇقىعىن مىقتى يگەرۋ كەرەك.
ءماجىلىس مىنالاردى اتاپ كورسەتتى: ولشەمنىڭ دارەجەسىن جوعارىلاتۋدى ىلگەرىلەتۋ بۇقارانىڭ قاجەتىن اناعۇرلىم ويداعىداي قاناعاتتاندىرۋدا، كاسىپ تيپىن وزگەرتۋگە دەم بەرۋدە، ساپالى دامۋدى ىلگەرىلەتۋدە ماڭىزدى مانگە يە. ولشەم تۇزىمىنە وزگەرىس ەنگىزۋ قىزمەتىن جەدەل ىلگەرىلەتىپ، كاسىپورىندار، تۇتىنۋشىلار سياقتى قاتىستى جاقتاردان تولىق پىكىر الىپ، شۇعىل پايدالانىلاتىندارىن الدىمەن جۇرگىزۋدە تاباندى بولىپ، پىسىپ - جەتىلگەندەرىن دەر كەزىندە شىعارۋ كەرەك. باقىلاۋ - تەكسەرۋدى كۇشەيتىپ، سايكەستى ساياساتتاردى كەمەلدەندىرىپ، ءتۇرلى ولشەمدەردىڭ تياناقتانۋىنا كەپىلدىك ەتۋ كەرەك.
ءماجىلىس مىنالاردى دارىپتەدى: وقىتۋ شارت - جاعدايىن، وقۋ - اعارتۋ ساپاسىن جانە حالىق بۇقاراسىنىڭ رازىلىق دارەجەسىن جوعارىلاتۋدى قىزمەت ءتۇيىنى ەتىپ، وڭىرلەردىڭ، قالا - اۋىلداردىڭ، مەكتەپتەردىڭ، قاۋىمنىڭ وقۋ - اعارتۋ پارقىن ۇزدىكسىز ازايتىپ، اناعۇرلىم ءادىل، اناعۇرلىم ساپالى مىندەتتى وقۋ - اعارتۋدى ويداعىداي جۇرگىزۋ كەرەك. حالىق سانىنىڭ وزگەرىسى مەن جاڭاشا قالا - قالاشىقتانۋ اياق الىسىنا سايكەسىپ، مىندەتتى وقۋ - اعارتۋ سۇرانىسىنىڭ وزگەرىسىنە تۇجىرىم جاساپ، بايلىقتى ورنالاستىرۋدىڭ يكەمدىلىگى مەن ۇيلەسىمدىلىگىن كۇشەيتىپ، قازىنالىق مىندەتتى وقۋ - اعارتۋ قاراجاتىن ءالسىز بۋىندارعا بەيىمدەۋ تەبىنىن ارتتىرىپ، مىندەتتى وقۋ - اعارتۋدىڭ دامۋىنداعى ولقىلىقتاردى كۇش سالا تولىقتاۋ كەرەك.
ءماجىلىس مىنالاردى اتاپ كورسەتتى: اسكەريلەرگە قامقورلىق جاساۋ، ءمان بەرۋ قىزمەتىن ويداعىداي ىستەۋ مەملەكەتتى، ارميانى قۇدىرەتتەندىرۋ ىسىنە سايادى. ءماجىلىس «اسكەريلەرگە قامقورلىق جاساۋ، ءمان بەرۋ ەرەجەسىن (وزگەرىس ەنگىزىلگەن جوبا)» قاراپ ماقۇلداپ، قامقورلىق جاساۋ، ءمان بەرۋ ساياساتتارىن بەلگىلەمەدەگى تالاپ جانە ولشەم بويىنشا قاتاڭ تياناقتاندىرۋدى دارىپتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
