جاۋ لىجي 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسىن حابارلاۋعا قاتىناسقان اقپارات قىزمەتكەرلەرىنە امانداسا باردى
2024.03.13 16:38 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 12 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 3 – ايدىڭ 11 - كۇنى تۇستەن كەيىن بەيجيڭدەگى حالىق سارايىندا 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اقپاراتتىق حابارلاۋىنا قاتىناسقان ورتالىقتاعى نەگىزگى اقپارات ورىندارىنداعى جاۋاپتى جولداستارمەن جانە اقپارات قىزمەتكەرلەرىمەن امانداسىپ، قۇرىلتايدىڭ ءتورالقاسى مەن مەملەكەتتىك حالىق قۇرىلتايىنىڭ تۇراقتى كوميتەتى اتىنان ءماجىلىستى اقپاراتتىق حابارلاۋعا قاتىناسقان بارلىق اقپارات قىزمەتكەرىنەن حۋال سۇرادى جانە ولارعا العىس ايتتى. ول بىلاي دەپ اتاپ كورسەتتى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، قاتىستى تاراۋلار مەن نەگىزگى اقپارات ورىندارى باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ”ىنتىماق، ورنىقتىلىق، شابىتتاندىرۋ، ۇنامدى جاقتان ۇگىتتەۋدى نەگىز ەتۋ“ باعىتىندا تاباندى بولىپ، دۇرىس ساياسي بەتالىستى، قوعامدىق پىكىر بەتالىسىن، قۇن بەتالىسىن مىقتاپ يگەرىپ، دۇرىس جولدان جازباي، جاڭالىق اشىپ، ءماجىلىستىڭ اقپارات، ۇگىت قىزمەتىن ويداعىداي ىستەپ، ءماجىلىستىڭ تولىق تابىستى بولۋىنا ماڭىزدى ۇلەس قوستى.
جاۋ لىجي مىنالاردى اتاپ كورسەتتى: اقپارات قۇرالدارى تەرەڭ، ءمان-ماعىنالى، ادامدى شابىتتاندىراتىن ءبىر توپ تۋىندىلاردى شىعاردى، نەگىزگى تاقىرىبى ايقىن، بوياۋى قانىق بولىپ، كورىنەۋ تۇيىندەر ارت - ارتىنان جارىققا شىعىپ، تۋدى بيىك ۇستايتىن، شىنايى يگەرىپ، ناقتى ىستەيتىن، ىنتىماقتاسا العا باساتىن قوعامدىق پىكىر ورتاسىن قالىپتاستىردى. ءبىرىنشى، شوعىرلى حابارلاۋدى تولىق، ىشكەرىلەي جاقسى ىستەپ، باس شۋجي شي جينپيڭنىڭ ۋاكىلدەرمەن مەملەكەت ءىسىن بىرگە اقىلداسقان، دامۋدى بىرگە جوسپارلاعان دۋماندى كورىنىستەرىن جاندى ەستەلىككە الىپ، ءىرى ەل كوسەمىنىڭ بورىشىن، جاۋاپكەرلىگىن جانە حالىققا دەگەن سۇيىسپەنشىلىگىن ايگىلەپ، بۇكىل ەلدەگى ءار ۇلت حالقىنىڭ باس شۋجي شي جينپيڭدى باتىل قولدايتىنىن جانە شىن جۇرەكتەن قاستەرلەيتىنىن ايگىلەدى. ەكىنشى، جۇڭگو ەكونوميكاسىنىڭ سەرپىمدىلىگىن، ومىرشەڭدىك كۇشىن جانە كەڭ دامۋ بولاشاعىن ۇگىتتەپ، ءتۇسىندىرىپ، ءسوزى ءنارلى، سۇيىسپەنشىلىگى ايقىن بولىپ، تۇتاس قوعامنىڭ، ءار جاقتىڭ سەنىمى مەن جىگەرىن ونان ارى كۇشەيتۋىن ىلگەرىلەتتى. ءۇشىنشى، ءماجىلىستىڭ تارتىپتىك حابارلارىن دەر كەزىندە دۇرىس حابارلاپ، ۋاكىلدەردىڭ باياندامانى قاراۋدا سويلەگەن سوزدەرى مەن العا قويعان كەڭەس جوبالارىن، ۇسىنىستارىن تولىق اڭىس ەتىپ، اقپار جاريالاۋ ءماجىلىسى، تىلشىلەر ءماجىلىسى، ”ۋاكىلدەر ارناسى“، ”مينيسترلەر ارناسى“، اشىق ۇستالعان ۇيىرمە - گرۋپپالار قيمىلىن حابارلاۋ قىزمەتىن تىڭعىلىقتى، ءونىمدى تۇردە ويداعىداي ىستەپ، ەل ءىشى - سىرتىنداعى ءار جاقتىڭ ءماجىلىس سىندى تەرەزەدەن جالپى بارىستىق حالىق دەموكراتياسىنىڭ، حالىق قۇرىلتايى ءتۇزىمىنىڭ ارتىقشىلىعىن شىنايى سەزىنۋىنە مۇمكىندىك جاسادى. ءتورتىنشى، دەن قويا جوبالاپ، ۇيىمداستىرىپ، ”گازەت، ستانسيا، ينتەرنەت، تەرمينال“ سياقتىلاردى ىشكەرىلەي توعىستىرىپ، بۇقارانىڭ ۇناتىپ تىڭداۋىنا، ۇناتىپ كورۋىنە، ۇندەستىك تابۋىنا مۇمكىندىك جاساۋعا قۇلشىندى. سىرتقى ۇگىتتە سەنىمدى، ىرىقتى بولىپ، جاندى دا جالىندى جۇڭگو حيكاياسىن ايتىپ، سەنىمدى، سۇيىكتى، قۇرمەتتى، ومىرشەڭدىك كۇشكە تولى جۇڭگو وبرازىن ايگىلەدى.
جاۋ لىجي مىنالاردى دارىپتەدى: حالىق قۇرىلتايى قىزمەتىنىڭ ايقىن ەرەكشەلىگى − زاڭ بويىنشا اشىق، جاريا بولۋ. اقپارات قۇرالدارىنىڭ حالىق قۇرىلتايىنىڭ اقپاراتتىق ۇگىتىنە ۇزدىكسىز كوڭىل ءبولىپ، قولداۋ كورسەتىپ، مەملەكەتتىك حالىق قۇرىلتايى قۇرىلعانىنىڭ 70 جىلدىعىن قۇتتىقتاۋدى ۇگىتتەۋ، حابارلاۋ قىزمەتىن بەلسەنە جاقسى ىستەپ، حالىق قۇرىلتايى ءتۇزىمىنىڭ، حالىق قۇرىلتايى قىزمەتىنىڭ، حالىق قۇرىلتايى ۋاكىلدەرىنىڭ اقپاراتتىق ”باي كەنىن“ تەرەڭ قازىپ جانە ودان ويداعىداي پايدالانىپ، جۇڭگو حالىق قۇرىلتايى حيكاياسىن، جۇڭگو دەموكراتيا حيكاياسىن، جۇڭگو زاڭمەن جونگە سالۋ حيكاياسىن ويداعىداي بايانداپ، مەملەكەتتىڭ ءتۇبىرلى ساياسي ءتۇزىمىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتۋىن ءۇمىت ەتەمىن.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ قاتارلىلار امانداسۋدا بىرگە بولدى.
ورتالىق كوميتەت ۇگىت ءبولىمى، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، حالىق گازەتى مەكەمەسى، شينحۋا اگەنتتىگى، ورتالىق راديو - تەلەۆيزيا باس ستانسياسى، ساۋلە گازەتى مەكەمەسى، ەكونوميكا گازەتى مەكەمەسى، جۇڭگو گازەتى مەكەمەسى، جۇڭگو اقپارات اگەنتتىگى، زاڭمەن جونگە سالۋ گازەتى مەكەمەسى سياقتى ورىندارداعى جاۋاپتى جولداستار، سونداي - اق ءبىرىنشى شەپتەگى رەداكتورلار مەن تىلشىلەردىڭ ۋاكىلدەرى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
