لي چياڭ كوكتەمگى اۋىل شارۋاشىلىق ءوندىرىسى جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ويداعىداي ىستەۋ جونىندە ماڭىزدى بەكىتۋ سالىپ بىلاي دەپ دارىپتەدى
استىق پەن ماڭىزدى اۋىل شارۋاشىلىق ونىمدەرىندە ءونىمدى ورنىقتىرۋدى، قامداۋعا كەپىلدىك ەتۋدى بار كۇشپەن ويداعىداي يگەرىپ، ساپالى دامۋدى ىلگەرىلەتۋگە پارمەندى تىرەك ازىرلەۋ كەرەك
2024.03.20 15:51 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 19 - كۇنى، بەيجيڭ. مەملەكەتتىك كوكتەمگى اۋىل شارۋاشىلىق ءوندىرىسى جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى ءماجىلىسى 3 - ايدىڭ 18 - كۇنى حىنان ولكەسىنىڭ شينشياڭ قالاسىندا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ تاياۋدا كوكتەمگى اۋىل شارۋاشىلىق ءوندىرىسى جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ويداعىداي ىستەۋ جونىندە ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: بيىل − جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوباداعى نىسانا - مىندەتتەردى جۇزەگە اسىرۋداعى شەشۋشى جىل، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، تۇتاس جىلدا استىقتان جانە اۋىل شارۋاشىلىعىنان مول ءونىم الۋدىڭ ماڭىزى زور. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، مەملەكەتتىك ”ەكى ءماجىلىستىڭ“ رۋحىن جاپپاي تياناقتاندىرىپ، اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنىپ، قولدانىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، اۋىل - قىستاقتى جاپپاي گۇلدەندىرۋدە ۇزدىكسىز جاڭا ناتيجەگە قول جەتكىزۋدى ىلگەرىلەتۋى كەرەك. مەملەكەتتىڭ استىق حاۋىپسىزدىگىن قامتاماسىز ەتۋ جاۋاپكەرلىگىن باتىل ارقالاپ، استىق پەن ماڭىزدى اۋىل شارۋاشىلىق ونىمدەرىنىڭ ورنىقتى ءوندىرىلۋىن، قامداۋعا كەپىلدىك ەتۋدى بار كۇشپەن ويداعىداي يگەرىپ، اس ىدىسىنىڭ ءوز قولىمىزدا بولۋىنا شىنايى كەپىلدىك ەتۋ كەرەك. قازىر كوكتەمگى اۋىل شارۋاشىلىق ءوندىرىسى قاۋىرت كەزەڭگە ءوتتى. جەر - جەر، تاراۋلار كوكتەمگى اتىز باسقارۋ مەن كوكتەمگى ەگىس دايىندىعىن دالمە - ءدال، ەگجەي - تەگجەيلى ويداعىداي يگەرىپ، ساياساتتىق سۇيەمەلدەۋ سەرپىنىن ارتتىرىپ، تەحنيكالىق جەتەكشىلىك ەتۋدى، قىزمەت وتەۋدى كۇشەيتىپ، استىق ەگىلەتىن جەر كولەمىن ورنىقتىرىپ، اۋىل شارۋاشىلىق قۇرال - جابدىقتارىمەن قامداۋدى قامتاماسىز ەتىپ، اۋىل شارۋاشىلىعىندا اپاتتان ساقتانۋدى، اپات زيانىن ازايتۋدى ويداعىداي يگەرىپ، تۇتاس جىلدا مول ءونىم الۋدىڭ ىرىقتىلىق ۇقىعىنا قۇلشىنا قول جەتكىزىپ، ەكونوميكانىڭ، قوعامنىڭ ساپالى دامۋىنا پارمەندى تىرەك ازىرلەۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، لي چياڭ زۇڭليدىڭ بەكىتۋىنىڭ تالابىن تياناقتاندىرىپ، ورتالىقتىڭ 1 - ءنومىرلى قۇجاتىنىڭ رۋحى مەن مەملەكەتتىك ”ەكى ءماجىلىستىڭ“ ورنالاستىرۋى بويىنشا، كوكتەمگى اۋىل شارۋاشىلىعى ءوندىرىسىنىڭ ءتۇرلى قىزمەتتەرىن مىقتى، ويداعىداي يگەرىپ، تۇتاس جىلدا استىقتان مول ءونىم الۋعا بەرىك نەگىز قالاۋ كەرەك. ەگىس ۋاقىتىن اقساتپاي، كوكتەمگى اتىز باپتاۋدى ويداعىداي ىستەپ، كوكتەمگى ەگىس دايىندىعىنا قىزمەت وتەۋدى كۇشەيتىپ، استىق، مايلى داقىل ەگىلەتىن جەر كولەمىن تياناقتاندىرىپ، كوجە قاتىق ونىمدەرىنىڭ ورنىقتى ءوندىرىلۋىن، قامداۋعا كەپىلدىك ەتۋدى ويداعىداي يگەرۋ كەرەك. استىق، مايلى داقىلداردىڭ بىرلىك ءونىمىن كەڭ كولەمدە جوعارىلاتۋدى كۇش سالا ىلگەرىلەتىپ، تەحنيكانى شوعىرلى جالپىلاستىرۋدى جانە سەلبەسىپ جاڭالىق اشۋدى كۇشەيتىپ، جەتەكشىلىك ەتۋ، قىزمەت وتەۋدى باعىتتامالى ورىستەتۋ كەرەك. جوعارى ولشەمدى ەگىنجاي قۇرىلىسىن باسقارۋدى، قورعاۋدى ناقتى ىلگەرىلەتىپ، ولشەم جۇيەسىن كەمەلدەندىرىپ، قۇرىلىس مىندەتى مەن الدىمەن ەسكەرىلەتىن ءتارتىپتى عىلمي تۇراقتاندىرىپ، باسقارۋ، قورعاۋ جاۋاپكەرلىگىن تياناقتاندىرىپ، ينجەنەريا ساپاسى مەن قارجىنى باقىلاۋ - باسقارۋدى قاتايتىپ، اشىلعان ءار بولەك جەردەن ايتارلىقتاي ءونىم الۋعا بولۋعا شىنايى كەپىلدىك ەتۋ كەرەك. اۋىل شارۋاشىلىعىندا اپاتتان ساقتانۋدى، اپات زيانىن ازايتۋدى، اپاتتان قۇتقارۋدى كۇشەيتىپ، باقىلاۋ - تەكسەرۋدى، ساقتاندىرۋدى كۇشەيتىپ، تاراۋلاردىڭ بىرلەسىپ اقىلداسۋ جانە شۇعىل جاعدايعا توتەپ بەرۋ، ءۇن قوسۋ مەحانيزمىن اقاۋسىزداندىرىپ، اپاتقا قارسى اتتانىپ، مول ءونىم الۋدىڭ ىرىقتىلىق ۇقىعىن مىقتى يگەرۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، شارۋالاردىڭ كىرىسىن ارتتىرۋدى جەبەۋ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتۋ، اۋىل - قىستاق رەفورماسىن تەرەڭدەتۋ سياقتى قىزمەتتەردى ءبىر تۇتاس ويداعىداي يگەرۋ كەرەك.
ماجىلىستەن بۇرىن ليۋ گوجۇڭ تاعى حىبەي ولكەسىنىڭ شيڭتاي قالاسىنا بارىپ، اپاتتا بۇلىنگەن اۋىل شارۋاشىلىق قۇرىلعىلارىن جوندەۋ جانە دۇمبە ءبيدايدىڭ ءوسۋ احۋالىن كوزدەن كەشىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
