«التايىم» تەلە فيلمى 7 - كەزەكتى گانا تەلە فيلم مەرەكەسىنىڭ ەڭ تاڭداۋلى ۇزاق سەريالدار باسەكەلىك گرۋپپاسىنا تاڭدالدى
2024.03.14 13:32 كەلۋ قاينارى : حالىق تورابى
3 – ايدىڭ 12 – كۇنى، 7 - كەزەكتى گانا تەلە فيلم مەرەكەسىنىڭ تاڭداۋ كولەمىنە كىرگەن تۋىندىلاردىڭ تىزىمدىگى جاريالاندى، شينجياڭدىق جازۋشى لي جۋاننىڭ رومانىنان وزگەرتىپ جاسالعان «التايىم» اتتى تەلە فيلم ەڭ تاڭداۋلى ۇزاق سەريالدار باسەكەلىك گرۋپپاسىنا تاڭدالدى، سونىمەن گانا تەلە فيلم نەگىزگى جارىسىنا تۇڭعىش رەت قاتىناسقان كولەمدى جۇڭگو تىلىندەگى ۇزاق سەريالعا اينالدى. «التايىم» تەلە فيلمى فرانسيانىڭ جەرگىلىكتى ۋاقىتى بويىنشا 4 – ايدىڭ 7 – كۇنى گانا قالاسىندا دۇنيە ءجۇزى بويىنشا توڭعىش رەت قويىلادى، سونداي ـ اق دۇنيە جۇزىندەگى باسقا مەملەكەت پەن رايوننان كەلگەن 7 سەريالمەن بىرگە 5 نەگىزگى باسەكە سيلىعىنا تالاسادى.
«التايىم» اتتى تەلە فيلىم 8 سەريالدان قۇرالعان، شينجياڭدىق جازۋشى لي جۋاننىڭ تۋىندىسىنا ساي وزگەرتىپ جاسالعان، داپىڭ باقىلاۋشى، تىڭ سۇڭسۇڭ رەجيسسەر، تىڭ سۇڭسۇڭ، پىڭ ي - نيڭ سەنارياسىن جازعان، ما ي - لي، جوۋ ي – ران، يۇي شى باس رولداردى سومداعان، جياڭ چيميڭ، يان پەيلۇن ەرەكشە رولدى سومداعان، حۋاڭ شياۋجۋان، ءالىمجان، ءاليما، قايرات رولداردا ويناعان تەلە فيلىم.
«التايىم» جازۋشى لي جۋاننىڭ وسىمەن اتتاس تۋىندىسىنان وزگەرتىلگەن، بۇل كىتاپتىڭ داڭداڭ تورابىنداعى ساتىلىمى الدىڭعى 10 ۇزدىككە كىرگەن، دۋبان كىتاپ قاتارىنداعى ورنى الدىڭعى 250 گە كىرگەن، لي جۋاننىڭ «التايىم» جەلىلەس ۋاكىلدىك تۋىندىسى، قايتالاي ەڭ كوپ باسىلعان شالقىمالار جيناعى، كىتاپتا ءناپ – نازىك سۇيىسپەنشىلىك پەن قاراپايىم ءتىل قولدانىسى ارقىلى ول ءوزىنىڭ جانە وتباسىنداعىلارىنىڭ التايداعى تۇرمىسىن سۋرەتتەيدى، ءوز سەزىمى ارقىلى سولتۇستىك شينجياڭنىڭ بەت – بەينەسىن ايگىلەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
