كوكتەمگە قادام

ىلە اڭعارىنداعى مالشىلار ”ارناۋلى جولمەن“ كوشەتىن بولدى

2024.03.19 14:00 كەلۋ قاينارى : حالىق تورابى

　　بيىل شينجياڭ ىلە اڭعارىنداعى ميلليون تۇياق ءتورت تۇلىكتى كوكتەۋلىككە كوشىرۋ كوشىرۋ جۇمىسى 3 – ايدىڭ 10 – كۇنى باستالدى. قازىر قورا – قورا قوي ىلە اڭعارىنداعى كەڭسايداعى كوش جولىمەن كوكتەۋلىككە قاراي بەتتەۋدە. سول جەردەگى جاعداي قالاي ەكەن؟

　　باس ستانسيا ءتىلشىسى بۋ پىڭ بىلاي دەدى: قازىر ءدال شينجياڭ ىلە اڭعارىنداعى ءتورت تۇلىكتى كوكتەۋلىككە كوشىرەتىن مەزگىل. شينجياڭ ىلە اڭعارىنداعى كەڭسايدا مال كوشىرۋگە ”ارناۋلى جول“ جاسالعان. بۇل جول ىلە وبلىسى مەن بۇراتالا وبلىسىنداعى اۋدان – قالالارداعى، سونداي – اق، ءتۇرلى جايىلىمدارداعى ماڭىزدى جولداردى تۇتاستىرادى، كوپتەگەن مالشىلاردىڭ كوكتەۋلىككە كوشكەندە ءسوزسىز باسىپ وتەتىن جولى. بىرنەشە كۇننىڭ الدىندا جاڭبىر جانە قار جاۋعاندىقتان، جولداردىڭ كەيبىر جەرى ءبىرشاما تايعاناق بولىپ، مالشىلاردىڭ قورالى قويدى كوشىرۋ قارقىنى ءبىرشاما باياۋ بولدى. تۇتاس كوشى – قونعا شامامەن ءبىر اپتا اينالاسىندا ۋاقىت كەتەدى.

　　مالشىلاردىڭ مالىنىڭ كوكتەۋلىككە حاۋىپسىز، ءساتتى جەتۋىنە كەپىلدىك ەتۋ ءۇشىن، جەرگىلىكتى ورىنداعى قاتىستى تاراۋلار كوپتەگەن دايىندىق قىزمەتتەردى ىستەگەن. ولار قار كۇرەۋ جابدىقتارىن الدىن الا دايىنداپ، كوش جولىنداعى قاردى تازالاپ، مالشىلاردىڭ كوشىنە قولايلىلىق جاراتتى. مالشىلاردىڭ كوشۋ جاعدايىن اناعۇرلىم ويداعىداي ۇعىسۋ ءۇشىن، قاتىستى تاراۋلار ارناۋلى ساندى مالىمەت قويماسىن قۇرىپ، كوشىرىلىپ بولعان مالداردىڭ سانىن دەر كەزىندە جاڭالاپ، كوشىرۋ ءۇردىسىن ۇزدىكسىز باقىلاپ وتىرعان؛ جەرگىلىكتى ورىن مالشىلاردىڭ كوشەتىن جولىنداعى اۋا رايىن باقىلاۋدى كۇشەيتىپ، ۇزدىكسىز 24 ساعات بويى باقىلاۋعا ارناۋلى ادام ۇيىمداستىرعان، ەگەر سۇركەيلى اۋا رايى تۋىلاتىنىن بايقاسا، دەرەۋ تەلەفون سوعىپ، مالشىلارعا كوشۋدى ۋاقىتشا توقتاتا تۇرۋدى الدىن الا ەسكەرتىپ، حاۋىپسىزدىككە كەپىلدىك ەتەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved