قۇمار ويناۋ الدامشىلىعىنا قاتىستى 800 دەن استام ادام ەلگە قايتارىلدى!
بيرمانىڭ ميوۆادي رايونىنداعى قۇمار ويناۋ الدامشىلىعىنا قاتىستى 800 دەن استام جۇڭگولىق تايلاند ارقىلى ەلگە قايتارىلدى
2024.03.14 13:48 كەلۋ قاينارى : حالىق تورابى
تاياۋدا، جۇڭگو ـ تايلاند ـ بيرما ءۇش ەلدىڭ قاتىستى تاراۋلارىنىڭ كەڭەسىپ ماقۇلداۋىمەن گوموۆادي رايونىنداعى قۇمار ويناۋ الدامشىلىعىنا قاتىستى 800 دەن استام جۇڭگولىق تايلاند ارقىلى ىركەس - تىركەس ەلگە قايتارىلدى.
ۇعىسۋعا قاراعاندا، ەل ارالىق تەلەگراف، توراپ الدامكوستىگى، توراپتا قۇمار ويناۋ سياقتى كورنەكتى قىلمىستىق ارەكەتتەرگە زاڭ بويىنشا سوققى بەرۋ ءۇشىن، 2023 – جىلى 3 – ايدا جۇڭگو ساقشىلارى مەن زاڭ اتقارۋ تاراۋلارى بىرلەسىپ سوققى بەرۋ ارەكەتىن باستاپ، سۇبەلى تابىستارعا قول جەتكىزگەن. مۇنىڭ ىشىندە جۇڭگو مەن بيرمانىڭ ساقشى جاعى حالىقارالىق زاڭ اتقارۋ سەلبەستىگىن كۇشەيتىپ، بيرمانىڭ سولتۇستىك رايونىنداعى قۇمار ويناۋ، الدامكوستىك ىستەۋ قىلمىسىنا سوققى بەرۋ تەبىنىن ۇزدىكسىز ارتتىرىپ، قۇدىرەتتى كۇش قالىپتاستىردى. سوققى بەرۋ ارەكەتىنىڭ ۇزدىكسىز تەرەڭدەۋىنە بايلانىستى، ءۇش جاقتىڭ بىرگە قۇلشىنۋىندا، تىعىز سەلبەسۋىندە، موۆادي رايونىنداعى قۇمار ويناۋ الدامشىلىعىنا ساياتىن قىلمىستىق باقشا رايونىنداعى ءبىر ءبولىم جۇڭگولىق قىزمەتكەرلەر ءوز ەرىكتەرىمەن ەلگە قايتۋدى ورتاعا قويدى. تاياۋدا جۇڭگو ساقشى جاعى قىزمەت گرۋپپاسىن بيرما، تايلاند جاقپەن بىرگە جوعارىداعى ادامداردى قايتارۋ قىزمەتىن ورىنداۋعا جىبەردى.
جۇڭگو قاتىستى ەلدەرمەن زاڭ اتقارۋ سەلبەستىگىن ۇزدىكسىز كۇشەيتىپ، ەل ارالىق تەلەگراف، توراپ الدامكوستىگى، توراپتا قۇمار ويناۋ سياقتى قىلمىستىق ارەكەتتەرگە ۇزدىكسىز سوققى بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
