بۇگىننەن باستاپ، شۆەتساريا قاتارلى 6 ەل ازاماتتارىنىڭ جۇڭگوعا ۆيزاسىز كەلۋىنە بولادى
2024.03.14 13:08 كەلۋ قاينارى : حالىق تورابى
3 – ايدىڭ 14 – كۇنىنەن باستاپ، شۆەتساريا، يرلانديا، ۆەنگريا، اۆستريا، بەلگيا، ليۋگسەمبۋرگ قاتارلى 6 ەلدىڭ جاي پاسپورتى بار ازاماتتارىنىڭ جۇڭگوعا ۆيزاسىز كەلۋىنە رۇقسات بەرۋ ساياساتى سىناق رەتىندە اتقارىلادى. بۇل وسى ايدىڭ 1 – كۇنى جۇڭگو مەن تايلاند اراسىندا ءوزارا ۆيزاسىز بارىپ – كەلۋگە رۇقسات بەرۋ كەلىسىمشارتى رەسمي كۇشكە يە بولعان سوڭ، جۇڭگو ۆيزاسىز كەلۋگە رۇقسات بەرەتىن ەلدەردىڭ قاتارىنىڭ تاعى دا كەڭەيە تۇسكەنىن كورسەتەدى.
قاتىستى ورنالاستىرۋلارعا ساي، 2024 – جىلى 3 – ايدىڭ 14 – كۇنىنەن 11 – ايدىڭ 30 – كۇنىنە دەيىن، شۆەتساريا قاتارلى 6 مەملەكەتتىڭ جاي پاسپورتى بار ازاماتتارى جۇڭگوعا كەلىپ ساۋدا ىستەگەن، ساياحاتتاعان، تۋىس – تۋعان، دوس – جاراندارىمەن كەزدەسكەن نەمەسە جۇڭگو شەكاراسى ارقىلى باسقا ەلگە وتكەن ۋاقىتى 15 كۇننەن اسىپ كەتپەسە، شەكارادان ۆيزاسىز كىرۋىنە بولادى. جوعارىداعى مەملەكەتتەردىڭ ۆيزاسىز كەلۋ شارتىنا ساي كەلمەيتىن ازاماتتارى شەكارادان كىرۋدەن بۇرىن ۆيزانى ءبىتىرۋى قاجەت.
3 – ايدىڭ باسىنا دەيىن، جۇڭگو 157 مەملەكەتپەن ءتۇرلى پاسپورت تۇرلەرىن قامتىعان ءوزارا ۆيزاسىز بارىس – كەلىس كەلىسىمشارتىن جاساعان، 44 مەملەكەتپەن ۆيزا اشۋ رەسميەتىن قاراپايىمداستىرۋ جونىندە كەلىسىمشارت نەمەسە ورنالاستىرۋ جاساعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
